Îşaya 40:31 - Kurmanji Încîl

³¹ Lê kesên li benda Xudan in hêza xwe teze dikin, Wekî teyran baskên xwe vedikin û bilind dibin. Ew dibezin lê qels nabin, Ew dimeşin lê nawestin.

Îşaya 40:31 ပူးပေါင်းရင်းမြစ်များ

Eyûb 17:9

Kesên rast ji riya xwe averê nabin, Kesên destpak her ku diçe hêzdartir dibin.

Zebûr 103:5

Ew e, yê ku hemû jiyana te, bi qenciyê têr dike, Da ku xortaniya te, wek eyloyekî nû bibe.

Zebûr 123:2

Çawa çavên xulaman, li destê axayê wan e, Çawa çavên qewraşan, li destê xaniman e, Çavê me jî wisa li Xudan Xwedayê me ye, Heta ku ew li me tê rehmê.

Zebûr 138:3

Gava min bang kir, te ez bersîvandim, Te hêz da min, te ez wêrek kirim.

Zebûr 20:9

Ya Xudan, ji padîşah re rizgariyê bîne! Gava me bang kir, me bibersivîne!

Zebûr 25:21

Bila rastî û durustî min biparêze, Hêviya min hergav tu yî.

Zebûr 25:3

Hemû yên ku bi hêvî ne, wê şermî nebin; Yên ku bêsedem çavsorî dikin, wê bibînin şermê.

Zebûr 25:5

Bi rastiya xwe rê nîşanî min bide, ji bo min bibe hîndar. Çimkî tu yî ji bo min Xwedayê rizgarkar. Hêviya min hergav tu yî.

Zebûr 37:34

Li hêviya Xudan be, riya wî bipê. Wê te bilind bike, da ku tu mîras bistînî welat, Tê bibînî, ka çawa koka xeraban hat.

Zebûr 40:1

Ez bi sebir li benda Xudan mam; Bi ser min ve xwar bû, bihîst feryada min.

Zebûr 84:7

Çiqas here wê hêzdar bibin, Wê li Siyonê, ji alî Xwedê ve bên dîtin.

Zebûr 84:8

Ya Xudan, Xwedayê ordiyan goh bide dua min, Goh bide ey Xwedayê Aqûb.

Zebûr 92:1

Ya Xudan, ji te re spaskirin, Ey Yê Herî Berz, bi lavijan pesnê navê te dayin,

Zebûr 92:13

Ew li mala Xudan hatine danîn, Wê li hewşa Xwedayê me şitil bidin.

Derketin 19:4

‘We dît ku min bi Misriyan çi kir û çawa we li ser baskê teyrên baz siwar kirin û anîn ba xwe.

Methelokên 30:19

Li ezmanan riya teyran, Di nav keviran de riya maran, Di nav deryayê de riya gemiyan Û riya mêran a bi keçikan.

Helbesta Helbestan 8:5

Ev kî ye ji çolê tê? Ev kî ye xwe spartiye evîndarê xwe? Min li bin dara sêvê tu hişyar kirî, Li wir diya te êşa te kişand, Li wir jina ku te anî dinyayê êş kişand.

Îşaya 25:9

Wê rojê wê bêjin, “Va ye, Xwedayê me ev e! Em li benda wî man ku e rizgar bike. Xudanê me ev e ku em li benda wî man. Em bi rizgariya wî şa û kêfxweş bin.”

Îşaya 30:15

Çimkî Reb Xudan, Pîrozê Îsraêl wiha dibêje: “Bi veger û arambûnê, Hûn rizgar dibin. Hûn bi rihetî û ewlebûnê Hêzdar dibin. Lê hûn naxwazin!

Îşaya 30:18

“Dîsa jî Xudan disekine ku kerema xwe nîşanî we bide. Dîsa jî radibe ku rehma xwe nîşanî we bide. Çimkî Xudan, Xwedayê edaletê ye. Xwezî bi her kesê ku li benda wî ye.”

