Îşaya 27:8 - Kurmanji Încîl

⁸ Xudan bi qewitandin û sirgûnê ew dadbar kirin. Wî bi hilma xwe ya dijwar, Di roja bayê rojhilat de berda wan.

Îşaya 27:8 ပူးပေါင်းရင်းမြစ်များ

Eyûb 23:6

Ma wê bi hêza xwe ya mezin li dijî min rabûya? Na, tenê wê guhdariya min bikira.

Zebûr 103:14

Çimkî ew bi afirandina me dizane, Ew bibîr tîne ku em ax in.

Zebûr 103:9

Ew hergav sûcdar nake, Hêrsa wî her û her najo.

Zebûr 38:1

Bi hêrsa xwe li min nehilê ya Xudan, Bi xezeba xwe min perwerde neke!

Zebûr 6:1

Ya Xudan, bi hêrs li min nehêle! Bi xezebê min neyne rê.

Zebûr 76:10

Ya rast, xezeba mirov ji te re pesindan e, Xezeba bermayî, ji bo te bêziyan e

Zebûr 78:38

Belê Xwedê dilovan bû, Li fesadiya wan diborî, ew nedişandin helaqê; Gellek caran wî digirt hêrsa xwe, Wî nîşan nedida tevahiya xezeba xwe.

Îşaya 1:5

Çima hûn dixwazin dîsa lêdan bixwin? Çima hûn serî hildidin? Serî bi tevahî nexweş, Dil bi tevahî xayîs e.

Îşaya 10:12

Gava Reb li Çiyayê Siyon û Orşelîmê hemû karên xwe birin serî, wê encama pozbilindiya Padîşahê Aşûrê û awirên wî yên qure ceza bike.

Îşaya 50:1

Xudan wiha dibêje: “Ka ew nivîsa jinberdanê? Ka yê ku min diya we pê berda? Min hûn firotin kîjan deyndarê xwe? Va ye hûn ji ber xerabiyên xwe hatin firotin, Ji ber serhildanên we diya we hat berdan.

Îşaya 54:7

“Min ji bo demeke kurt tu berdayî, Lê ezê te bi rehma mezin bicivînim.

Îşaya 57:16

Çimkî ez her û her nabim dozdar Û ez hergav hêrs nabim. Yan na kesên min can û ruhên wan afirandine, Wê xwe li ber min ranegirin.

Îşaya 64:5

Tu têyî ba kesên bi şahî rastiyê dikin, Kesên di riyên te de te bi bîr tînin. Lê gava me demeke dirêj Li dijî wan riyan guneh kir, tu hêrs bûyî. Ma emê çawa rizgar bin?

Yêremya 10:24

Ya Xudan, min terbiye bike, Lê ne bi hêrsa xwe, bi pîvan terbiye bike, Yan na, tê min hêdî hêdî biqedînî.

Yêremya 30:11

Çimkî ez bi te re me ku te rizgar bikim.” Ev e gotina Xudan. “Tevî ku ez hemû miletên ku min tu li nav wan belav kirî, Bi tevahî biqedînim jî, Ezê te bi tevahî neqedînim. Ezê te bi pîvana adil terbiye bikim Û te bêceza nehêlim.”

Yêremya 4:11

Wê gavê wê ji vî gelî û ji Orşelîmê re bêjin: “Ji bilindciyên rût û tazî yên beriyê, bayê min ê şewatê bi ser gelê min ê delal ve were. Lê wê ne ji bo dêrandina bênderê û paqijkirinê were.

Yêremya 4:27

Çimkî Xudan wiha dibêje: “Wê tevahiya welêt wêran bibe, Lê ezê bi tevahî neqedînim.

Yêremya 46:28

Gotina Xudan ev e: “Ya Aqûbê xulamê min, netirse! Çimkî ez bi te re me. Tevî ku ez hemû miletên ku min tu li nav wan belav kirî, Bi tevahî biqedînim jî, Ezê te bi tevahî neqedînim. Ezê te bi pîvan terbiye bikim Û bêceza nehêlim.”

Lavijên Şînê 3:31

Çimkî Reb mirovekî her û her red nake.

Lavijên Şînê 3:32

Tevî ku ew aciz jî dike, Li gorî zêdebûna dilovaniya xwe, Wê dîsa were rehmê.

Hoşêya 13:15

“Di nav birayên xwe de mezin jî bibe, Bayê rojhilat, hilma Xudan a ku ji beriyê radibe, Wê kaniya wî hişk bike, Wê çavkaniya wî ziwa bibe. Tiştên hêja yên xezîneya wî wê talan bibin.

Hoşêya 4:1

Ya gelê Îsraêl, guh bidin gotina Xudan, Ji ber ku doza Xudan bi şêniyên welêt re heye: “Li welêt dilsozî, dilovanî û zanîna Xwedê tuneye.

Korîntî I, 10:13

Hûn ji tiştên mirovî pê ve neketin tu ceribandinên din. Xwedê dilsoz e û destûrê nade ku hûn ji karîna xwe zêdetir bên ceribandin. Lê belê ji bo ku hûn bikarin ragirin, ewê bi ceribandinê re riya jêderketinê jî pêk bîne.

Petrûs I 1:6

Hûn bi vê yekê gelek şa ne, her çiqas niha divê ku hûn ji bo demeke kurt bi ceribandinên cûr bi cûr xemgîn bibin jî.