Îşaya 21:2 - Kurmanji Încîl

² Ji min re dîtiniyeke dijwar hat eşkerekirin. Yê bêbext bêbextî dikir, Yê xerabkar xera dikir. Ya Elam, rabe! Ya Medya, dor lê bipêçe! Ezê dawiya hemû nalînên wê bînim.

Îşaya 21:2 ပူးပေါင်းရင်းမြစ်များ

Destpêk 10:22

Kurên Sam: Elam, Aşûr, Arpexşad, Lûd û Aram.

Padîşah II, 17:6

Di neh saliya padîşahiya Hoşêya de Padîşahê Aşûrê Samerya stand û gelê Îsraêl sirgûnê Aşûrê kir. Wî ew li Halahê, li Gozana li ber keviya Çemê Xabûrê û li bajarên Medan da bicihkirin.

Zebûr 119:158

Çaxê min xayin dîtin, dilê min qeliqî, Çimkî ew peyva te nagirin.

Zebûr 12:5

Ji ber bindestiya mexdûran, Ji nalîna feqîran, Xudan dibêje: «Niha ezê rabim, Aştiya ku wan bêrî kiriye ava kim.»

Zebûr 25:3

Hemû yên ku bi hêvî ne, wê şermî nebin; Yên ku bêsedem çavsorî dikin, wê bibînin şermê.

Zebûr 60:3

Te tengahî bi gelê xwe da kişandin, Şeraba sermestkirinê bi me da vexwarin.

Zebûr 79:11

Bila nalîna girtiyan bigîhije tebeqa te, Tu bi mezinahiya hêza xwe, biparêze zaryên mirinê.

Methelokên 13:15

Serwextiya baş keremê tîne, Lê riya bêbextan helakbûn e.

Îşaya 11:11

Wê rojê, wê Reb careke din destê xwe dirêj bike ku bermayiyên gelê xwe ji Aşûr, Misir, Patros, Kûş, Elam, Şînar, Hama û keviyên deryayan vegerîne.

Îşaya 14:4

tê tinazên xwe bi Padîşahê Babîlê bikî û bêjî: “Dawiya yê zalim çawa hat! Dawiya zordariyê çawa hat!”

Îşaya 14:7

Tevahiya dinya aram û rihet bû, Bi şahî kir qîrîn.

Îşaya 22:6

Elamiyan tîrdank avêtin pişta xwe, Bi erebeyên şer, bi siwarên xwe re hatin. Gelê Qîrê mertalên xwe bilind kirin.

Îşaya 24:16

Em ji her aliyê dinyayê lavijan dibihîzin. Dibêjin: “Rûmet ji Yê rast re.” Lê min got: “Ez nemam, ez nemam. Wey li min! Bêbextan bêbextî kir, Bêbextan gelekî bêbextî kir.”

Îşaya 33:1

Wey li te ku xera dike, Li te ku nehatiye xerakirin. Bêbexto, bêbextî li te nehat kirin! Dema tu dev ji xerakirinê berdî, Tê jî bêyî xerakirin. Gava tu bêbextiya xwe xilas bikî, Wê bêbextî li te jî bê kirin.

Îşaya 35:10

Wê kesên Xudan rizgar kirine vegerin, Wê bi stranan werin Siyonê. Wê şahiya herheyî li ser serê wan be. Wê bigihîjin kêf û şahiyê, Wê nalîn û keder bireve û here.

Îşaya 47:6

Ez li gelê xwe hêrs bûm. Min mîrasa xwe mirdar kir, Min ew da destê te. Tu li wan nehatî rehmê, Te nîrê xwe li ser pîr û kalan pir giran kir.

Yêremya 25:25

hemû padîşahên Zîmriyê, hemû padîşahên Elamê, hemû padîşahên Medan,

Yêremya 31:20

“Ma kurê min ê delal ne Efrayîm e? Ma kurê min ê şîrîn ne ew e? Tevî ku li dijî wî dibêjim, Ez wî ji bîra xwe dernaxim. Loma dilê min lê tê rehmê, Ezê esse li ber wî bikevim.” Ev e gotina Xudan.

Yêremya 31:25

Çimkî ezê bi têra xwe canê çilmisî bidim vexwarin û hemû dilên birçî têr bikim.”

Yêremya 45:3

‘Te got: Wey li min! Çimkî Xudan kûl û keder danî ser êşa min. Ez ji nalînê westiyam, ji min re rihetî tuneye.’

Yêremya 49:34

Gotina li dijî Elama ku di destpêka padîşahiya Sîdqiyayê Padîşahê Cihûdayê de ji Yêremyayê Pêxember re hat, ev e:

Yêremya 49:35

Xudanê Karîndar wiha dibêje: “Va ye ezê kevanê Elamê, Bingeha hêza wan bişikênim.

Yêremya 50:14

Tîravêjno! Li derdora Babîlê tevdîra şer bikin! Tîran bavêjinê, tîrekî jî texsîr nekin, Çimkî wê li dijî Xudan guneh kir.

Yêremya 50:34

Lê rizgarkarê wan hêzdar e, Navê wî Xudanê Karîndar e. Wê esse doza wan biparêze Ku ji dinyayê re rihetiyê Û ji şêniyên Babîlê re nerihetiyê bîne.”

Yêremya 51:11

“Tîran tûj bikin! Tîrdankan tije bikin! Xudan ruhê padîşahên Medan hişyar kir, Armanca wî hilweşandina Babîlê ye. Çimkî ev heyfa Xudan e, Heyfa Perestgeha wî ye.

Yêremya 51:44

Ezê Bêlê îlah li Babîlê ceza bikim Û ya ku daqurtandiye ji devê wî derînim. Êdî wê milet neherikin ba wî îlahî, Wê sûrên Babîlê bikevin.

Yêremya 51:53

Babîl heta ezmanan jî bilind bibe, Bircên xwe yên li bilindciyan xurt jî bike, Ezê xerabkaran bi ser wê de bişînim.” Ev e gotina Xudan.

Lavijên Şînê 1:22

Bila hemû xerabiya wan were pêş te. Çi te ji ber hemû serhildanên min anî serê min, Bîne serê wan jî. Çimkî nalîna min zêde ye Û dilê min xayîs e.”

Daniyêl 5:28

PERES; padîşahiya te di nav Med û Parsan de hat parvekirin.”

Daniyêl 5:9

Li ser vê yekê tirsa Bêlşassarê Padîşah zêdetir bû û rûyê wî bêtir çilmisî. Şehrezayên wî şaş û metel man.

Daniyêl 8:2

Min di dîtiniyê de, xwe li Keleha Sûsa ya li Herêma Elamê, li kêleka Çemê Ûlayê dît.

Daniyêl 8:20

Ew beranê du qiloç ê ku te dît, padîşahên Med û Parsan e.

Peyxam 13:10

Yê hêsîrtiyê, wê here hêsîrtiyê; Yê şûr, wê bi şûr bê kuştin. Li vê derê bîhnfirehî û baweriya pîrozan divê.

Samûêl I, 24:13

Li gorî meseloka pêşiyan: ‘Ji xeraba xerabî dertê,’ lê ezê destê xwe li te bilind nekim.