Îşaya 50:4 - Kurmanji Încîl

⁴ Reb Xudan zimanê şagirtan da min Ku ez bizanibim bi peyva xwe Ji zilamê westa re bibim alîkar. Her sibe min hişyar dike, Ew guhê min hişyar dike Ku ez wekî şagirtan guhdarî bikim.

Îşaya 50:4 ပူးပေါင်းရင်းမြစ်များ

Eyûb 4:4

Gotinên te, kesên terpilî li ser lingan hiştin, Te çokên sistbûyî şidandin.

Zebûr 119:147

Ez beriya hilatina rojê radibim û dikim hawar, Min hêviya xwe bi peyva te ve girê da.

Zebûr 143:8

Serê sibê, kerema xwe bi min bide bihîstin, Çimkî ez bi te bawer im; Riya ku ezê herim nîşanî min bide, Çimkî ez canê xwe ji te re bilind dikim.

Zebûr 40:7

Hingê min got: «Va ye ez têm; Di tomara kitêbê de li ser min hatiye nivîsîn.

Zebûr 45:2

Tu herî xweşikê mirovan î, Kerem belav bûye li ser lêvên te seranser. Ji bo vê Xwedê te, pîroz kiriye her û her.

Zebûr 5:3

Serê sibê tu dibîhîzî dengê min, ya Xudan, Her sibe ji te re dua dikim, bi hêvî li benda te dimînim.

Zebûr 88:13

Belê min ya Xudan, min li te kir hawar, Û dua min a serê sibê digihîje tê.

Methelokên 12:25

Xema di dil de mirovan ditewîne, Lê gotineke baş wan dilşa dike.

Methelokên 15:23

Mirov bi bersiva maqûl şa dibe, Gotina di cih de tê gotin, çiqas xweş e!

Methelokên 25:11

Gotina di cih de hatiye gotin, Wekî sêvên zêrîn ên di nav zîvê qewirandî de ye.

Îşaya 28:19

Her gava ev bela bê, Wê we bigire. Wê sibe li ser sibê Wê bi şev û roj derbas bibe. Wê fêmdariya vê xeberê Tenê bibe tirs û saw.

Îşaya 28:9

Dibêjin: “Ma wê zanînê hînê kê bike? Ma wê ji kê re pêxemberiyê bike? Ji kesên ji şîr hatine vekirin? Ji pêsîrê hatine kirin?

Îşaya 35:5

Wê gavê wê çavên koran vebin, Guhên keran jî vebin.

Îşaya 40:29

Ew hêzê dide westayiyan, Qeweta bêtaqetan zêde dike.

Îşaya 50:10

Kî di nav we de ji Xudan ditirse Û guhdariya dengê xulamê wî dike? Kesê ku di tariyê de diçe û ronahiya wî tuneye, Bila bi navê Xudan ewle be û xwe bispêre Xudan.

Îşaya 54:13

Wê hemû kurên te şagirtên Xudan bin, Wê aştiya kurên te gelek be.

Îşaya 8:16

Di nav şagirtên min de, Şahidiyê biparêze, Hînkirinê mor bike!

Yêremya 1:9

Xudan destê xwe dirêj kir, li devê min da û got: “Va ye, min peyvên xwe kirine devê te.

Yêremya 31:25

Çimkî ezê bi têra xwe canê çilmisî bidim vexwarin û hemû dilên birçî têr bikim.”

Metta 11:28

«Werin ba min, ey hemû yên westayî û bargiran, ezê rihetiyê bidim we.

Metta 13:54

Ew hat bajarê xwe û wî xelk di kinîşta wan de hîn kir, wisa ku ew gelek şaş man û wan got: «Ev keramet û şehrezayiya wî ji ku derê ne?

Metta 22:46

Îcar tu kesî nikaribû peyvekê bersîva wî bide. Û ji wê rojê pê ve tu kesî newêribû ku tiştekî jê bipirse.

Lûqa 21:15

Çimkî ezê dev û ziman û şehrezayiyê bidim we, ku neyarên we nekarin li ber we bipeyivin an bisekinin.

Lûqa 4:22

Û hemûyan ew erê kir û li wan gotinên wî yên merdane, yên ku ji devê wî derdiketin, şaş man û gotin: «Ma ev ne kurê Ûsiv e?»

Yûhenna 7:46

Parêzgeran bersîva wan da: «Tu kes, tu caran mîna vî mirovî nepeyiviye!»

Dubarekirina Şerîetê 18:17

Xudan ji min re got: ‘Gotina wan rast e.

Dubarekirina Şerîetê 18:18

Ezê ji bo wan, ji nav birayên wan pêxemberekî wekî te derînim. Wê gotina min ji devê wî bibihîzin û her tişta ez lê emir dikim wê ji wan re bêje.