یعقوب 5:11 - Kurmanji Încîl

¹¹ Binêrin, em wan ên ku tengahî ragirtine, bextewar hesab dikin. We ragirtina Eyûb bihîst û we dît ku Xudan di dawiyê de ji bo wî çi kir. Çimkî Xudan gelek dilovan û tije rehm e.

Peymana Nû (Încîl)

¹¹ Belê em xwezîya xwe li yêd sebir dikin tînin. We bona sebira Îbo bihîstîye û we dît, Xudan axirîya wî çawa xêr kir, çimkî Xudan gelekî îsaf û rʼeʼm e!

Пәймана Ну (Инщил)

¹¹ Бәле әм хԝәзийа хԝә ль йед сәбьр дькьн тиньн. Ԝә бона сәбьра Ибо бьһистийә у ԝә дит, Хӧдан ахьрийа ԝи чаԝа хер кьр, чьмки Хӧдан гәләки исаф у рʼәʼм ә!

کتاب مقدس به زبان کردی شیکاکی

¹¹ اَم اَونه گو صَبره دِگَن، وِسا دِزانِن گو ژه آلیه خدا بَرکت اِستاندِنَ. وَ راستا صَبرا ایوب بیهیستیَ، و وَ آماجا خاده دیتیَ، گو خاده چه قیاسا مِهربان و رَحمَ.

یعقوب 5:11 ပူးပေါင်းရင်းမြစ်များ

Dîrok I, 21:13

Dawid ji Gad re got: “Tengasiya min mezin e. Dixwazim bikevim destê Xudan, çimkî rehma wî mezin e. Ez nakevim destê mirovan.”

Nehemya 9:17

Wan nexwest guhdariyê bikin. Wan karên nedîtî ku te di nav wan de kiribûn, ji bîr kirin. Wan serhişkî kir û serekek ji xwe re peyda kir ku vegerin Misrê û koletiya xwe. Lê tu Xwedayê bexişkar, keremdar û dilrehm î. Tu zû hêrs nabî û dilovaniya te zêde ye. Te ew bernedan.

Nehemya 9:31

Lê belê ji ber rehma xwe ya mezin te ew bi tevahî tune nekirin, te ew bernedan. Çimkî tu Xwedayê dilrehm û keremdar î.

Eyûb 1:1

Li welatê Ûsê zilamekî bi navê Eyûb hebû. Ew mirovekî kamil û dilrast bû. Ji Xwedê ditirsiya û xwe ji xerabiyê dûr dixist.

Eyûb 1:2

Heft kur û sê keçên wî hebûn.

Eyûb 2:10

Eyûb ji jina xwe re got: “Jinên ehmeq çawa diaxivin tu jî wisa diaxivî. Emê qenciyê ji Xwedê qebûl bikin û xerabiyê qebûl nekin?” Di tevahiya van tiştan de, guneh bi lêvên Eyûb nebû.

Eyûb 23:10

Lê ew riya ku ez çûm ser dizane, Dema min biceribîne, ezê wekî zêr derkevim.

Zebûr 103:13

Bav, çawa ber zarokên xwe dikeve, Xudan jî ewqas, ber yên ku jê ditirsin dikeve.

Zebûr 103:8

Xudan dilovan û keremdar e, Zû hêrs nabe, hezkirina wî zêde ye.

Zebûr 116:5

Xudan keremdar û dadperwer e, Xwedayê me dilovan e.

Zebûr 119:132

Çawa ku ji hezkirên navê te re dadperweriya te heye, Li min bizivire û ji min re dilovan be.

Zebûr 145:8

Xudan keremdar û dilovan e, Zû hêrs nabe, kerema wî mezin e.

Zebûr 37:37

Çavê xwe bide zilamê gihîştî, li wî binêre, Çimkî pêşeroj ya aştîhezan e.

Zebûr 51:1

Ey Xwedê, li gor kerema xwe, Ber min bikeve; Bi pirrbûna dilovaniya xwe, Paqij bike serhildanên min.

Zebûr 78:38

Belê Xwedê dilovan bû, Li fesadiya wan diborî, ew nedişandin helaqê; Gellek caran wî digirt hêrsa xwe, Wî nîşan nedida tevahiya xezeba xwe.

Zebûr 86:15

Herçî tu yî, ya Reb, Tu dilovan û keremdar î, Kerem û rastiya te pirr e, tu sebirdar î.

Zebûr 86:5

Çimkî ya Reb, tu qenc û bexişkar î, Ji hemû yên ku bang dikin te re keremdar î.

Zebûr 94:12

Çi dilgeş e ya Xudan, yê ku te perwerde kirî, Û yê ku te şerîeta xwe pê hînkirî!

Derketin 34:6

Xudan di ber wî re derbas bû û got: “Ez Xudan im, Xwedayê dilrehm û keremdar, zû hêrs nabe, dilsozî û dilovaniya wî zêde ye.

Waiz 7:8

Dawiya tiştekî ji destpêka wî çêtir e, Sebir, ji pozbilindiyê çêtir e.

