Îşaya 30:16 - Kurmanji Încîl

¹⁶ We got: ‘Na! Emê li hespan siwar bibin û birevin.’ Belê hûnê bi rastî jî birevin. We got: ‘Emê li hespên beza siwar bibin.’ Belê kesên dane pey we jî wê lingsivik bin.

Îşaya 30:16 ပူးပေါင်းရင်းမြစ်များ

Padîşah II, 25:5

Lê artêşa Kildaniyan da pey Sîdqiyayê Padîşah û li deştên Erîhayê gihîşt wî. Tevahiya artêşa wî terka wî kir û belav bû.

Eyûb 39:11

Ji ber ku xurt e tu dikarî pê ewle bî? Yan tu karê xwe jê re dihêlî?

Zebûr 147:10

Ew ji hêzdariya hespê kêf nastîne, Ji lingên mirov razî nîne.

Zebûr 33:17

Ji bo xelasiyê hesp tiştek vala ye, Bi hêza xwe ya mezin ne xelasiya tu kesa ye.

Îşaya 2:7

Welatê wan bi zêr û zîv tije ye, Dawiya xezîneyên wan tuneye. Welatê wan bi hespan tije ye, Dawiya erebeyên wan ên şer tuneye.

Îşaya 31:1

Wey li wan ku ji bo alîkariyê diçin Misrê, Xwe dispêrin hespan. Ji ber ku pir in, bi erebeyên hespan, Ji ber ku pir hêzdar in, bi siwaran ewle ne. Lê li Pîrozê Îsraêl nanêrin, Li Xudan nagerin.

Îşaya 31:3

Lê Misrî mirov in, ne Xwedê ne! Hespên wan jî goşt in, ne ruh in! Gava Xudan destê xwe dirêj bike Wê alîkar biterpile, Kesê alîkariyê distîne jî dikeve. Tev bi hev re telef dibin.

Yêremya 39:4

Çaxê Sîdqiyayê Padîşahê Cihûdayê û hemû leşkerên wî ev yek dît, reviyan. Ew bi şev, bi riya bexçeyê padîşah di dergehê di navbera herdu dîwaran re ji bajêr derketin û ber bi Eravayê ve reviyan.

Yêremya 4:13

Va ye, ew wekî ewran tê. Erebeyên wî yên şer wekî bahozê ne, Hespên wan ji teyran leztir in. Wey li me, em xera bûn!

Yêremya 46:6

“Lê kesê lingsivik nikare bireve, Mêrxas nikare bifilite. Li bakur, li ber Çemê Feratê, Ew terpilîn û ketin.

Yêremya 52:7

Di sûrên bajêr de qulek hat vekirin û tevahiya leşkeran reviyan. Tevî ku Kildaniyan seranserê bajêr dorpêç jî kiribû, ew bi şev, di dergehê di navbera herdu dîwarên li ber bexçeyê padîşah re ber bi Eravayê ve reviyan.

Lavijên Şînê 4:19

Kesên li pey me ne, Ji teyrên ezmanan leztir in. Li serê çiyayan li pey me ketin, Li beriyê kemîn li pêş me danîn.

Amos 9:1

Min dît, Reb li ba gorîgehê sekinîbû. Wî got: “Li serikên stûnan bixe, bila binên wan bihejin, Li ser serê tevahiya gel wan perçe bike. Ezê saxmayiyan bidim ber şûran, Wê tu kes nereve, wê tu kes nefilite.

Mîxa 1:13

Laxîşîno! Hespên beza bi erebeyên şer ve girê bidin. We cara yekem Siyona keç xist nava gunehan, Hûn bûn sedema serhildana gelê Îsraêl!

Habaqûq 1:8

Hespên wan ji pilingan leztir in, Ji gurên êvarê çalaktir in. Siwarên wan ji dûrî ve bi çargavî tên, Wekî teyr difirin, xwe davêjin ser nêçîrê.

Dubarekirina Şerîetê 28:25

“Wê Xudan te li ber dijminên te bide şikandin. Tê di riyekê de derkevî pêşiya wan, lê tê di heft riyan de ji ber wan birevî. Tê ji bo hemû padîşahiyên dinyayê bibî mijareke sawê.

Dubarekirina Şerîetê 28:49

“Wê Xudan ji dûrî, ji binê dinyayê miletekî ku tu ji zimanê wî fêm nakî, wekî teyrê baz bi ser te de bîne.