Îşaya 22:11 - Kurmanji Încîl

¹¹ We ji bo ava Hewza Kevin, Di nav du sûran de hewzekê çêkir. Lê we bala xwe neda yê ku ev çêkiriye, Xwedayê ku ji berê ve pîlana vê yekê kiriye.

Îşaya 22:11 ပူးပေါင်းရင်းမြစ်များ

Padîşah II, 20:20

Qewimînên din ên padîşahiya Hîzqiya, hemû serketinên wî, çawa hewiz û coya binerdî çêkirin û av anî bajêr, di Nivîsa Qewimînên Padîşahên Cihûdayê de hatin nivîsandin.

Padîşah II, 25:4

Di sûrên bajêr de qulek hat vekirin. Tevî ku Kildaniyan seranserê bajêr dorpêç jî kiribû, padîşah bi şev bi tevahiya leşkeran re, di dergehê di navbera herdu dîwarên li ber bexçeyê padîşah re ber bi Eravayê ve reviya.

Nehemya 3:16

Ji wir wêdetir Nehemyayê kurê Ezbûqê serekê nîvê navçeya Bêtsûrê, ji pêşberî goristana Mala Dawid, heta hewza çêkirî û Mala Mêrxasan ji nû ve ava kir.

Îşaya 17:7

Wê rojê wê mirov berê xwe bidin afiranerê xwe û çavê wan li Pîrozê Îsraêl binêrin.

Îşaya 22:10

We xaniyên Orşelîmê hejmartin. We xanî hilweşandin ku hûn dikarin sûran zexim bikin.

Îşaya 31:1

Wey li wan ku ji bo alîkariyê diçin Misrê, Xwe dispêrin hespan. Ji ber ku pir in, bi erebeyên hespan, Ji ber ku pir hêzdar in, bi siwaran ewle ne. Lê li Pîrozê Îsraêl nanêrin, Li Xudan nagerin.

Îşaya 37:26

“‘Ma te nebihîst Ku ji gelek demên berê ve min ev kifş kiribû? Ji demên qedîm ve min ev pîlan kiribû. Niha min ev pêk anî. Wêrankirina bajarên bisûr, Bila bibe karê te.

Îşaya 7:3

Di vê navberê de Xudan ji Îşaya re got: “Ji bo pêşwaziya Ahaz, tu û Şêar-Yaşûvê kurê xwe rabin herin ser riya Zeviya Kincşûştinê, dawiya coyê Hewza Jorîn.

Îşaya 8:17

Ezê li benda Xudan bimînim ku rûyê xwe ji Mala Aqûb veşartiye. Ezê hêviya xwe pê ve girê bidim.

Yêremya 39:4

Çaxê Sîdqiyayê Padîşahê Cihûdayê û hemû leşkerên wî ev yek dît, reviyan. Ew bi şev, bi riya bexçeyê padîşah di dergehê di navbera herdu dîwaran re ji bajêr derketin û ber bi Eravayê ve reviyan.

Mîxa 7:7

Lê ezê berê xwe bidim Xudan, Ezê li benda Xwedayê rizgariya xwe bim. Xwedayê min wê min bibihîze.