Îşaya 4:5 - Kurmanji Încîl

⁵ Wê Xudan her aliyê Çiyayê Siyonê û ser civînên wê derê nava rojê, bi ewr û dûyê, şevê jî bi şewqa pêta êgir biafirîne. Wê xêliyek li ser hemû rûmetê be.

Îşaya 4:5 ပူးပေါင်းရင်းမြစ်များ

Nehemya 9:12

Bi rojê bi riya stûna ewran û bi şevê bi riya stûna êgir te rê nîşanî wan da ku riya tê de bimeşin, ji bo wan ronî be.

Zebûr 105:39

Xudan ser wan bi ewr nixamt, Bi şev, riyên wan bi agir ronahî bûn.

Zebûr 111:1

Pesnê Xudan bidin! Ezê li civata rastan, Di nav komê de, Bi hemû dilê xwe ji Xudan re spas bikim.

Zebûr 78:14

Bi roj wî bi ewran, Bi şev, bi ronahiya agir rê nîşanî wan da.

Zebûr 85:9

Rizgarkirina wî, nêzikî wan e ku ji wî ditirsin, Da ku keremê li diyarê me bide rûniştin.

Zebûr 89:7

Di civata ezmaniyan de ew Xwedêyek pirr bi heybet e, Ji hemû yên li der û dora xwe ew bêtir tirsdar e.

Derketin 14:24

Di nobeta serê sibê de, Xudan ji stûna êgir û ewran li artêşa Misrê nêrî û ew kirin nav tirs û sawê.

Derketin 24:16

Rûmeta Xudan li ser Çiyayê Sînayê bi cih bû. Ewr şeş rojan çiya nixamt. Roja heftan, Xudan ji nav ewr gazî Mûsa kir.

Derketin 26:1

“Tê mesken ji deh perdeyên kitanê tenik honandî û tayên sor, binevşî û şînê tarî çêkî. Tê ser wan xerûbên bi hosteyî hatibe xemilandin çêkî.

Derketin 26:7

“Tê ji mûyê bizinê perdeyan çêkî ku wekî xêliyekê meskên binixême. Tê yanzdeh perdeyan çêkî.

Îşaya 32:18

Wê gelê min li warê aştiyê, Li avahiyên ewle Û li derên rihet û bêxem rûne.

Îşaya 33:20

Li Siyona bajarê cejnên me binêre! Wê çavên te Orşelîmê, Wekî cihekî bêxem û konekî zexim bibîne Ku singên wî her û her nayên derxistin Û hemû werîsên wî qet naqetin.

Îşaya 37:35

“‘Ezê ji bo xwe û ji bo xatirê xulamê xwe Dawid Vî bajarî biparêzim û rizgar bikim.’”

Îşaya 46:13

Min serfiraziya xwe nêzîk kir. Wê rizgarkirina min bi derengî nemîne. Ezê ji bo Îsraêlê berziya xwe, Rizgariyê bidim Siyonê.

Îşaya 60:1

“Rabe bibiriqe! Çimkî ronahiya te hat. Rûmeta Xudan bi ser te ve hilat.

Îşaya 60:2

Va ye, wê tarî dinyayê bipêçe, Wê taristan neteweyan binixême. Lê wê Xudan bi ser te ve wekî zeraqê derkeve Û rûmeta wî li ser te xuya bike.

Metta 18:20

Çimkî li ku derê dido an sisê bi navê min bên ba hev, li wir ez jî di nav wan de me.»

Metta 28:20

hemû tiştên ku min li we emir kirine, hînî wan bikin, da ku pêk bînin. Va ye, ez herdem heta dawiya dinyayê bi we re me.»