Îşaya 12:1 - Kurmanji Încîl

¹ Gelê Îsraêl, tê wê rojê bêjî: “Ya Xudan, ez ji te re spasdar im. Tu li min hêrs bibûyî, Lê hêrsa te daket Û te ez teselî kirim.

Îşaya 12:1 ပူးပေါင်းရင်းမြစ်များ

Nehemya 8:10

Nehemya ji wan re got: “Herin xwarinên bi rûn bixwin, tiştên şîrîn vexwin û ji wan kesan re bişînin ku haziriya xwe nekirine. Çimkî îro ji bo Rebê me pîroz e. Xemgîn nebin, çimkî hêza we şahiya Xudan e.”

Eyûb 11:16

Tê derdê xwe ji bîr bikî, Wekî ava herikî û çûyî ji bîr bikî.

Eyûb 13:16

Wê rizgariya min ev bibe: Mirovekî xwedênenas dernekeve hizûra wî.

Zebûr 30:5

Çimkî ji bo gavakê ye hêrsa wî, Her û her e kerema wî; Belkî bi şev girîn e, Belê serê sibê şên û şahî ne.

Zebûr 71:21

Tê siyaneta min zêde bikî, Li min vegerî û min teselî bikî.

Zebûr 85:4

Ey Xwedayê rizgariya me, me bizivirîne, Hêrsa xwe ya li hember me daxîne!

Zebûr 86:17

Nîşanek qenciyê bi min bide dîtin; Da ku yên ji min nefret dikin, bibînin û şerm bikin; Çimkî tu ya Xudan, tu ji min re bûyî alîkar û xemrevîn,

Zebûr 9:1

Ya Xudan ezê bi hemû dilê xwe ji te re şikir bêjim, Hemû karên te yên mezin bibêjim.

Îşaya 10:25

Çimkî wê di demeke nêzîk de xezeba min a li dijî te nemîne. Hêrsa min jî berê xwe bide xerakirina wan.

Îşaya 10:4

Yan hûnê di nav êsîran de çok bidin, Yan jî hûnê di bin kuştiyan de bimînin. Lê dîsa jî wê hêrsa Xudan danekeve, Wê destê wî li dijî wan dirêjkirî bimîne.

Îşaya 11:16

Wekî roja ku ji welatê Misrê derketin, Ji bo Îsraêl riyek hebû, Ji bo bermayiyên gelê Xwedê yê li Aşûrê jî Wê riyeke mezin hebe.

Îşaya 14:3

Di roja ku Xudan tu ji êş, derd û koletiya giran derxist û rihetî da te,

Îşaya 2:11

Wê çavên bilind bên nizimkirin, Pozbilindiya mirovan bê şikandin. Wê rojê wê tenê Xudan bê berzkirin.

Îşaya 25:1

Ya Xudan, Xwedayê min tu yî. Ez te birûmet dikim, Ji navê te re şikir dikim. Çimkî te keramet kirin, Te pîlanên bi dilsozî û ewle Ji berê ve kirin.

Îşaya 25:9

Wê rojê wê bêjin, “Va ye, Xwedayê me ev e! Em li benda wî man ku e rizgar bike. Xudanê me ev e ku em li benda wî man. Em bi rizgariya wî şa û kêfxweş bin.”

Îşaya 26:1

Wê rojê wê li welatê Cihûda ev stran bê gotin: Bajarekî me yê hêzdar heye. Bi sûr û dîwarên wî Xwedê rizgariyê tîne.

Îşaya 35:10

Wê kesên Xudan rizgar kirine vegerin, Wê bi stranan werin Siyonê. Wê şahiya herheyî li ser serê wan be. Wê bigihîjin kêf û şahiyê, Wê nalîn û keder bireve û here.

Îşaya 49:13

Ezmano, ji kêfê biqîre! Erdo, şa be! Çiyano, bi şahî biqîrin! Çimkî wê Xudan gelê xwe teselî bike Û li bindestên xwe were rehmê.

Îşaya 51:3

Çimkî wê Xudan Siyonê teselî bike, Wê hemû wêraneyên wê teselî bike. Wê beriya wê bike wekî Êden, Wê berî û deştên wê bike wekî Bexçeyê Xudan. Wê li wê derê kêf û şahiyê, Spasî û dengê lavijan hebe.

