Îşaya 40:29 - Kurmanji Încîl

²⁹ Ew hêzê dide westayiyan, Qeweta bêtaqetan zêde dike.

Îşaya 40:29 ပူးပေါင်းရင်းမြစ်များ

Destpêk 49:24

Lê kevanê wî zexim Zendê wî bi hêz derket. Bi destê Xwedayê Aqûb ê Hêzdar, Bi destê Şivan û Zinarê Îsraêl.

Nehemya 6:9

Çimkî tevahiya wan gotin ku divê ew dev ji kar berdin û kar nekin. Bi vî awayî xwestin me bitirsînin. Lê min ev dua kir û got: “Xwedêyo, destê min hêzdar bike!”

Zebûr 29:11

Xudan hêz dide gelê xwe, Gelê xwe bi aştî pîroz dike!

Zebûr 68:10

Gelê te li wê derê rûnişt, Te qenciya xwe, ji dilşikestiyan re amade kir, ey Xwedê.

Zebûr 68:35

Tu çi bi heybet î, ey Xwedê, li perestgeha xwe! Xwedayê Îsrailê, ku hêz û pêkarî dide gelê xwe, Pîroz be!

Îşaya 41:10

Tu netirse, çimkî ez bi te re me. Tu nebizde, çimkî Xwedayê te ez im. Ezê te bişidînim, alîkariya te bikim. Ezê bi destê rastê yê edaleta xwe Ji te re bibim destek.

Îşaya 50:4

Reb Xudan zimanê şagirtan da min Ku ez bizanibim bi peyva xwe Ji zilamê westa re bibim alîkar. Her sibe min hişyar dike, Ew guhê min hişyar dike Ku ez wekî şagirtan guhdarî bikim.

Yêremya 31:25

Çimkî ezê bi têra xwe canê çilmisî bidim vexwarin û hemû dilên birçî têr bikim.”

Zekeriya 10:12

Ezê wan bi Xudan hêzdar bikim. Wê bi navê wî bimeşin.” Ev e gotina Xudan.

Korîntî II, 4:16

Ji ber vê yekê em nawestin, lê her çiqas mirovê me yê derve birize jî, mirovê me yê hundir roj bi roj nûvejen dibe.

Dubarekirina Şerîetê 33:25

Wê zirzeyên dergehên te ji hesin û tûnc bin, Bila emrê te wekî hêza te be.”

Filîpî 4:13

Ez dikarim her tiştî bi destê wî yê ku hêzê dide min, bikim.

Kolosî 1:11

Wisa ku hûn li gor hemû hêza wî ya ku ji karîna wî ya bi rûmet tê, xurt bibin, her tiştî bi bîhnfirehî ragirin û bi şahî

Îbranî 11:34

hêza êgir temirandin, ji devê şûr filitîn, di bêhêziyê de hêz standin, di şer de bûn yên xurt, ordiyên biyaniyan belav kirin.

Dadger 15:19

Xwedê çala Lehiyê qelaşt û av jê derket. Şîmşon av vexwar, ruh û canê wî teze bû. Bi vî awayî ji vê derê re Eyn-Haqqoreyê hat gotin. Kanî îro jî li Lehiyê ye.

Samûêl I, 2:4

Tîr û kevanên mêrxasan têne şikandin, Lê bêtaqet bi qewetê têne şidandin.