Hoşêya 8:4 - Kurmanji Încîl

⁴ Wan padîşah danîn, lê ji min nepirsîn; Serek ji xwe re kifş kirin, Lê haya min ji wan tunebû. Wan ji zêr û zîvên xwe ji xwe re pût çêkirin, Loma wê helak bibin.

Hoşêya 8:4 ပူးပေါင်းရင်းမြစ်များ

Padîşah I, 12:28

Padîşah şêwirî û du golikên zêrîn çêkirin û ji gel re got: “Çûyîna Orşelîmê ji bo we zêde ye. Ya gelê Îsraêl, va ye ev in îlahên we yên ku hûn ji welatê Misrê deranîn!”

Padîşah I, 13:34

Ev yek bû sedema gunehên Mala Yarovam ku li ser rûyê erdê nemînin û tune bibin.

Padîşah I, 16:31

Ahav, çawa ku gunehên bi çûna Yarovamê kurê Nevat ne bes bin, rabû bi ser de jî keça Etbaalê Padîşahê Saydayiyan Îzabelê ji xwe re anî. Piştre ji Baal re xulamî kir û perizî wî.

Yêremya 16:20

Ma mirov ji xwe re îlahan çêdike? Helbet ew ne îlah in!

Daniyêl 3:1

Nebûxadnessarê Padîşah peykerekî zêrîn çêkir; bejna wî 60 gaz û firehiya wî 6 gaz bû. Wî ew li Herêma Babîlê, li Deşta Dûrayê da çikandin.

Hoşêya 13:1

Gava Efrayîm dipeyivî, herkes dilerizî. Ew li Îsraêlê mezin dihat hesibandin, Lê gava ew perizî Baal, sûc kir û mir.

Hoşêya 13:11

Min di hêrsa xwe de padîşah da te, Di xezeba xwe de min ew stand.

Hoşêya 13:2

Niha her ku diçe gunehê xwe zêde dike. Ji zîv ji xwe re pûtên rijandî, Li gorî feraseta xwe ji xwe re pût çêkirin, Hemû karên hosteyan in. Dibêjin: “Kesên qurban serjê dikin, Golikan jî maç dikin!”

Hoşêya 2:8

Lê wê nizanibû ku min ev tişt dabûn wê; Dexil, şerab û rûnê zeytê. Min bi têra xwe zîv dabû wê, Wê jî ew zêr pêşkêşî Baal kir.

Hoşêya 8:3

Îsraêl tiştên qenc red kir, Wê dijmin bikeve pey wan.

Metta 25:12

Wî li wan vegerand û got: ‹Bi rastî ez ji we re dibêjim, ez we nas nakim.›

Lûqa 13:25

Piştî ku malxwê malê rabe û derî bigire, hûnê li derve bimînin, dest pê bikin li derî bixin û bêjin: ‹Ya Xudan, ji me re veke!› Hingê ewê li we vegerîne û ji we re bêje: ‹Ez nizanim hûn ji ku derê ne.›

Lûqa 13:27

Lê ewê bêje: ‹Ez ji we re dibêjim ku ez nizanim hûn ji ku derê ne. Ji min dûr kevin, hey hûn hemû yên ku neheqiyê dikin!›

Yûhenna 10:14

Ez şivanê qenc im. Ez ên xwe nas dikim û yên min jî min nas dikin,

Galatî 4:9

Lê niha piştî ku we Xwedê naskir, hê zêdetir: Hûn ji aliyê Xwedê ve hatin naskirin, êdî çawa dîsa hûn li wan hêzên ruhî yên bêhêz û reben vedigerin? Ma hûn dîsa dixwazin xulamtiyê ji wan re bikin?