Îşaya 36:16 - Kurmanji Încîl

¹⁶ Guhdariya Hîzqiya nekin.’ Çimkî Padîşahê Aşûrê wiha dibêje: ‘Teslîm bibin, werin xwe bavêjin bextê min. Bila niha herkes ji mêwa xwe û ji darhejîra xwe bixwe û ji bîra xwe avê vexwe.

Îşaya 36:16 ပူးပေါင်းရင်းမြစ်များ

Destpêk 32:20

Ji bîr nekin bêjin: ‘Va ye Aqûbê xulamê te li pey me tê.’” Çimkî Aqûb ji xwe re got: “Ezê wî bi van diyariyan nerm bikim. Paşê, çaxê ez wî bibînim, belkî ew min qebûl bike.”

Destpêk 33:11

Ji kerema xwe, vê diyariya ku min ji te re aniye qebûl bike. Çimkî Xwedê li min hat rehmê û her tiştê min heye.” Ji ber ku Aqûb pir bi ser ve çû, Esaw qebûl kir.

Samûêl II, 8:6

Paşê li welatê Aramiyên Şamê, leşkerên xwe bi cih kirin. Ew jî bûn xulam û bacdarên wî. Dawid bi ku ve çû Xudan ew bi ser xist.

Padîşah I, 4:20

Cihûda û Îsraêl wekî sêlaka ber deryayê zêde bûbûn; dixwarin, vedixwarin û di nav şahiyê de bûn.

Padîşah I, 4:25

Di tevahiya jiyana Silêman de, ji Danê heta Beêr-Şevayê, Cihûda û Îsraêl li bin mêw û darhejîra xwe, di nav ewlehiyê de rûniştin.

Padîşah II, 18:31

Guhdariya Hîzqiya nekin.’ Çimkî Padîşahê Aşûrê wiha dibêje: ‘Teslîm bibin, werin xwe bavêjin bextê min. Bila niha herkes ji mêwa xwe û ji darhejîra xwe bixwe û ji bîra xwe avê vexwe.

Padîşah II, 5:15

Naeman û zilamên xwe vegeriyan ba zilamê Xwedê. Hat li pêşiya wî sekinî û got: “Va ye, niha ez êdî dizanim ku Xwedê li tevahiya dinyayê tuneye, tenê li welatê Îsraêl heye. Ez lava dikim, ji vî xulamê xwe xelatekê qebûl bike.”

Methelokên 27:18

Kesê darhejîrê xweyî dike, ji berê wê dixwe, Kesê li xweyê xwe xweyî dike, birûmet dibe.

Methelokên 5:15

Ji sarinca xwe avê vexwe, Ava ji bîra xwe diherike.

Îşaya 36:17

Paşê ezê bêm û we bînim welatekî nû yê wekî welatê we, welatekî şerab û dexil e, welatê nan û rêz e.

Mîxa 4:4

Wê herkes li bin mêw û darhejîra xwe de rûnin, Wê tu kes wan nelerizîne. Çimkî devê Xudanê Karîndar wiha gotiye.

Zekeriya 3:10

Gotina Xudanê Karîndar ev e: ‘Wê rojê, wê her yek ji we gazî cîranê xwe bike ku were û li bin mêwê û darhejîrê rûne.’”

Korîntî II, 9:5

Loma min pêwist dît ku ez ji birayan hêvî bikim ku ew pêşî bên ba we û diyariya we ya ji pêşî ve sozdayî, hingê berdest be. Wisa ku diyariya we, ne ji mecbûrî, lê wek diyariya dilxwaziyê amade be.

Samûêl I, 11:3

Rîspiyên bajêr jê re got: “Ji bo ku em qasidan bişînin seranserê welatê Îsraêl, heft rojan wext bide me. Heke kesekî me rizgar bike dernekeve, îcar emê teslîmî te bibin.”

Samûêl I, 25:27

Ezxulam, ev diyariyên ku min ji te, xweyê xwe re aniye, bila bidine zilamên te.