Îşaya 66:16 - Kurmanji Încîl

¹⁶ Çimkî wê Xudan hemû beşer Bi şûr û êgir dadbar bike. Wê kuştiyên Xudan gelek bin.

Îşaya 66:16 ပူးပေါင်းရင်းမြစ်များ

Îşaya 10:4

Yan hûnê di nav êsîran de çok bidin, Yan jî hûnê di bin kuştiyan de bimînin. Lê dîsa jî wê hêrsa Xudan danekeve, Wê destê wî li dijî wan dirêjkirî bimîne.

Îşaya 27:1

Wê rojê wê Xudan Bi şûrê xwe yê dijwar, mezin û hêzdar, Livyetanê marê ku zû direve, Livyetanê marê ku fetlometlo diçe, ceza bike. Wê ejderhayê li deryayê bikuje.

Îşaya 3:13

Xudan ji bo doza xwe rabû, Ji bo dîwana gelan bike sekinî.

Îşaya 30:30

Wê Xudan dengê xwe yê biheybet bide bihîstin. Bi hêrsa rabûyî, bi pêta agirê ku dixwe û tune dike, Bi qelişîna ezmanan, bi tavî û bi zîpikê, Zendê xwe nîşan bide.

Îşaya 31:8

Wê Aşûr bi şûr bikeve, Lê ne bi şûrê mirovan. Wê şûr daqurtîne, Lê ne şûrê însanan. Wê ji ber şûran birevin Û xortên wê bibin suxrevan.

Îşaya 34:2

Çimkî Xudan ji hemû miletan hêrs bûye, Li dijî hemû artêşên wan hat xezebê. Wî ew bi tevahî tune kirin, Wî ew dan ber serjêkirinê.

Îşaya 65:12

Ezê jî we bikim qismetê şûran, Hûnê hemû ji bo serjêkirinê xwar bibin. Çimkî gava min gazî we kir, we bersiv neda, Gava min got, we guhê xwe neda. We tiştê di çavê min de xerab e kir Û ya ku bi dilê min ne xweş e hilbijart.”

Yêremya 25:31

Wê şingînî bigihîje binê dinyayê, Çimkî doza Xudan bi miletan re heye. Wê hemû beşerê darizîne. Wê xeraban teslîmî şûr bike.’” Ev e gotina Xudan.

Yêremya 25:33

Wê kuştiyên Xudan ên wê rojê ji serê dinyayê heta binê dinyayê bin. Wê neyên şînkirin, civandin û veşartin. Wê li ser erdê bibin zibil.

Yêremya 45:5

Qey tu li pey tiştên mezin î? Nede pey van tiştan! Çimkî hindik maye ku ez xerabiyê bi ser hemû beşerê ve bînim.’” Ev e gotina Xudan. “‘Lê li her dera ku tu heriyê, ezê canê te ji te re bikim malê talên.’”

Yêremya 46:15

Ji bo çi Apîsê îlahê te reviya? Çima boxeyê te li ser piyan nema? Çimkî Xudan ew li erdê xist.

Yoêl 3:2

Ezê hemû miletan bicivînim Û bînim Deşta Yehoşafatê. Ji ber ku wan mîrasa min gelê Îsraêl, Di nav miletan de belav kir, Ezê wan li wê derê dadbar bikim. Wan welatê min parve kir,

Amos 7:4

Tiştê ku Reb Xudan nîşanî min da ev bû: Reb Xudan gazî êgir kir ku ceza bike. Êgir kûrahiya mezin daqurtand û dest bi xwarina erdê kir.

Nahûm 3:15

Li wir wê agir te daqurtîne, Wê şûr te helak bike. Wê wekî kuliyan te bixwe û daqurtîne. Loma tu xwe wekî kuliyan zêde bike, Wekî kuliyên ciwan zêde bibe!

Nahûm 3:3

Siwar tên pêş! Şûrê birqavêj, rima birqonek, Gelek kuştî, komên miriyan, Dawiya laşan tuneye! Piyê wan bi laşên wan diterpilin!

Zekeriya 14:5

Hûnê di newala çiyayê min çêkir re birevin. Çimkî wê ew newal di nav çiyayan de xwe bigihîne Asalê. Çawa ku di dema Ûzziyayê Padîşahê Cihûdayê de hûn ji erdhejê reviyabin, hûnê dîsa wisa birevin. Wê gavê wê Xwedayê min Xudan bi tevahiya pîrozên xwe re were!