Îşaya 13:6 - Kurmanji Încîl

⁶ Bikin zarîn! Çimkî roja Xudan nêzîk e. Wê ew roj ji Yê Karîndar, Wekî hilweşînekê bê.

Îşaya 13:6 ပူးပေါင်းရင်းမြစ်များ

Eyûb 31:23

Çimkî ezê ji ber felaketa ku ji Xwedê tê, Biketama tirs û sawê Û ji ber rewnaqiya wî tiştek ji destê min nedihat.

Îşaya 10:25

Çimkî wê di demeke nêzîk de xezeba min a li dijî te nemîne. Hêrsa min jî berê xwe bide xerakirina wan.

Îşaya 10:3

Di roja cezakirinê de, Dema helakbûn ji dûrî ve tê serê we, Hûnê çi bikin? Ji bo alîkariyê ber bi kê ve birevin? Hebûna xwe deynin ku derê?

Îşaya 13:9

Va ye roja Xudan tê! Roja xedar, roja bi xezeb û hêrsa dijwar tê Ku welatan wêran bike Û gunehkarên wan helak bike.

Îşaya 14:23

“Ezê Babîlê bikim mal û milkê kundan û ritamê. Ezê wê bi gezika helakirinê bimalim.” Ev e gotina Xudanê Karîndar.

Îşaya 14:31

De bizare dergeho! De biqîre bajaro! Filîstîno, hûn tev bihelin! Çimkî ji bakur dû bilind dibe Û di nav leşkerên wir de serberdayî tuneye.

Îşaya 2:12

Çimkî roja Xudanê Karîndar, Wê li dijî hemû qure û pozbilindan be. Wê rojê hemû kesên hatine bilindkirin, Wê bêne nizimkirin.

Îşaya 23:1

Peyama li ser Sûrê: Ya gemiyên Tarşîşê, bikin zarîn! Çimkî Sûr wêran bû, Mal û keştîgehên wê jî tunene. Ji diyarê Kîttîmê haya wan hat pêxistin.

Îşaya 34:2

Çimkî Xudan ji hemû miletan hêrs bûye, Li dijî hemû artêşên wan hat xezebê. Wî ew bi tevahî tune kirin, Wî ew dan ber serjêkirinê.

Îşaya 34:8

Çimkî rojeke Xudan a tolstandinê, Ji ber doza Siyonê, saleke hesabê heye.

Îşaya 47:11

Wê felaket were serê te Ku sêrbazên te nikarin dûr bixin. Wê bela bê serê te Ku tê nikaribî kefareta wê bidî. Wê helakbûna tu pê nizanî, Jinişkave bê serê te.

Îşaya 52:5

Lê niha gotina Xudan ev e: “Gelê min beredayî hilanîn û birin, Ma karê min li vir çi ye? Serwerên wan dikin zarîn, Hergav, tevahiya rojê navê min tê kêmkirin.” Ev e gotina Xudan.

Îşaya 61:2

Sala razîbûna Xudan Û roja tolstandina Xwedayê me diyar bikim, Hemû şîndaran teselî bikim,

Îşaya 63:4

Çimkî roja tolstandinê di dilê min de bû, Sala rizgarkirina min hatibû.

Îşaya 65:14

Va ye, wê xulamên min ji kêfan biqîrin, Lê hûnê bi dilşewat bikin hewar Û ji ruhşikestîbûna xwe bikin zarîn.

Yêremya 25:34

Şivanno, bizarin! Bikin hewar! Ya xweyên pêz, xwe li erdê gêr bikin! Çimkî roja serjêbûn û belavbûna we hat! Hûnê wekî taximekî hêja bikevin û perçe bin.

Yêremya 49:3

“Ya Heşbon, bizare! Bajarê Ayê wêran bû. Ya keçên Rabbayê, bikin hewar! Çûx li xwe bikin û şînê bikin, Li nav sûrên xwe virde wêde diçin û tên. Çimkî wê Molek bi kahin û karmendên xwe re here sirgûnê.

Yêremya 51:8

Babîl jinişkave ket û şikest, Ji bo wê bikin zarîn! Ji bo êşa wê melhem bistînin, Belkî şifayê bibîne.

Daniyêl 5:26

“Wateya van gotinan ev e: MENÊ; Xwedê rojên padîşahiya te hesibandin û dawî lê anî.

Daniyêl 5:9

Li ser vê yekê tirsa Bêlşassarê Padîşah zêdetir bû û rûyê wî bêtir çilmisî. Şehrezayên wî şaş û metel man.

Yoêl 1:11

Cotkarno, ji bo ceh û genim, Li xwe bixin! Rezvanno, bizarin! Çimkî berê zeviyan helak bû.

Yoêl 1:13

Kahinno, çûxê li xwe bikin! Xizmetkarên gorîgehê bizarin! Xizmetkarên Xudan werin Û di nav çûxê de şevê biborînin! Çimkî pêşkêşiyên dexlê û rijandinê, Ji Mala Xwedayê we hatin texsîrkirin.

Yoêl 1:15

Ax ew roj! Çimkî Roja Xudan nêzîk e, Wekî hilweşîna Karîndar tê.

Yoêl 1:5

Serxweşno, hişyar bin û bigirîn! Şerabvexwarno, ji bo şeraba şîrîn bizarin! Çimkî ji ser devê we hatiye hildan.

Yoêl 2:1

Li Siyonê li boriyê bixin, Li çiyayê min ê pîroz biqîrin! Bila hemû şêniyên welêt bilerizin, Çimkî roja Xudan tê, nêzîk e.

Yoêl 2:11

Dengê Xudan li pêş artêşa wî bilind dibe, Artêşa wî pir zêde ye Û kesê gotina wî pêk bîne hêzdar e. Çimkî roja Xudan mezin û gelek tirsdar e, Kî dikare li ber xwe bide?

Yoêl 2:31

Beriya ku roja Xudan a mezin û tirsdar were, Wê roj bibe taristan û heyv jî bibe xwîn.

Amos 5:18

Wey li wan kesên li benda roja Xudan in! Gelo hûn çima roja Xudan dixwazin? Ew ne ronahî ye, tarî ye.

Sefanya 1:14

Roja mezin a Xudan nêzîk e, Nêzîk e û pir bi lez tê. Dengê roja Xudan tehl e, Egîd jî wê li wê derê binale.

Sefanya 1:7

Li ber Reb Xudan hiş be! Çimkî roja Xudan nêzîk e. Xudan qurbanekê amade kir, Vexwendiyên xwe pîroz kir.

Zekeriya 14:1

Va ye roja Xudan tê! Talanê ku ji te hatiye standin, wê di nav te de bê parvekirin.

Melaxî 4:5

“Va ye beriya ku roja Xudan a mezin û tirsdar were, ezê Êlyasê Pêxember ji we re bişînim.

یعقوب 5:1

Îcar dewlemendno, niha werin û li ser rebeniya xwe ya ku wê bê serê we bigirîn û bikin qîrîn.

Peyxam 18:10

Ji tirsa cefayê ku ew dikişîne, wê li dûr bisekinin û bêjin: «Wax, wax, bajarê mezin, Bajarê hêzdar, Babîl! Çimkî dîwanbûna te wisa di saetekê de hat.»