Îşaya 19:1 - Kurmanji Încîl

¹ Peyama li ser Misrê: Va ye, Xudan li ewrê bi lez siwar bûye Û diçe Misrê. Pûtên Misrê li ber wî dilerizin, Dilê Misriyan di nava wan de dihele.

Îşaya 19:1 ပူးပေါင်းရင်းမြစ်များ

Zebûr 104:3

Tu menzelên xwe, li ser avên jor datînî, Tu ewran ji xwe re dikî erebe, Tu li ser bazkên bayê digerî.

Zebûr 104:34

Bila ramana min li xweşa wî here, Şabûna min bi Xudan be!

Zebûr 18:9

Ezman qelaşt û daket, Tariya reş di bin lingê wî de bû.

Zebûr 68:4

Ji Xwedê re lavijan bêjin, pesnê navê wî bidin, Ji siwarê ku çolê derbas dibe re, rê çêkin; Navê wî Xudan e, li pêş wî bikin cejn!

Derketin 12:12

“‘Ezê wê şevê di welatê Misrê re derbas bibim. Hem ji mirovan û hem jî, ji heywanan, hemû yên pêşî bikujim û tevahiya îlahên Misrê dadbar bikim. Ez Xudan im.

Îşaya 13:1

Peyama li ser Babîlê ya ku Îşayayê kurê Amots dît:

Îşaya 13:7

Loma wê hemû dest sist bibin Û dilê her mirovî bihele.

Îşaya 19:16

Wê rojê wê Misrî ji ber destê Xudanê Karîndar ê ku li dijî wan rake, bilerizin û bikevin sawê.

Îşaya 21:9

Va ne siwar, erebeyên şer, Siwarên cot bi cot tên.” Wî bersiv da û got: “Ket, Babîl ket! Hemû pûtên îlahên wê şikestî, Ew li erdê diman.”

Yêremya 25:19

Herwiha Padîşahê Misrê Firewn, xulam, serek û hemû gelê wî,

Yêremya 4:13

Va ye, ew wekî ewran tê. Erebeyên wî yên şer wekî bahozê ne, Hespên wan ji teyran leztir in. Wey li me, em xera bûn!

Yêremya 44:8

Çima hûn li welatê Misrê yê ku hûn bi mêvandarî çûnê, bi karên destê xwe û bixûrpêxistina ji îlahan re min hêrs dikin?! Hûn xwe helak dikin! Ma hûnê di nav hemû miletên dinyayê de bibin nalet û mijara riswabûnê?!

Yêremya 50:2

“Di nav miletan de bêjin, bidin bihîstin! Alê daçikînin, bidin bihîstin! Veneşêrin û bêjin: ‘Babîl hat standin! Bêlê îlah şermezar bû, Mardûk hat şikestin. Îlahên wê şermezar bûn, pûtên wê şikestin.’

Yêremya 51:44

Ezê Bêlê îlah li Babîlê ceza bikim Û ya ku daqurtandiye ji devê wî derînim. Êdî wê milet neherikin ba wî îlahî, Wê sûrên Babîlê bikevin.

Yoêl 3:19

“Lê wê Misir bibe wêrane Û Edom bibe beriya bêkes. Çimkî wan zordarî li Cihûdayê kir Û li welatê wan xwîna bêsûcan rijand.

Nahûm 1:1

Peyama li dijî Nînewayê. Nivîsa dîtinî ya Nahûmê Êlqoşî.

Nahûm 1:3

Xudan zû hêrs nabe, Lê di hêzê de mezin e. Ew sûcdaran esse bêceza nahêle. Riya Xudan di bager û bahozê de ye Û ewr toza piyê wî ye.

Zekeriya 10:11

Wê ji deryaya tengasiyê derbas bibin, Lê wê pêlên deryayê bitepisin. Wê tevahiya kûrahiyên Nîlê ziwa bibin. Wê quretiya Aşûrê bê nizimkirin, Wê gopalê ji destê Misrê bê standin.

Zekeriya 14:18

Heke Misrî tevli wan nebin û neçin Orşelîmê, wê Xudan wekî wan miletên ku ji bo Cejna Holikan pîroz bikin neçûn Orşelîmê, wan jî bi hema belayê ceza bike.

Hejmartin 33:4

Wê gavê Misriyan kurên xwe yên pêşî vedişartin ku Xudan ew kuştibûn. Xudan îlahên wan jî dadbar kiribûn.

Dubarekirina Şerîetê 33:26

“Yeşûrûno, yê wekî Xwedê tuneye! Tenê ew li ezmanan û li ewran siwar bûye Ku alîkariya te bike.

Yêşû 2:11

Gava me bihîst, dilê me heliya. Ji ber we êdî bi tu kesî re derman nema. Çimkî Xwedayê we Xudan hem li jor li ezmanan, hem jî li jêr li ser rûyê erdê Xwedê ye.

Yêşû 2:24

Wan ji Yêşû re got: “Xudan bi rastî jî tevahiya welêt da destê me. Dilê hemû şêniyên welêt li ber me ji tirsa heliya.”

Yêşû 2:9

Ji wan re got: “Ez dizanim ku Xudan welat daye we. Tirs û sawa we ketiye ser me hemûyan. Hemû şêniyên welêt ji tirsa we dihelin.

Peyxam 1:7

Va ye, ew bi ewran re tê. Her çav wê wî bibîne, heta ew ên ku bedena wî qul kirine jî. Û hemû gelên dinyayê wê li ser wî li xwe bixin. Erê. Amîn.