Îşaya 50:8 - Kurmanji Încîl

⁸ Yê ku min mafdar dertîne nêzîk e. Ma kî ji min dozdar e? Bila were em rûbirû bibin. Kî ye dozê li min vedike? Bila derkeve pêşberî min.

Îşaya 50:8 ပူးပေါင်းရင်းမြစ်များ

Eyûb 13:19

Gelo wê kî berberiya min bike? Heke hebe ezê bêdeng bim û bimirim.

Zebûr 119:151

Belê tu nêzik î, ya Xudan, Û hemû emrên te rast in.

Derketin 22:9

Di her meseleya ga, ker, pez, kinc û her tiştê windabûyî ya ku herdu alî jî dibêjin: ‘Ev ya min e’ de, wê gotina herdu aliyan here ber Xwedê. Kesê ku Xwedê wî sûcdar dertîne, wê du qatê wan tiştan bide cîranê xwe û aştiyê bike.

Îşaya 1:18

Xudan dibêje: “Niha werin em li doza xwe binêrin. Gunehên we bi xwînê sor jî bûbin, Wê wekî berfê spî bibin. Bûbin wekî qirmizê sor jî, Wê wekî hiriyê spî bibin.

Îşaya 41:1

“Kesên keviyên deryayan! Bêdeng bin û guhdariya min bikin! Bila netewe hêza xwe nû bikin, Bila nêzîk bin û bêjin. Ji bo dadbarkirinê Em werin ba hev!

Îşaya 41:21

Xudan dibêje: “Doza xwe bînin vir!” Padîşahê Aqûb dibêje: “Delîlên xwe bînin!

Îşaya 43:26

“Bîne bîra min, em herin dîwanê, Doza xwe bêje ku tu mafdar derkevî.

Îşaya 45:25

Wê hemû ziriyeta Îsraêl, Ji aliyê Xudan ve mafdar bê derxistin Û pê pesnê xwe bidin.

Îşaya 54:17

Tu çekeke ku li dijî te bê çêkirin Wê bi kêr neyê. Hemû zimanê ku di dadbarkirinê de li dijî te rabe Tê sûcdar derînî. Ev e mîrasa kesên ji Xudan re xulamiyê dikin, Rûspîtiya wan ji min e.” Ev e gotina Xudan.

Metta 5:25

Hê ku tu di riya dadgehê de yî, zû bi sûcdarkerê xwe re li hev were. An na, ewê te bide destê dadger û dadger jî te bide destê qerdiyan û tê bikevî zîndanê.

Dubarekirina Şerîetê 19:17

wê gavê wê herdu kesên wê dozê, herin hizûra Xudan û derkevin ber kahin û dadgerên wê demê.

Tîmotʼêyo I 3:16

Bêguman, sira jiyana xwedayî mezin e: Ew di bedenê de xuya bû, Ji aliyê Ruh ve rast hat derxistin, Ji aliyê milyaketan ve hat dîtin, Di nav miletan de hat danbihîstin. Di dinyayê de hat bawerkirin Û bi rûmet hat hilkişandin.

Peyxam 12:10

Hingê min li ezmên dengekî bilind bihîst ku got: «Êdî wextê xilasî, hêz û Padîşahiya Xwedayê me Û desthilatiya Mesîhê wî hat. Çimkî sûcdarkerê birayên me, Yê ku şev û roj wan li ber Xwedayê me sûcdar dike, Hat avêtin xwarê.