Îşaya 24:20 - Kurmanji Încîl

²⁰ Wê dinya wekî serxweşekî bişewişe, Wekî holikekê biheje. Neheqiya wê li ser wê giran dibe, Wê bikeve û cardin ranebe.

Îşaya 24:20 ပူးပေါင်းရင်းမြစ်များ

Destpêk 41:31

Wê têr û tijebûna welêt neyê bîra kesî, çimkî wê xela gelek giran be.

Eyûb 12:25

Ew di tariyê de bi dest û lepan dimeşin û ronahiyê nabînin Û wan wekî serxweşan digerîne.

Zebûr 107:27

Wek serxweşan şewişîn, terpilîn, Û ji serê wan çû hişê wan.

Zebûr 38:4

Çimkî gunehên min, zêde bûn ji serê min, Wek barekî giran, giran bûn li ser pişta min.

Îşaya 1:28

Lê wê şikestina serhildêr û gunehkaran bi hev re bê, Kesên dev ji Xudan berdane wê tune bibin.

Îşaya 1:8

Siyona keç Wekî holika nav rez, Çardaxa nav bostanê xiyaran Û bajarekî dorpêçkirî maye.

Îşaya 19:14

Xudan ruhekî tevlihev xist nav wan. Çawa ku serxweş bi vereşana xwe dişewişe, Wan Misir jî di her karên wê de şewişand.

Îşaya 24:1

Va ye, wê Xudan dinyayê Xerab û wêran bike. Wê rûyê erdê serobino bike, Şêniyên wê belav bike.

Îşaya 28:7

Kesên ji ber şerabê dişewişin Û ji ber meyê diterpilin jî ev in, Kahin û pêxember ji ber meyê dişewişin, Ji ber şerabê tevlihev dibin, Ji ber meyê diterpilin. Gava dîtinî dibînin, dişewişin. Gava dadbarî dikin, diterpilin.

Îşaya 29:9

Xwe şaşomaşo bikin, Şaş û metel bimînin. Xwe kor bikin û nebînin. Serxweş bin, lê ne bi şerabê, Bişewişin, lê ne ji ber meyê.

Îşaya 38:12

Mala min wekî konê şivanan Ji min hate hildan û rakirin. Min jiyana xwe wekî tevinkarekî pêça, Xudan ez ji tevnê birîm. Şev û roj tu dawiya min tînî.

Îşaya 43:27

Bavkalê te guneh kirin, Serwerên te li dijî min serî rakir.

Îşaya 66:24

Wê derkevin derve û li cendekên mirovên ku li dijî min serî hildan, binêrin. Çimkî kurmê laşê wan namire û agirê wan natefe. Wê di çavê hemû beşer de kirêt bin.

Yêremya 25:27

“Tê ji wan re bêjî: ‘Xwedayê Îsraêl Xudanê Karîndar wiha dibêje: Vexwin, serxweş bibin û vereşin. Ji ber şûrê ku ezê bişînim nav we bikevin û ranebin.’

Yêremya 4:24

Min li çiyayan nihêrî, dilerizîn, Hemû gir dihejiyan.

Yêremya 51:29

Welat dilerize û êş dikişîne, Çimkî wê armanca Xudan a li dijî Babîlê pêk bê Ku welatê Babîlê bike wêraneyek. Wê bêkes bimîne.

Yêremya 8:4

“Ji wan re bêje: Xudan wiha dibêje: “‘Ma mirovê ketiye, ranabe? Kesê ji rê derketiye, venagere?

Lavijên Şînê 1:14

Nîrê serhildanên min bi destê Reb hate girêdan. Wî ew xistin stûyê min û hêza min sist dibe. Wî ez dam destê kesên ez bi wan nikarim.

Daniyêl 11:19

Paşê wê Padîşahê Bakur kelehên welatê xwe talan bike, lê wê biterpile, bikeve û neyê dîtin.

Amos 8:14

Kesên bi navê Aşîmaya îlaha Sameryayê sond dixwin û dibêjin: ‘Ya Dan, bi navê îlaha te’ Û ‘Ya Beêr-Şevayê, bi navê îlaha te,’ Wê bikevin û careke din ranebin.”

Nahûm 1:5

Li ber wî çiya dihejin û gir dihelin, Li pêşberî wî, ji cihê xwe rûyê erdê dilebitin, Dinya û hemû şêniyên wê jî.

Peyxam 18:21

Hingê milyaketekî hêzdar kevirek wek beraşekî mezin hilda, avêt deryayê û got: «Bajarê mezin Babîl weha bi ketineke mezin wê bê avêtin Û êdî tu caran xuya nabe.