Lêwiyî 14:3 - Kurmanji Încîl

³ Wê kahin wî derxe derveyî artêşgehê û lê binêre. Heke nexweşî baş bûbe,

Lêwiyî 14:3 ပူးပေါင်းရင်းမြစ်များ

Lêwiyî 13:46

Di hemû rojên ku nexweşî pê re ye de, wê qirêj bê hesibandin. Ew qirêj e, wê bi tena serê xwe, li derveyî artêşgehê bimîne.

Lûqa 7:22

Îsa li wan vegerand û got: «Herin û we çi dîtiye û çi bihîstiye ji Yûhenna re bêjin: Kor dibînin, şil û şeht rêve diçin, kotî paqij dibin, kerr dibihîzin, mirî radibin û Mizgînî ji belengazan re tê dayîn.

Lûqa 4:27

Û di dema Êlîşa pêxember de gelek kotî li welatê Îsraêlê hebûn û ji nav wan ji Nemanê ji Sûriyê pê ve, kesekî din nehat paqijkirin.»

Metta 11:5

Kor dibînin, şil û şeht rêve diçin, kotî paqij dibin, kerr dibihîzin, mirî radibin û Mizgînî ji belengazan re tê dayîn.

Metta 10:8

Nexweşan qenc bikin, miriyan rakin, kotiyan paqij bikin û cinan derxin. We belaş stand, belaş bidin.

Eyûb 5:18

Çimkî ew diêşîne, ew dipêçe, Ew birîndar dike û destên wî baş dikin.

Padîşah II, 5:14

Rabû û çû li gorî gotina zilamê Xwedê li Çemê Şerîayê heft caran noqî avê bû. Laşê wî wekî laşê zarokekî biçûk, vegeriya halê xwe yê berê û paqij bû.

Padîşah II, 5:3

Rojekê keçik ji xatûna xwe re got: “Xwezî xweyê min, biçûya ba pêxemberê li Sameryayê! Wê pêxember wî ji kotîbûnê rizgar bikira.”

Derketin 15:26

Mûsa got: “Heke hûn bi baldarî guhê xwe bidin dengê Xwedayê xwe Xudan û ya ku li ber çavê wî rast e bikin, guh bidin emrên wî û miqateyê hemû qanûnên wî bin, ezê wan nexweşiyên ku min dane Misriyan, yekê jî nedim we. Çimkî yê ku şifayê dide we ez im, ez Xudan im.”

Lêwiyî 13:2

“Heke di çermê mirovekî de werim, qalik an dexmek hebe ku dikare nexweşiya çerman be, wê wî bibin ba Harûnê Kahin an kurên wî yên kahin.

Lêwiyî 14:48

“Heke kahin were, lê binêre û piştî ku mal hat seyandin, kûfik belav nebûbe, wê malê paqij bihesibîne. Wî çaxî nexweşiya kûfikê derbas bûye.