Îşaya 7:4 - Kurmanji Încîl

⁴ Jê re bêje: ‘Hay ji xwe hebe, aram be û ji van herdu perçeyên êzingên nîvşewitî, ji hêrsa dijwar a Resînê Padîşahê Aramê û kurê Remalya netirse. Bila dilê te wêrek be.

Îşaya 7:4 ပူးပေါင်းရင်းမြစ်များ

Padîşah II, 15:27

Di pêncî û du saliya padîşahiya Ezaryayê Padîşahê Cihûdayê de Peqahê kurê Remalya li Sameryayê li ser gelê Îsraêl bû padîşah. Peqah bîst salan padîşahî kir.

Îşaya 10:24

Loma Reb Xudanê Karîndar wiha dibêje: “Ya gelê min ê li Siyonê rûdine! Ji Aşûriyan netirse ku wekî Misriyan bi gopalan li te xistibûn û bi daran li dijî te rabûbûn.

Îşaya 30:15

Çimkî Reb Xudan, Pîrozê Îsraêl wiha dibêje: “Bi veger û arambûnê, Hûn rizgar dibin. Hûn bi rihetî û ewlebûnê Hêzdar dibin. Lê hûn naxwazin!

Îşaya 30:7

Çimkî alîkariya Misrê pûç û beredayî ye, Loma min navê wir kir ‘Rahava Bêkêr.’

Îşaya 35:4

Ji kesên dilbitirs re bêjin, “Hêzdar bin, netirsin, Va ye Xwedayê me! Tê ku tolê bistîne, Tê ku heyfê hilde. Ew bi xwe tê û wê we rizgar bike.”

Îşaya 37:6

wî ji wan re got: “Ji xweyê xwe re wiha bêjin: ‘Xudan wiha dibêje: Tu ji gotinên te bihîstin û çêrên ku xulamên Padîşahê Aşûrê bi min kirin, netirse.

Îşaya 41:14

“Ya Aqûbê kurmê axê! Îsraêlo, netirse! Ezê alîkariya te bikim.” Ev e gotina Xudan. “Yê ku te rizgar dike, Pîrozê Îsraêl e!

Îşaya 7:1

Di rojên Ahazê kurê Yotamê kurê Ûzziyayê Padîşahê Cihûdayê de, Resînê Padîşahê Aramê û Peqahê kurê Remalyayê Padîşahê Îsraêlê rabûn ku êrîşî Orşelîmê bikin. Lê tevdîra şer jî nekirin.

Îşaya 7:8

Çimkî Şam paytexta Aramê, Resîn jî serekê wê ye. Wê Efrayîm jî di nav şêst û pênc salan de bişikê û ji miletbûnê derkeve.

Îşaya 7:9

Paytexta Efrayîmê Samerya ye û kurê Remalya serekê wê ye. Heke tu bawer nekî, tê di ewlehiyê de nebî.’”

Îşaya 8:4

Çimkî hê ku zarok hînî gotina: ‘Dayê, bavo’ nebûye, wê Padîşahê Aşûrê dewlemendiya Şamê û talanê Sameryayê ji xwe re bibe.”

Îşaya 8:6

“Ji bo ku vî gelî avên Şîloahê yên bi aramî diherikin red kirin û bi kurê Resîn û Remalya şa dibin,

Lavijên Şînê 3:26

Mayîna bêdengî ya li benda rizgariya Xudan, qenc e.

Amos 4:11

“Çawa ku min Sodom û Gomorayê serobino kir, Min hinek ji we jî serobino kir. Hûn bûn wekî êzingê nîvşewitî yê ji êgir rizgarbûyî. Dîsa jî hûn li min venegeriyan.” Ev e gotina Xudan.

Habaqûq 2:3

Tiştên dîtiniyê li benda dema xwe ya diyarkirî ne, Ew li ser rojên dawî dibêjin û derewan nakin. Bi derengî jî bikevin, li bendê bin, Bêguman wê bibin, wê dereng nemînin.

Zekeriya 3:2

Xudan ji Îblîs re got: “Bila Xudan erzê te bişikêne. Îblîso, Xudanê ku Orşelîmê hilbijart, erzê te bişikêne. Ma ev mirov, ne ew êzingê nîvşewitî ye ku ji nav êgir hatiye derxistin?”

Metta 10:28

Ji wan ên ku bedenê dikujin, lê nikarin can bikujin netirsin. Hê bêtir ji wî bitirsin ê ku dikare hem can û hem bedenê di dojehê de helak bike.

Metta 24:6

Hûnê dengê şeran û li ser şeran bibihîzin. Hay jê hebin û netirsin. Tiştên weha divê bibin, lê hê dawî nehatiye.

Dubarekirina Şerîetê 20:3

Wê ji wan re bêje: ‘Ya gelê Îsraêl, bibihîze! Îro hûn herin li dijî dijminên xwe şer bikin. Dilwêrek bin û netirsin! Sil nebin û ji ber wan nekevin sawê.

Samûêl I, 17:32

Dawid ji Şawûl re got: “Bila kesek ji vî Filîstiyî netirse. Ez xulamê te, dixwazim pê re şer bikim.”