Îşaya 33:6 - Kurmanji Încîl

⁶ Ew ewlehiya serdemên te ye, Rizgarî, şehrezayî û zanîn wê zêde bibe. Tirsa Xudan xezîneya gel e.

Îşaya 33:6 ပူးပေါင်းရင်းမြစ်များ

Padîşah II, 18:7

Xudan pê re bû. Ew biçûya ku karên wî rêkûpêk bûn. Li dijî Padîşahê Aşûrê serhildêr bû û jê re xulamî nekir.

Eyûb 4:6

Gelo ewlehiya te, ne tirsa te ya ji Xudan e? Hêviya te, ne kamiliya riya te ye?

Zebûr 140:7

Ey hêza rizgariya min, ey Xudanê serwer, Di roja şer de, te serê min parast.

Zebûr 28:8

Xudan, hêza gelê xwe ye, Kela rizgariya mesîhê xwe ye.

Zebûr 45:4

Di riya rastî û dadperweriyê de, Bi berziya xwe li serketinê siwar be, Bila destê te yê rastê, karên tirsdar hîn bikin.

Methelokên 14:24

Taca şehrezayan dewlemendiya wan e, Lê ehmeqiya bêaqilan ehmeqiyê tîne.

Methelokên 14:26

Kesê ji Xudan ditirse di ewlehiya qewîn de ye, Wê sitargeha kurên wî be.

Methelokên 14:27

Tirsa Xudan kaniya jiyanê ye, Mirovan ji dafikên mirinê dûr dixe.

Methelokên 15:16

Hebûna biçûk a bi tirsa Xudan, Ji xezîneya mezin a bi xem û xofan çêtir e.

Methelokên 19:23

Tirsa Xudan jiyanê tîne, Pê mirov şevê têr diborîne Û xerabî nayê serê wî.

Methelokên 2:5

Wî çaxî tê tirsa Xudan fêm bikî Û zanîna Xwedê peyda bikî.

Methelokên 28:2

Gava welat serî radike, Serwer jî zêde dibin. Lê fêmdar pergalê didomîne.

Methelokên 29:4

Padîşah bi edaletê welêt xurt dike, Lê mirovê bertîlan, welêt hildiweşîne.

Waiz 7:12

Şehrezayî sitar e, pere jî sitar e, Lê feydeya zanabûnê ev e Ku şehrezayî jiyana xweyê xwe diparêze.

Waiz 7:19

Ji deh desthilatdarên ku li bajarekî ne, Şehrezayî şehrezayan hêzdartir dike.

Îşaya 11:9

Wê tu kes li ser tevahiya çiyayê min ê pîroz, Xisarê nede û wêran neke. Çimkî çawa av deryayan tije dike, Dinya jî wê bi zanîna Xudan tije bibe.

Îşaya 26:1

Wê rojê wê li welatê Cihûda ev stran bê gotin: Bajarekî me yê hêzdar heye. Bi sûr û dîwarên wî Xwedê rizgariyê tîne.

Îşaya 32:17

Wê karê edaletê, aştî Û encama wê, rihetî û ewlehiya herheyî be.

Îşaya 32:18

Wê gelê min li warê aştiyê, Li avahiyên ewle Û li derên rihet û bêxem rûne.

Îşaya 33:20

Li Siyona bajarê cejnên me binêre! Wê çavên te Orşelîmê, Wekî cihekî bêxem û konekî zexim bibîne Ku singên wî her û her nayên derxistin Û hemû werîsên wî qet naqetin.

Îşaya 45:17

Lê wê Îsraêl bi destê Xudan, Bi rizgarkirina herheyî rizgar bibe. Hûnê her û her neyên şermezarkirin Û tu caran rezîl nebin.

Îşaya 51:14

Wê kesê eziyetbûyî zû bê berdan. Wê nemire, wê danekeve çalê, Wê bênan nemîne.

Îşaya 51:6

Li ezmanan binêrin, Li jêr, li erdê jî çavên xwe vekin. Çimkî wê ezman wekî dûyê belav bibin Û erd wekî pertalan kevin bibe. Wê şêniyên wê jî wekî mêşan bimirin. Lê wê rizgariya min herheyî be Û rastiya min neyê şikandin.

Yêremya 31:34

Wê tu kes êdî hînî bira û cîranê xwe neke û nebêje: ‘Xwedayê xwe nas bike!’ Çimkî ji biçûkan heta mezinan, Wê hemû min nas bikin.” Ev e gotina Xudan. “Çimkî ezê neheqiyên wan bibexişînim Û êdî ezê gunehên wan bi bîr neyînim.”

Habaqûq 2:14

Çawa av deryayan tije dike, Dinya jî wê bi zanîna rûmeta Xudan tije bibe.

Metta 6:33

Lê hûn berî her tiştî li Padîşahiya Xwedê û li rastdariya wî bigerin û ev hemû tişt jî wê ji we re bên dayîn.

Korîntî II, 6:10

Em xemgîn in, lê em hergav şa ne. Em belengaz in, lê em gelekan dewlemend dikin. Wek ên ku tu tiştê wan tune, lê em xwediyê her tiştî ne.

Tîmotʼêyo I 4:8

Çimkî îdmana bedenî bi kêrî hindik tiştî tê, lê jiyana xwedayî bi kêrî her tiştî tê; soza wê hem ji bo jiyana vê dinyayê û hem jî ji bo jiyana wê dinyayê heye.

Tîmotʼêyo I 6:6

Lê eger bi qinyatê be, jiyana xwedayî qezenceke mezin e.