Methelokên 12:5 - Kurmanji Încîl

⁵ Fikrên kesên rast adil in, Lê rêberiya xeraban bihîle ye.

Methelokên Hezretê Silêman 1947

⁵ Fikr û ramanên pakdilan heq in; lê qesdên mirovên xerab hîle ne.

Methelokên 12:5 ပူးပေါင်းရင်းမြစ်များ

Zebûr 119:15

Ezê li ser emrên te bixebitim, Û çavên min li riya te be.

Zebûr 139:23

Ey Xwedê, min sihêtî bike, dilê min binase, Min bitoklîne, bi fikrên min bizane.

Methelokên 11:23

Daxwaza rastan tenê qencî ye, Lê bendewariya xerab xezeb e.

Methelokên 12:4

Jina çê taca serê mêrê xwe ye, Lê jina şermê tîne, rizîbûna hestiyê wî ye.

Methelokên 12:6

Gotina xeraban kemîna xwînê ye, Lê devê dilrastan wan rizgar dike.

Methelokên 14:8

Şehrezayiya aqilmendan ew e ku riya xwe dizanin, Lê ehmeqiya bêaqilan hîlekarî ye.

Methelokên 24:9

Niyeta ehmeqîkirinê guneh e, Tinazkar ji mirovan re kirêt e.

Îşaya 55:7

Bila kesê xerab dev ji riya xwe, Bila kesê neheq dev ji fikrên xwe berde. Bila ew li Xudan vegerin Ku ew li wan were rehmê. Bila ew li Xwedayê me vegerin, Çimkî wê bi zêdebarî bibexişîne.

Yêremya 4:14

Ya Orşelîm! Dilê xwe ji xerabiyê bişo ku rizgar bibî. Wê heta kengê fikrên xerab di nav te de bimînin?

Yêremya 9:3

“Ew zimanê xwe wekî kevanê ditikînin, Bi derewan, ne bi dirustiyê li welêt hêzdar bûn. Çimkî ew xerabiyê li ser xerabiyê dikin Û min nas nakin.” Ev e gotina Xudan.

Yêremya 9:5

Herkes cîranê xwe dixapîne, Tu kes rastiyê nebêje. Wan gotina derew hînî zimanê xwe kir. Ewqas xerabiyê dikin ku xwe diwestînin.

Metta 2:16

Gava Hêrodês fêm kir ku ji aliyê stêrnasan ve hatiye xapandin, gelek hêrs bû. Li ser vê yekê, tam li gor wî çaxê ku ji stêrnasan hîn bûbû, li Beytlehm û li hemû der û dora wê, fermana kuştina hemû zarokên kurîn ên du salî û ji diduyan biçûktir derxist.

Metta 26:4

û bi hev şêwirîn ku Îsa bi hîle bigirin û wî bikujin.

Korîntî I, 4:5

Ji ber vê yekê, heta ku Xudan bê, beriya wext, dîwana tiştekî nekin. Xudan wê tiştên di tariyê de veşartî ronahî bike û niyeta dilan eşkere bike. Hingê pesnê her kesî wê ji Xwedê be.

Korîntî II, 4:2

Me tiştên veşartî yên bi şerm red kirin. Em bi qurnaziyê rêve naçin û em peyva Xwedê naguherin. Lê belê, em rastiyê diyar dikin û li ber Xwedê xwe ji wijdana her mirovî re tewsiye dikin.