Îşaya 55:6 - Kurmanji Încîl

⁶ Hê ku fersenda dîtina wî heye, li Xudan bigerin, Hê ku nêzîk e gazî wî bikin.

Îşaya 55:6 ပူးပေါင်းရင်းမြစ်များ

Dîrok I, 28:9

“Silêmano! Ya kurê min! Xwedayê bavê xwe nas bike. Bi yek dilî û canê bibiryar xulamiya wî bike. Çimkî Xudan lêkolîna tevahiya dilan dike. Hemû niyet û fikran fêm dike. Heke tu lê bigerî, wê xwe bide dîtin. Lê heke tu dev ji wî berdî, wê heta hetayê te red bike.

Ezra 10:2

Şexanyayê kurê Yehiyêlê Elamî ji Ezra re got: “Me nedilsoziyê bi Xwedayê xwe kir û ji gelên welêt jinên xerîb ji xwe re anîn. Lê dîsa jî, ji bo Îsraêl hêviyek heye.

Eyûb 8:5

Heke tu yekser rabî û li Xwedê bigerî Û ji Karîndar lava bikî,

Zebûr 14:2

Xudan ji jor ve li mirovan dimeyzîne, Ka gelo ewê yên şehreza û li Xwedê digerin bibîne.

Zebûr 145:18

Xudan nêzikî wan hemûyan e, ku bang dikinê, Ew yên ku, ji dil bang dikinê.

Zebûr 148:14

Wî ji bo gelê xwe serokek rakir, Pesnê hemû dilsozên wî, Û gelê Îsraêlê yê ku nêzikî wî ye bidin, Pesnê Xudan bidin.

Zebûr 27:8

Ya Xudan, te got, «Li rûyê min bigerin» Dilê min ji te re got, «Ez li rûyê te digerim.»

Zebûr 32:6

Loma bila her evdê te yê dilsoz Gava ku hewcedar e bi dua ji te bixwazin. Da ku negihîje wan rabûna avên mezin.

Zebûr 34:19

Pirr gellek in derdê rastan, Belê Xudan wan xelas dike ji hemûyan.

Zebûr 75:1

Em ji te re spas dikin ey Xwedê, Em spas dikin, çimkî navê te nêzik e, Karên te yên nedîtî, vê didin xuyan:

Zebûr 95:7

Çimkî ew Xwedayê me ye, Û em jî gelê mêrga wî, Miyên ber destê wî ne. Xwezî we îro dengê wî bibihîzta,

Methelokên 8:17

Kesên ji min hez dikin, ez ji wan hez dikim, Kesên ji dil û can li min digerin, min dibînin.

Îşaya 12:6

Ya xelkê Siyonê biqîre û şa be! Çimkî Pîrozê Îsraêl ê nav we mezin e.”

Îşaya 26:9

Bi şevan dilê min te dixwaze, Di hinavê min de, Canê min zû li pey te tê. Çimkî çaxê rêbazên te li dinyayê bin, Wê şêniyên erdê hînî rastiyê bin.

Îşaya 45:19

Min li dereke veşartî, Li diyarê tarî negot. Min ji ziriyeta Aqûb re negot: ‘Li dereke vikîvala li min bigerin.’ Ez Xudan bi edaletê dibêjim, Tiştên rast didim bihîstin.

Îşaya 45:22

“Li min bizivirin û rizgar bibin, Hemû mirovên li binê dinyayê jî! Çimkî Xwedê ez im û yekî din tuneye.

Îşaya 46:13

Min serfiraziya xwe nêzîk kir. Wê rizgarkirina min bi derengî nemîne. Ezê ji bo Îsraêlê berziya xwe, Rizgariyê bidim Siyonê.

Îşaya 49:8

Xudan wiha dibêje: “Min di dema razîbûnê de bersiv da te, Di roja rizgarkirinê de alîkariya te kir. Ezê te biparêzim Û ezê te wekî peyman bidim gel Ku tu welêt ji nû ve ava bikî Û mîrasên ku wêran bûne dîsa parve bikî.

