Îşaya 43:4 - Kurmanji Încîl

⁴ Ji ber ku tu li ber çavê min hêja û birûmet î Û ez ji te hez dikim, Ezê di ber te de mirovan, Di ber canê te de neteweyan bidim.

Îşaya 43:4 ပူးပေါင်းရင်းမြစ်များ

Destpêk 12:2

“Ezê te bikim miletekî mezin û te pîroz û bereket bikim. Ezê nav û dengê te derxim û tê bibî kaniya bereketê.

Zebûr 112:9

Wî belav kir, wî da hejaran; Rastdariya wî her û her dimîne, Qiloçê wî bilind dibe.

Zebûr 135:4

Xudan ji bo xwe Aqûb bijart, Îsraêlê jî wek milkê xwe.

Îşaya 49:5

Niha Xudan dibêje. Yê ku di zik de şikil daye min û ez kirim xulamê xwe ku Aqûb bi şûn de bînim ba wî û Îsraêl li ber wî bicivînim –çimkî di çavê Xudan de ez birûmet im û Xwedayê min bû hêza min–

Îşaya 63:9

Di tevahiya tengasiya wan de ew aciz bû. Milyaketê ku ji hizûra wî hat ew rizgar kirin. Erê, Xudan bi hezkirin û rehma xwe ew rizgar kirin, Ew hildan û di hemû rojên borî de ew hilgirtin.

Yêremya 31:3

Xudan ji dûrî ve li wan xuya bû û got: ‘Min bi hezkirina herheyî ji te hez kir, Loma min dilsoziya xwe beramberî te berdewam kir.’

Hoşêya 11:1

“Hê gava Îsraêl zarok bû min jê hez kir, Min ji Misrê gazî kurê xwe kir.

Melaxî 1:2

Xudan dibêje: “Min ji we hez kir. “Lê hûn dibêjin: ‘Te çawa ji me hez kir?’” Gotina Xudan ev e: “Qey Esaw ne birayê Aqûb bû? Min ji Aqûb hez kir,

Melaxî 3:17

Xudanê Karîndar dibêje: “Di roja ezê kifş bikim de, wê bibin milkê min bi xwe. Çawa ku mirov kurê xwe yê jê re xizmetê dike diparêze, ezê jî wan biparêzim.

Yûhenna 16:27

Bav bi xwe ji we hez dike, çimkî hûn ji min hez dikin û bawer dikin ku ez ji ba Xwedê hatime.

Yûhenna 17:23

Ez bi wan re, tu jî bi min re, da ku ew bigihîjin yekîtiyeke temam û dinya bizane ku te ez şandime û çawa ku tu ji min hez dikî, tu ji wan jî hez dikî.

Yûhenna 17:26

Min navê te bi wan da zanîn û ezê hê bidim zanîn, da ku hezkirina te ya ji min, bi wan re jî be û ez bi wan re bim.»

Yûhenna 5:44

Hûn ên ku rûmetê didin hev û li rûmeta ku ji Xwedayê bi tenê tê nagerin, hûn çawa dikarin bawer bikin?

Dubarekirina Şerîetê 14:2

Çimkî hûn miletekî ji Xwedayê xwe Xudan re pîroz in. Xudan ji nav hemû miletên ser rûyê erdê hûn hilbijartin ku hûn bibin gelê wî bi xwe.

Dubarekirina Şerîetê 26:18

Îro Xudan, li gorî soza dabû we, eşkere kir ku hûn gelê wî bi xwe ne. Loma hûnê hemû emrên wî pêk bînin.

Dubarekirina Şerîetê 4:37

Ji ber ku wî ji bav û kalên we hez kir, ziriyeta wan hilbijart. Wî bi xwe, bi hêza xwe ya mezin hûn ji Misrê deranî.

نامَ بُ تیتوس 2:14

Wî xwe ji bo me feda kir, da ku me ji her neheqiyê rizgar bike û ji xwe re paqij bike û bike gelê ku ji bo kirinên qenc bi xîret e.

Petrûs I 1:7

Ew tên, da ku hêjabûna baweriya we kifş bibe û çaxê ku Îsa Mesîh xuya bibe ji we re bibe pesin, rûmet û serbilindî. Bi ser ku zêr tune dibe û diçe, dîsa di êgir de tê helandin. Û baweriya we ji zêr gelek hêjatir e.

Petrûs I 2:9

Lê hûn «nifşekî bijartî, kahînên Padîşahiyê, miletekî pîroz û gelê Xwedê bi xwe ne, da ku hûn karên wî yên hêjabilind bidin bihîstin.» Wî, hûn ji tariyê gazî ronahiya xwe ya nedîtî kirine.

Peyxam 3:9

Va ye, hinek ji kinîşta Îblîs hene. Ew ne Cihû ne, lê bi derew ji xwe re dibêjin Cihû. Ezê wisa bi wan bikim, ku ewê bên û li ber lingên te herin ser çokan û wê bizanin ku ez ji te hez dikim.