Îşaya 32:19 - Kurmanji Încîl

¹⁹ Lê wê daristan bi tevahî ji navê rabe Û bajar bi tevahî bê nizimkirin.

Îşaya 32:19 ပူးပေါင်းရင်းမြစ်များ

Îşaya 10:18

Wê rûmeta daristan û bexçeyên wê yên berdar, Heta can û bedena wê telef bibe, Çawa ku nexweşek dihele.

Îşaya 10:19

Wê hejmara darên wê yên daristanê Ewqas kêm be ku zarokek jî bikaribe binivîse.

Îşaya 10:33

Va ye Reb Xudanê Karîndar, Wê çiqlan bibire ku bi dengekî tirsdar li erdê bikevin. Wê bejinbilind bên birîn û pozbilind nizim bibin.

Îşaya 24:10

Bajarê tevliheviyê hat şikandin, Her mal hat girtin ku kes nekevê.

Îşaya 24:12

Bajar wêrane bû, Dergeh bi lêxistinê hilweşiyan.

Îşaya 25:2

Te bajar kir şikêra keviran, Bajarê bisûr kir wêrane. Te qesra xerîban ji bajarbûnê deranî, Wê êdî tu caran neyê çêkirin.

Îşaya 25:4

Çimkî tu bûyî keleha belengazan, Keleha hejarên tengasiyê dikişîne. Gava hilma zilamên zordar Wekî taviya li dîwar dixe rabû, Tu li dijî taviyê bûyî sitargeh, Li dijî germê bûyî sî.

Îşaya 26:5

Wî kesên li bilindahiyan rûdinin tewandin. Bajarê bilind nizim dike, Heta erdê, heta axê Ew nizim dike.

Îşaya 27:10

Çimkî bajarê bisûr bi tena serê xwe, Wekî çolê hatiye berdan Û bûye warekî bêkes. Wê golik li wê derê biçêrin, mexel bin. Wê şaxên wê bixwin û biqedînin.

Îşaya 28:17

Ezê heqiyê bikim benê pîvanê Û rastiyê bikim şaqul. Wê zîpik sitargeha derewan bimale û bibe. Wê lehî dera ku we xwe lê veşartiye dagire.”

Îşaya 28:2

Va ye! Zilamekî hêzdar û wêrek ê Reb heye! Ew wekî taviya zîpikê, Wekî bahoza ku hildiweşîne, Wekî bahoza lehiyên rabûyî yên mezin e. Wê bi destê wî wan li erdê bixe.

Îşaya 29:4

Tê bêyî nizimkirin Û ji erdê bipeyivî. Wê ji nav tozê gotina te were. Wê dengê te wek dengê miriyan ji erdê were, Wê gotina te bibe pistepist Û ji nav axê derkeve.

Îşaya 30:30

Wê Xudan dengê xwe yê biheybet bide bihîstin. Bi hêrsa rabûyî, bi pêta agirê ku dixwe û tune dike, Bi qelişîna ezmanan, bi tavî û bi zîpikê, Zendê xwe nîşan bide.

Îşaya 37:24

Bi riya xulamên xwe Te tinazên xwe bi Reb kir û got: Ez bi gelek erebeyên şer re Çûm serê çiyayên bilind, Gihîştim serê bilindciyên Lubnanê. Min darên bilind ên sedrê Darên bijare yên çaman birîn. Ez çûm dera herî bilind Ez çûm daristana herî gur.

Nahûm 1:1

Peyama li dijî Nînewayê. Nivîsa dîtinî ya Nahûmê Êlqoşî.

Nahûm 1:8

Lê wê warê Nînewayê bi lehiyan bi tevahî xerab bike Û wê dijminên xwe ber bi tariyê ve biqewitîne.

Zekeriya 11:2

Ya dara çamê, bike zarîn! Dara sedrê ketiye, Darên xweşik xera bûn. Darmaziyên Başanê, bikin zarîn! Çimkî daristanên gur tewiyan.

Metta 7:25

Baran dibare, bahoz radibe, lehî tên û li wî xaniyî dixin, lê ew hilnaweşe, çimkî li ser latê hatiye avakirin.

Peyxam 18:21

Hingê milyaketekî hêzdar kevirek wek beraşekî mezin hilda, avêt deryayê û got: «Bajarê mezin Babîl weha bi ketineke mezin wê bê avêtin Û êdî tu caran xuya nabe.

Peyxam 8:7

Û yê pêşî li boriyê xist, teyrok û agirê tevli xwînê bûyî çêbû û hat avêtin ser erdê. Û sêyeka erdê şewitî, sêyeka daran şewitî û hemû giyayê şîn şewitî.