Îşaya 41:1

“Kesên keviyên deryayan! Bêdeng bin û guhdariya min bikin! Bila netewe hêza xwe nû bikin, Bila nêzîk bin û bêjin. Ji bo dadbarkirinê Em werin ba hev!

Îşaya 64:4

Ji demên berê ve tu kesî nebihîst, Tu kesî guh neda Û tu çav ji xeynî te Xwedayekî nedît Ku ji bo kesên li benda wî dixebite.

Îşaya 8:17

Ezê li benda Xudan bimînim ku rûyê xwe ji Mala Aqûb veşartiye. Ezê hêviya xwe pê ve girê bidim.

Yêremya 48:15

Xerabkarê Moavê û bajarên wê hat Û xortên wê yên bijare ji bo ku bên serjêkirin daketin.” Ev e gotina Padîşahê ku navê wî Xudanê Karîndar e.

Zekeriya 10:12

Ezê wan bi Xudan hêzdar bikim. Wê bi navê wî bimeşin.” Ev e gotina Xudan.

Lûqa 18:1

Ji bo ku ew herdem dua bikin û newestin, Îsa meselek ji wan re got:

Romayî 8:25

Lê eger em, tiştê ku em nabînin hêvî dikin, em bi sebir li bendê dimînin.

Korîntî II, 4:1

Ji bo vê yekê, li gor ku Xwedê rehma xwe li me kiriye û ev xizmeta me heye, em nawestin.

Korîntî II, 4:16

Ji ber vê yekê em nawestin, lê her çiqas mirovê me yê derve birize jî, mirovê me yê hundir roj bi roj nûvejen dibe.

Galatî 6:9

Û em ji qencîkirinê newestin, çimkî eger em sist nebin, emê di demsala wê de bidirûn.

Dubarekirina Şerîetê 32:11

Wekî teyrekî ku hêlîna xwe şiyar dike Û baskên xwe bi ser têjikên xwe ve ditikîne, Wî baskên xwe dirêj kirin, ew hildan Û li ser baskên xwe ew hilgirtin.

Dubarekirina Şerîetê 33:25

Wê zirzeyên dergehên te ji hesin û tûnc bin, Bila emrê te wekî hêza te be.”

Selanîkî I, 1:10

û li hêviya hatina Kurê wî ya ji ezmanan bin. Ev, ew Îsa ye, ku Xwedê ew ji nav miriyan rakiriye û ew e yê ku me ji xezeba ku tê xilas dike.

Îbranî 12:1

Îcar li gor ku ewrekî evqas mezin ê şahidan hawirdora me girtiye, em jî her giraniyê û gunehê ku bi hêsanî xwe li me dipêçe ji ser xwe bavêjin, bi bîhna fireh wê hevbezîna ku li ber me ye, bibezin.

Îbranî 12:3

Îcar li ser wî bifikirin ê ku dijraberiya mezin a gunehkaran ragirtiye, da ku hûn newestin û di dilê xwe de sist nebin.

Yêşû 14:11

Ez îro jî wekî roja ku Mûsa ez şandim li ser xwe me. Wê rojê hêza min çi be, îro jî, ji bo çûn û hatina şer wisa ye.

Peyxam 12:14

Du baskên eyloyekî mezin ji jinikê re hatin dayîn, da ku bifire here çolê cihê xwe. Li wê derê, ji mar dûr, wê sê sal û nîvan bê xweyîkirin.

Peyxam 2:3

Tu bîhnfireh î û te di ber navê min de li ber xwe da û tu newestiyayî.

Peyxam 4:7

Afirîdê pêşî mîna şêr bû, yê diduyan mîna conega bû û rûyê afirîdê sisiyan wek rûyê mirovan bû û afirîdê çaran mîna eyloyê firek bû.

Dadger 16:28

Şîmşon li Xudan kir hewar û got: “Ya Reb Xudan, ji kerema xwe min bi bîr bîne. Ya Xwedê, ji bo carekê tu min hêzdar bike, ez tola herdu çavên xwe bi derbekê ji Filîstiyan hilînim.”