Hoşêya 4:1 - Kurmanji Încîl

¹ Ya gelê Îsraêl, guh bidin gotina Xudan, Ji ber ku doza Xudan bi şêniyên welêt re heye: “Li welêt dilsozî, dilovanî û zanîna Xwedê tuneye.

Hoşêya 4:1 ပူးပေါင်းရင်းမြစ်များ

Padîşah I, 22:19

Mîxaya got: “Madem wisa ye guh bide gotina Xudan! Min Xudan dît. Ew li ser textê xwe rûniştiye û tevahiya artêşa ezmanan li çep û rasta wî bû.

Zebûr 81:9

Wê di nav we de îlahên xerîb nebin, Hûnê neperizin îlahek din!

Îşaya 1:10

Ya serwerên Sodomê, Gotina Xudan bibihîzin! Ya gelê Gomorayê, Guh bidin Şerîeta Xwedayê me!

Îşaya 1:18

Xudan dibêje: “Niha werin em li doza xwe binêrin. Gunehên we bi xwînê sor jî bûbin, Wê wekî berfê spî bibin. Bûbin wekî qirmizê sor jî, Wê wekî hiriyê spî bibin.

Îşaya 28:14

Loma bibihîzin gotina Xudan, tinazkarno! Hûn ên li Orşelîmê, serweriya vî gelî dikin!

Îşaya 34:1

Miletno, ji bo bihîstinê nêzîk bibin! Gelno, baş guhdarî bikin! Bila dinya û hemû tiştên wê, Rûyê erdê û hemû tiştên jê bibihîzin.

Îşaya 34:8

Çimkî rojeke Xudan a tolstandinê, Ji ber doza Siyonê, saleke hesabê heye.

Îşaya 5:3

Ew dibêje: “Ya şêniyên Orşelîmê û gelê Cihûdayê, ez ji we lava dikim, di navbera min û rezê min de dadgeriyê bikin.

Îşaya 59:4

Kesê doza rast dike, Kesê ji bo edaletê diçe dîwanê nemaye. Ew bi valahiyê ewle ne û derewan dikin, Ew bi derdên kesên din avis in û xerabiyê tînin.

Îşaya 59:8

Ew riya aştiyê nizanin Û li ser rêçikên wan edalet tuneye. Wan rêçikên xwe xwar kirin, Her kesê li ser wan diçe aştiyê nizane.

Îşaya 66:5

Ya kesên ji ber gotina Xudan dilerizin! Gotina wî bibihîzin! Birayên we ku ji we nefret dikin Û ji bo xatirê navê min we ji nav xwe davêjin, Ew dibêjin: “Erê, bila Xudan birûmet be Ku em şahiya we bibînin!” Lê kesên bên şermezarkirin ew in.

Yêremya 11:7

Çimkî ji roja ku min bav û kalên we ji welatê Misrê deranî heta îro min bi dil ew hişyar kirin. Min gelek caran ew hişyar kirin ku guh bidin dengê min.

Yêremya 19:3

Bêje: ‘Ya padîşahên Cihûdayê û şêniyên Orşelîmê! Gotina Xudan bibihîzin! Xwedayê Îsraêl Xudanê Karîndar wiha dibêje: Ezê belayeke wisa bînim serê vê derê ku wê guhên her kesê wê bibihîze bike çingînî.

Yêremya 2:4

Ya mala Aqûb! Ya hemû eşîrên Mala Îsraêl! Gotina Xudan bibihîzin!

Yêremya 2:9

Gotina Xudan ev e: “Loma ezê careke din li dijî we dozê vekim, Ezê li dijî neviyên we jî dozdar bim.

Yêremya 25:31

Wê şingînî bigihîje binê dinyayê, Çimkî doza Xudan bi miletan re heye. Wê hemû beşerê darizîne. Wê xeraban teslîmî şûr bike.’” Ev e gotina Xudan.

Yêremya 34:4

“‘Lê ya Sîdqiyayê Padîşahê Cihûdayê! Guh bide gotina Xudan! Xudan li ser te wiha dibêje: Tê bi şûr nemirî.

Yêremya 4:22

“Gelê min ehmeq e, min nas nake. Ew zarokên sexik in, fêm nakin. Di xerabîkirinê de şehreza ne, qencîkirinê nizanin.”

Yêremya 4:28

Loma wê erd şînê bike Û ezman li jor tarî bibe. Çimkî min got û min pîlan kir. Ezê poşman nebim, Ezê dev jê bernedim.”