Îşaya 58:9

Wî çaxî gava hûn bikin gazî, Wê Xudan bersiva we bide. Hûnê bikin hewar Û wê bêje: ‘Va me ez!’ “Heke hûn nîr, Nîşandana tiliya xwe Û gotina xerab ji nava xwe rakin,

Îşaya 65:10

Ji bo gelê min ê li min digere, Wê Şaron ji bo pezê wan bibe mêrg, Deşta Exorê ji bo dewarên wan bibe mexel.

Îşaya 65:24

Beriya ew gazî min bikin, Ezê bersiva wan bidim, Gava ew hê diaxivin, ezê bibihîzim.

Yêremya 25:5

Wan ji we re got: ‘Bila niha tevahiya we dev ji rê û karên xwe yên xerab berdin ku hûn li welatê xwe bijîn ku Xudan ji berê ve û heta hetayê daye we û bav û kalên we.

Yêremya 33:3

‘Gazî min bike, ezê bersiva te bidim. Ezê tiştên mezin ku hişê mirov nagire bêjim ku tu pê nizanî.’

Daniyêl 4:27

Padîşahê min, bila şîreta min ji bo te xweş be: Bi kirinên rast, gunehên xwe û bi alîkariya ketiyan, xerabiyên xwe bişikêne û dev ji wan berde. Bi vî awayî belkî rihetiya te bê dirêjkirin.”

Hoşêya 10:12

Hûn ji bo xwe rastiyê biçînin, Ji bo xwe berê dilovaniyê hilînin. Erdê xwe yê beyar cot bikin. Çimkî dema lêgerîna Xudan e, Wê bê û rastiyê li ser we bibarîne.

Amos 5:6

Li Xudan bigerin û bijîn! An na, wê bibe agir û bi Mala Ûsiv bikeve, Wê Bêt-Êlê daqurtîne û wê tu kes netefîne.

Ûnis 3:8

Bila hemû mirov û heywan çûx li xwe bikin û bi hêzdarî gazî Xwedê bikin. Bila herkes ji riya xerab bizivire û destê xwe ji zordariyê bikişîne.

Metta 5:25

Hê ku tu di riya dadgehê de yî, zû bi sûcdarkerê xwe re li hev were. An na, ewê te bide destê dadger û dadger jî te bide destê qerdiyan û tê bikevî zîndanê.

Lûqa 13:25

Piştî ku malxwê malê rabe û derî bigire, hûnê li derve bimînin, dest pê bikin li derî bixin û bêjin: ‹Ya Xudan, ji me re veke!› Hingê ewê li we vegerîne û ji we re bêje: ‹Ez nizanim hûn ji ku derê ne.›

Yûhenna 8:21

Wî dîsa ji wan re got: «Ez diçim; hûnê li min bigerin û hûnê di nav gunehên xwe de bimirin. Hûn nikarin bên cihê ku ez diçimê.»

Efesî 3:13

Ji ber vê yekê, ez ji we hêvî dikim ku hûn, ji ber cefayên ku ez ji bo we dikişînim, dilsar nebin; ew ji bo we rûmet in.

Dubarekirina Şerîetê 4:29

Lê li wir, hûnê li Xwedayê xwe Xudan bigerin. Heke hûn bi hemû dilê xwe û bi hemû canê xwe lê bigerin, hûnê wî bibînin.

Dubarekirina Şerîetê 4:7

Gelo îlahê kîjan miletê mezin heye ku wekî Xwedayê me Xudan gava em gazî dikin, nêzîkî me dibe?

Îbranî 2:3

eger em li ber vê xilasiya evqas mezin xemsar bin, emê çawa birevin û xilas bibin? Di destpêkê de Xudan ev xilasî da zanîn û ji aliyê yên ku ew bihîstine ve ji me re rast hat deranîn.

Îbranî 3:13

Lê belê heta roja ku jê re dibêjin «îro» heye, her roj hevdû bişidînin, da ku dilê tu kesî ji we bi xapandina guneh hişk nebe.