Îşaya 63:7

Ezê karên Xudan ên dilovaniyê Û kirinên Xudan ên hêjayî pesindanê bi bîr bînim. Çimkî Xudan ji bo me gelek tişt kirin Û qenciya wî ya bi Mala Îsraêl kiriye mezin e Ku li gorî rehm û dilovaniya xwe ya mezin kiriye.

Îşaya 63:9

Di tevahiya tengasiya wan de ew aciz bû. Milyaketê ku ji hizûra wî hat ew rizgar kirin. Erê, Xudan bi hezkirin û rehma xwe ew rizgar kirin, Ew hildan û di hemû rojên borî de ew hilgirtin.

Lavijên Şînê 3:22

Dilovaniya Xudan bêdawî ye, Rehma wî qet naqede.

Daniyêl 9:9

Tevî ku em li dijî te rabûn, tu, Xwedayê me Reb, dilrehm û bexişkar î.

Yoêl 2:13

Ne cilên xwe, dilê xwe biçirînin Û li Xwedayê xwe Xudan vegerin. Çimkî ew keremdar û dilrehm e, Zû hêrs nabe, dilovaniya wî zêde ye, Dev ji cezakirinê berdide.

Ûnis 4:2

Wî ji Xudan re dua kir û got: “Ax, ya Xudan, hê gava ez li welatê xwe bûm, ma min ev negot? Ji ber vê yekê ez yekser reviyam Tarşîşê. Min dizanibû tu Xwedayekî keremdar û dilrehm î, tu zû hêrs nabî, dilovaniya te zêde ye û tu dev ji cezakirinê berdidî.

Mîxa 7:18

Ma îlahekî wekî te heye ku sûcan dibexişîne Û serhildanên saxmayiyên gelê xwe efû dike?! Ji ber ku tu bi dilovaniyê şa dibî, Tu heta hetayê bi hêrs namînî.

Hejmartin 14:18

“‘Xudan zû hêrs nabe Û dilovaniya wî zêde ye. Ew guneh û xerabiyê dibexişîne Lê sûcdaran bêceza nahêle. Hesabê xerabiya bavan ji kuran, Ji nifşê sisêyan û çaran dipirse.’

Metta 10:22

Hemû wê di ber navê min de ji we nefret bikin. Lê yê ku heta dawiyê ragire, ewê xilas bibe.

Lûqa 1:50

Û rehma wî nifş bi nifş li ser wan e, Yên ku ji wî ditirsin.

Lûqa 11:10

Çimkî yê ku dixwaze, distîne Û yê ku digere, dibîne Û yê ku li derî dixe, jê re vedibe.

Lûqa 6:36

Dilbirehm bin, çawa ku Bavê we jî dilbirehm e.

Romayî 2:4

An ku tu zêdehiya qencî, sebir û bîhnfirehiya wî kêm dibînî? Ma tu nizanî ku qenciya Xwedê te ber bi tobekirinê ve dibe?

Efesî 1:6

Wisa ku kerema wî ya bi rûmet a ku wî bi Hezkiriyê xwe ji me re kiriye xelat, bê pesindan.

Efesî 2:4

Lê Xwedayê ku bi rehmê dewlemend e, ji ber hezkirina xwe ya mezin a ku bi wê ji me hez kir,

Îbranî 10:39

Lê belê em ne ji wan in ên ku xwe bi şûn ve dikişînin û helak dibin; lê em ji wan in ên ku ji bo rizgariya canê xwe bawer dikin.

Îbranî 3:14

Çimkî em bûne hevparên Mesîh, lê bi tenê em ewlehiya xwe ya destpêkê heta dawiyê hişk bigirin.

Îbranî 3:6

Lê Mesîh bi Kurîtî li ser mala Xwedê dilsoz bû. Û eger em cesareta xwe û pesindana ku ji hêviya me tê hişk bigirin, mala wî em in.

یعقوب 1:12

Xwezî bi wî mirovê ku ceribandinê radigire. Çimkî gava ku ji ceribandinê serfiraz derkeve, wê taca jiyanê ya ku Xwedê ji yên ku ji wî hez dikin re soz daye, bistîne.

یعقوب 1:2

Birayên min, kengê hûn bikevin ceribandinên cûr bi cûr, vê yekê şahiyeke temam hesab bikin.

Petrûs I 1:13

Ji ber vê yekê li ser hişê xwe bin, amade û hişyar bin. Hemû hêviya xwe bi wê keremê ve girê bidin, ku hûnê bi xuyabûna Îsa Mesîh bistînin.

Petrûs I 3:14

Lê eger hûn di ber rastiyê de cefayê bikişînin jî, xwezî bi we! Ji tiştê ku ew ditirsin, hûn netirsin û nebizdin,

Petrûs II 2:9

Xudanê ku bi vî awayî kir, dizane ku çawa xwedênasan ji ceribandinê rizgar bike û yên ku neheqiyê dikin,