Yêremya 5:4

Min got: “Ev tenê belengaz in. Ji ber nezanîna riya Xudan Û hikmên Xwedayê xwe, vê ehmeqiyê dikin.

Yêremya 51:5

Lê tevî ku welatê wan Li dijî Pîrozê Îsraêl bi sûc tije ye, Îsraêl û Cihûda ji aliyê Xwedayê xwe ve, Ji aliyê Xudanê Karîndar ve nehatiye berdan.

Yêremya 6:13

“Çimkî ji biçûkan heta mezinan, Çavê her kesî li ser qezenca neheq e. Ji pêxemberan heta kahinan, hemû hîlekar in.

Yêremya 7:28

Tê ji wan re bêjî: ‘Miletê guhdariya dengê Xwedayê xwe Xudan nekir û terbiye qebûl nekir, ev e! Dilsoziya wan a ji bo min nema. Êdî ji devê wan dernakeve.

Yêremya 9:20

Jinno! Gotina Xudan bibihîzin! Bila guhê we peyva devê wî hilîne! Şînê hînî keçên xwe bikin, Bila herkes lavija şînê hînî cîranê xwe bike.

Yêremya 9:3

“Ew zimanê xwe wekî kevanê ditikînin, Bi derewan, ne bi dirustiyê li welêt hêzdar bûn. Çimkî ew xerabiyê li ser xerabiyê dikin Û min nas nakin.” Ev e gotina Xudan.

Yêremya 9:7

Loma Xudanê Karîndar wiha dibêje: “Va ye, ezê wan safî bikim û biceribînim, Çimkî ez bi gelê xwe yê delal çiyê din bikim?

Hoşêya 12:2

Doza Xudan bi Cihûda re heye. Wê li gorî riya wî, ziriyeta Aqûb ceza bike, Wê cezayê kirinên wî bide.

Hoşêya 12:3

Di zikê diya xwe de, Aqûb bi pehniya birayê xwe girt. Di mêrantiya xwe de, Bi Xwedê re rikeberî kir.

Hoşêya 5:1

“Ya kahinno, guh bidin vê yekê! Ya Mala Îsraêl, baş guhdarî bikin! Ya kesên li qesra padîşah bibihîzin! Çimkî ev hikim li ser we ye. Hûn li Mîspayê bûn dafik, Li Çiyayê Tavorê bûn toreke raxistî.

Hoşêya 5:4

Karên wan nahêlin ew vegerin Xwedayê xwe. Ji ber ku di nav wan de ruhê zinayê heye, Ew Xudan nas nakin.

Yoêl 1:2

Rîspîno, bibihîzin! Hemû şêniyên welêt, guh bidin! Gelo di dema we yan dema bav û kalên we de Tiştekî wiha qewimiye?

Amos 3:1

Ya gelê Îsraêl! Gotinên Xudan ên li dijî we bibihîzin! Wî li dijî tevahiya gelê ku ji welatê Misrê deranî, got:

Amos 7:16

Niha tu guh bide gotina Xudan. Tu dibêjî: “‘Li dijî gelê Îsraêl pêxemberiyê neke, Li dijî Mala Îshaq gotinan nebêje.’

Mîxa 6:2

Çiyano! Ya bingehên domdar ên dinyayê! Doza Xudan bibihîzin! Çimkî Xudan ji gelê xwe dozdar e, Ji gelê Îsraêl gilîdar e.

Yûhenna 8:55

Hûn wî qet nas nakin, lê ez wî nas dikim. Eger min bigota ku ez wî nas nakim, ez jî wek we dibûm derewker; lê ez wî nas dikim û gotina wî digirim.

Romayî 1:28

Ji ber ku wan naskirina Xwedê hêja nedît, Xwedê ew dan destê fikrên xerab, wisa ku ew tiştên ne li ser rê bikin.

Korîntî I, 15:34

Rast werin ser hişê xwe û guneh nekin. Çimkî li ba hinekan zanîna Xwedê tune. Ji bo ku hûn şerm bibin ez van dibêjim.

Peyxam 2:11

Ewê ku guhên wî hene, bila bibihîze ku Ruh ji civînan re çi dibêje. Ewê ku bi ser dikeve, ji mirina diduyan qet ziyanê nabîne.›»

Peyxam 2:29

Ewê ku guhên wî hene, bila bibihîze ku Ruh ji civînan re çi dibêje.›»