Îşaya 25:2 - Kurmanji Încîl

² Te bajar kir şikêra keviran, Bajarê bisûr kir wêrane. Te qesra xerîban ji bajarbûnê deranî, Wê êdî tu caran neyê çêkirin.

Îşaya 25:2 ပူးပေါင်းရင်းမြစ်များ

Eyûb 12:14

Yê ku ew hilweşîne, ji nû ve ava nabe, Deriyê ku ew li ser kesekî bigire, nayê vekirin.

Îşaya 13:20

Wê êdî tu kes tê de nemîne, Ji nifşan heta nifşan nebe warê rûniştinê. Wê Ereb li wir konê xwe venedin, Şivan keriyên xwe li wir mexel nekin.

Îşaya 13:21

Wê heywanên çolê li wir razên, Xaniyên wan bi çeqelan tije bibin. Wê kund wê derê ji xwe re bikin war, Nêrî li wê derê bi hev bileyizin.

Îşaya 13:22

Wê keftar li kelehên wê, Çeqel li qesrên wê yên xweş bikin zûrin û kastekast. Dema wê nêzîk bûye, Wê rojên wê neyên dirêjkirin.

Îşaya 14:23

“Ezê Babîlê bikim mal û milkê kundan û ritamê. Ezê wê bi gezika helakirinê bimalim.” Ev e gotina Xudanê Karîndar.

Îşaya 17:1

Peyama li ser Şamê: Va ye wê Şam ji holê bê rakirin, Wê bibe wêrane.

Îşaya 17:3

Wê li Efrayîmê bajarên bisûr, Li Şamê padîşahî nemînin. Wê bermayiyên Aramê Wekî rûmeta Îsraêlê bişikên. Ev e gotina Xudanê Karîndar.

Îşaya 21:9

Va ne siwar, erebeyên şer, Siwarên cot bi cot tên.” Wî bersiv da û got: “Ket, Babîl ket! Hemû pûtên îlahên wê şikestî, Ew li erdê diman.”

Îşaya 23:11

Wî destê xwe bi ser deryayê ve dirêj kir, Wî padîşahî lerizandin. Xudan li ser Kenanê emir kir, Wê kelehên wê helak bibin.

Îşaya 23:13

Va ye welatê Kildaniyan! Ew gel êdî tuneye. Aşûrê ew ji heywanên çolê re hiştin. Aşûr bircên xwe ava kirin, Qesrên wan hilweşandin, Wê ew wêran kirin.

Îşaya 24:10

Bajarê tevliheviyê hat şikandin, Her mal hat girtin ku kes nekevê.

Îşaya 25:12

Wê Xudan bircên bilind ên sûrên te bişikêne, Wê heta erdê, heta axê nizim bike.

Îşaya 26:5

Wî kesên li bilindahiyan rûdinin tewandin. Bajarê bilind nizim dike, Heta erdê, heta axê Ew nizim dike.

Îşaya 27:10

Çimkî bajarê bisûr bi tena serê xwe, Wekî çolê hatiye berdan Û bûye warekî bêkes. Wê golik li wê derê biçêrin, mexel bin. Wê şaxên wê bixwin û biqedînin.

Îşaya 32:14

Çimkî wê qesir bê berdan, Wê bajarê qelebalix bê terikandin. Wê serê gir û birca çavdêr, Her û her bibe şikeft, Şahiya kerên çolê Û çêreya keriyan.

Îşaya 32:19

Lê wê daristan bi tevahî ji navê rabe Û bajar bi tevahî bê nizimkirin.

Îşaya 34:13

Wê li bircên wan dirî, Li kelehên wan devî û giyayê gezgezkê derkevin. Wê bibe warê çeqelan û hewşa kundan.

Îşaya 37:26

“‘Ma te nebihîst Ku ji gelek demên berê ve min ev kifş kiribû? Ji demên qedîm ve min ev pîlan kiribû. Niha min ev pêk anî. Wêrankirina bajarên bisûr, Bila bibe karê te.

Yêremya 51:26

Û wê tu kevirekî ji bo rikin û bingehê ji te nestînin. Lê tê bibî wêraneyeke herheyî.” Ev e gotina Xudan.

Yêremya 9:11

“Ezê Orşelîmê bikim şikêra keviran û warê çeqelan. Ezê bajarên Cihûdayê bikim wêraneyeke bêkes.”

Dubarekirina Şerîetê 13:16

Hûnê hemû talanên wir li nav kuçeyê bidin hev û bajêr û talanên wî wekî qurbana şewitandinê ji Xwedayê xwe Xudan re bi tevahî bişewitînin. Wê bajar bibe xirbekî herheyî û careke din neyê avakirin.

Peyxam 18:19

Wan xwelî li serê xwe kir, bi şîn û girîn kirin qîrîn û gotin: «Wax, wax, bajarê mezin! Yên ku di deryayê de gemiyên wan hene Hemû bi malên wî yên hêja dewlemend bûn. Lê wisa di saetekê de bajar wêran bû.