Îşaya 50:6 - Kurmanji Încîl

⁶ Min pişta xwe da kesên ku li min xistin. Min rûçikê xwe da ber kesên ku rih kişandin, Min rûyê xwe ji şermê û tûkirinê veneşart.

Îşaya 50:6 ပူးပေါင်းရင်းမြစ်များ

Nehemya 13:25

Min bi qirika wan girt û naletê li wan anî. Min li hinekan xist û porê wan anî xwarê. Li ser heqê Xwedê min sond bi wan da xwarin û ji wan re got: “Hûnê keçên xwe nedin kurên wan. Ji kurên xwe û ji xwe re keçên wan jî neyînin.

Eyûb 16:10

Mirov devên xwe li dijî min vekirin, Li rûyê min dixin, min kêm dibînin Û li dijî min dicivin.

Eyûb 30:10

Bîzê wan ji min diçe, dûr dimînin, Ji tûkirina ser çavê min dûr namînin.

Zebûr 129:3

Cotkaran li ser pişta min çot ajotin, Şopên xwe dirêj kirin.»

Zebûr 69:7

Di riya te de min xwe da ber riswakirinê, Ser çavê min nixamt şermê.

Zebûr 69:8

Ez ji birayên xwe re xerib, Ji kurên diya xwe re biyanî mam.

Îşaya 53:5

Lê ew ji ber neheqiyên me birîndar bû, Ji ber sûcên me perçiqî. Cezayê ji bo aştiya me, Bi ser wî de hat. Me bi birînên wî şifa dît.

Îşaya 53:7

Tadayî û eziyet lê hat kirin, Lê wî devê xwe venekir. Wekî berxekî ku dibin serjêkirinê, Wekî miya li ber hevringkirinê bêziman e, Wî devê xwe venekir.

Lavijên Şînê 3:30

Bila rûçikê xwe bide kesê lê dixe Û bi riswatiyê têr bibe.

Mîxa 5:1

“Ya bajarê artêşan, niha artêşa xwe bide hev! Wan em dorpêç kirin, Wê bi darekî li rûyê serwerê gelê Îsraêl bixin.

Hejmartin 12:14

Xudan ji Mûsa re got: “Heke bavê wê tif bikira ser çavê wê, wê heft rojan şerm nekira? Wê heft rojan ji artêşgehê dûr bixin û paşê dîsa bînin.”

Metta 26:67

Hingê tif kirin rûyê wî û ew dan ber kulman. Hinekan jî sîle lê xistin

Metta 27:26

Hingê wî Barabas ji bo wan berda, Îsa da ber qamçiyan û da destê wan, da ku bê xaçkirin.

Metta 27:30

Tif kirinê, çîtik ji dest standin û li serê wî xistin.

Metta 5:39

Lê belê ez ji we re dibêjim, li ber ê xerab ranebin. Eger yek sîleyekê li lama te ya rastê bixe, ya din jî bide ber.

Marqos 14:65

Hingê hinekan dest pê kir û tif kirin wî, rûyê wî nixamtin, dan ber kulman û jê re gotin: «Ka pêxemberîtiyê bike!» Parêzgeran jî ew girt û dan ber sîleyan.

Marqos 15:19

Bi çîtikekê li serê wî xistin, tif kirin wî, çûn ser çokan û li ber wî xwe tewandin.

Yûhenna 18:22

Dema ku Îsa weha peyivî, yek ji parêzgerên ku li wê derê disekinîn sîleyek lê xist û got: «Çawa tu bersîva Serokkahîn weha didî?»

Îbranî 12:2

Em çavên xwe bidin ser pêşeng û temamkarê baweriya xwe Îsa. Wî ji bo şahiya ku li ber wî bû, xaç ragirt ser xwe û şermî bi tiştekî hesab nekir û li milê Xwedê yê rastê rûnişt.