Îşaya 59:6 - Kurmanji Încîl

⁶ Ji konikên wan cil dernakeve, Ya ku çêdikin mirov nanixême. Karên wan xerabî ne, Kirinên wan ên zordarî di destê wan de tên dîtin.

Îşaya 59:6 ပူးပေါင်းရင်းမြစ်များ

Destpêk 6:11

Di çavê Xwedê de dinya xera bûbû û bi zordariyê tije bûbû.

Eyûb 16:17

Lê destên min zordarî nekiriye Û duaya min pak e.

Zebûr 55:11

Xerabî di nav bajêr de ye, Hîle û zordarî ji kuçên wê dernayê.

Zebûr 58:2

Na! Hûn bi dil neheqiyê dikin, Li nav welat, hûn zordariya destê xwe datînin mêzînê.

Îşaya 30:1

Gotina Xudan ev e: “Wey li kurên serhildêr! Kesên pîlanan dikin, Lê ne yên min. Ew peymanan çêdikin, Lê ne bi ruhê min re. Bi vê yekê guneh li ser gunehan dikin.

Îşaya 5:7

Rezê Xudanê Karîndar Mala Îsraêl e, Şaxê ew pê dilşa ye, Gelê wî Cihûda ye. Heqî bû hêviya wî, Lê wî dît qetilxwînî. Edalet bû hêviya wî, Lê tenê ma hewarî.

Îşaya 57:12

Ezê rastî û karên te bînim ber çavên xwe, Lê wê bi kêrî te neyên.

Îşaya 58:4

Va ye, hûn bi tenê ji bo şer û pevçûnê, Bi tenê ji bo bi kulma xerabiyê lêxin rojî digirin. Bi vê rojîgirtina wekî îro, Wê li ezmanan dengê we neyê bihîstin.

Îşaya 64:6

Çimkî em hemû bûn wekî kesê qirêj, Hemû karên me yên rast wekî kincên qirêj in. Em mîna pelekî diçilmisin, Neheqiyên me, wekî bayê me hildidin û dibin.

Yêremya 6:7

Çawa ku bîr ava xwe teze dihêle, Ew jî xerabiya xwe wisa teze dihêle. Zordarî û zordestî ji wê derê tê bihîstin, Li ber min hergav birîn û nexweşî hene.

Amos 3:10

Gotina Xudan ev e: “Ew nizanin heqiyê bikin, Zordarî û zordestî li bircên xwe didin hev.”

Amos 6:3

Wey li we ku roja xezebê dûr dibînin Û textê zordariyê nêzîk dikin!

Mîxa 2:8

Lê hê duh gelê min wekî dijmin serî rakir. Kesên şer nakin û di ewlehiyê de ne, Hûn ebayê xweşik ji wan dikin!

Mîxa 6:12

Dewlemendên we zordar in, Şêniyên we derewan dikin. Di devên wan de zimanê xapînok heye.

Sefanya 1:9

Wê rojê ezê hemû pûtperestên Ku bi zordarî û hîleyan Malên îlahên xwe dadigirin ceza bikim.”

Sefanya 3:1

Wey li wî bajarê serhildêr, pîs û zordar!

Melaxî 2:16

Çimkî Xwedayê Îsraêl Xudan dibêje: “Ez ji jinberdanê û ji xiftanê ku bi vê zordariyê tije ye nefret dikim” Xudanê Karîndar dibêje. Loma hay jê hebin, bêbextiyê nekin!