Îşaya 2:9 - Kurmanji Încîl

⁹ Mirov hatin tewandin, Herkes hat nizimkirin. Wan nebexişîne, ya Xudan!

Îşaya 2:9 ပူးပေါင်းရင်းမြစ်များ

Nehemya 4:5

Neheqiyên wan nenixême, bila gunehên wan li ber te neyên rakirin. Çimkî wan li pêşberî avakaran, tu hêrs kirî.”

Zebûr 49:2

Zarokên xelqê, zarokên began, Dewlemend û xizan, bi hev re goh bidin!

Zebûr 59:5

Û tu ya Xudan, Xwedayê ordiyan, Xwedayê Îsraêlê, Hişyar be, hemû mîletan bitoqlîne, Ber tu kesê xayîn û xerab nekeve!

Zebûr 62:9

Zarokên xelqê tenê hilmek in, Beyzade jî derew, Gava ku ketin mêzînê, Herdû jî siviktir in ji hilmê.

Îşaya 27:11

Gava guliyên wê hişk bibin, Wê bên jêkirin. Wê jin werin û wan bişewitînin. Çimkî ev gel fêm nake. Loma wê afirandarê wan Li ber wan nekeve, Yê ku şikil daye wan, Wê rehmê li wan neke.

Îşaya 5:15

Wê mirov bên tewandin. Herkes nizim bibe. Çavên qureyan jî bên nizimkirin.

Îşaya 5:16

Lê wê Xudanê Karîndar, Bi heqiyê berz bibe. Wê Xwedayê Pîroz bi edaletê, Pîroziya xwe nîşan bide.

Îşaya 57:9

Tu bi rûnên bêhnxweş çûyî ba Molekê îlah Û te bêhnên xwe zêde kirin, Te qasidên xwe şandin derên dûr, Te heta diyarê miriyan xwe nizim kir.

Yêremya 18:23

Ya Xudan, tu hemû pîlanên wan Ên ji bo kuştina min dizanî. Neheqiyên wan nebexişîne, Gunehên wan ji ber xwe xîş neke! Bila ew li hizûra te biterpilin, Gava hêrsa te rabû, belayê bîne ser wan.

Marqos 3:29

lê belê kî ku çêrî Ruhê Pîroz bike, tu caran lê nayê bihûrtin; ew bi gunehê herheyî sûcdar e.»

Romayî 3:23

Hemûyan guneh kir û ji rûmeta Xwedê bêpar man.

Kolosî 2:18

Nebe yekî ku ji nefsbiçûkiya qelp û perizîna milyaketan, ji dîtiniyên ku dîtine û ji quretiya pûç a aqilê xwe yê dinyayî hez dike, we ji xelata we bike.

Kolosî 2:23

Rast e, di dîndariya ji ber xwe çêkirî, di nefsbiçûkiya qelp û di eziyetkirina bedenê de ev wek şehrezayiyê tên dîtin, lê ji bo rawestandina xwestekên nefsê tu qîmeta wan tune.

Yêşû 24:19

Yêşû ji gel re got: “Hûn nikarin xulamiya Xudan bikin. Çimkî ew Xwedayekî pîroz e. Ew Xwedayekî xîretkêş e. Ew guneh û neheqiyên we bi hêsanî nabexişîne.