Îşaya 54:7

“Min ji bo demeke kurt tu berdayî, Lê ezê te bi rehma mezin bicivînim.

Îşaya 54:8

Min bi lehiya xezebê Ji bo demeke kurt rûyê xwe ji te veşart, Lê ezê bi dilovaniya herheyî li te werim rehmê” dibêje Rizgarkarê te Xudan.

Îşaya 54:9

“Çimkî ji bo min, ev wekî tofana Nûh e. Çawa ku min sond xwar ku Wê tofana Nûh careke din li ser dinyayê ranebe, Min sond xwar ku Ezê li dijî te hêrs nebim, Ezê careke din erzê te neşikênim.

Îşaya 60:10

“Wê xerîb dîwarên te çêkin Û padîşahên wan xizmeta te bikin. Çimkî min bi xezeba xwe tu xistî, Lê ezê ji te razî bim û li te werim rehmê.

Îşaya 61:10

Ezê bi Xudan gelek dilgeş bim, Wê canê min bi Xwedayê min şa be. Çimkî çawa ku zava tacegulê dide serê xwe Û bûk bi zînetên xwe tê xemilandin, Wî cilên rizgariyê li min kirin, Bi xiftanê rastiyê ez nixamtim.

Îşaya 64:5

Tu têyî ba kesên bi şahî rastiyê dikin, Kesên di riyên te de te bi bîr tînin. Lê gava me demeke dirêj Li dijî wan riyan guneh kir, tu hêrs bûyî. Ma emê çawa rizgar bin?

Îşaya 65:18

Lê bi ya ku ez diafirînim şa û her û her dilgeş bibin. Çimkî va ye ez wekî dilgeşî Orşelîmê Û wekî şahî gelê wê diafirînim.

Îşaya 66:13

Wekî dayika ku zarokê xwe teselî dike, Ezê we teselî bikim. Hûnê li Orşelîmê bên teselîkirin.”

Yêremya 30:19

Wê dengê ken û şahiyê ji nav wan bê. Ezê wan zêde bikim, wê kêm nebin, Ezê wan rûmet bikim, wê neyên kêmdîtin.

Yêremya 31:13

Wî çaxî wê keç bikevin govendê, Wê xort û kal şahî bikin. Ezê şîna wan bikim kêfxweşî Û ji ber kul û kederan, wan teselî û şa bikim.

Hoşêya 11:8

“Ya Efrayîm, ezê çawa te bidim destan? Ya Îsraêl, ezê te çawa teslîm bikim? Ezê çawa te bikim wekî Admayê? Ezê çawa wekî Sevoyîmê bi te re tevbigerim? Dilê min peritî, Dilovaniya min dikele.

Hoşêya 6:1

Werin, em li Xudan vegerin. Wî em perçe kirin, Wê me baş jî bike. Wî em birîndar kirin, Wê birîna me jî bipêçe.

Zekeriya 1:16

“Loma Xudan wiha dibêje: ‘Ez bi rehmê vegeriyam Orşelîmê. Wê Mala min li wê derê bê avakirin.’” Ev e gotina Xudanê Karîndar. “‘Wê benê pîvanê li ser Orşelîmê bê kişandin.’

Zekeriya 14:20

Wê rojê wê li ser zengilên hespan wiha bê nivîsandin: “Ji Xudan re veqetandî ye.” Beroşên Mala Xudan jî, wê bibin mîna tasên li ber gorîgehê.

Zekeriya 14:9

Wê Xudan bibe padîşahê tevahiya dinyayê. Wê rojê wê Xudan yek be û wê navê wî yek be.

Zekeriya 8:11

Lê ezê ji niha û pê ve, ji bo bermayiyê vî gelî mîna rojên berê tevnegerim.’ Ev e gotina Xudanê Karîndar.

Zekeriya 8:19

“Xudanê Karîndar wiha dibêje: ‘Rojiyên mehên çar, pênc, heft û dehan, wê ji bo Mala Cihûda bibin cejnên demên şahî û coşiyê û cejnên kêfxweşiyê. Loma jî, ji rastî û aştiyê hez bikin.’

Romayî 11:15

Çimkî eger redbûna wan bûbe lihevhatina dinyayê ya bi Xwedê re, hingê qebûlbûna wan ne jiyana ji nav miriyan be, wê çi be?