Hoşêya 14:7 - Kurmanji Încîl

⁷ Wê careke din mirov bên û li bin siya wî rûnin. Wê gelê Îsraêl wekî dexil şîn bibe, Mîna mêwê kulîlk vede. Wê bi qasî şeraba Lubnanê navdar bibe.

Hoşêya 14:7 ပူးပေါင်းရင်းမြစ်များ

Zebûr 138:7

Ez bikevim tengahiyê, tu canê min diparêzî, Li hember hêrsa dijminên min, tu destê xwe radikî, Bi destê xwe yê rastê, tu min xelas dikî.

Zebûr 85:6

Da ku gelê te bi te şa be, Tê me cardin nevejînî?

Zebûr 91:1

Yê ku, li stara Yê Herî Berz rûdinê, Wê di bin siya Karîndar de aram be.

Helbesta Helbestan 2:3

Di nav darên daristanê de dara sêvê çawa be, Di nav xortan de evîndarê min wisa ye. Ez li ber siya wî rûniştim, çi xweş bû, Tehma fêkiyê wî li ser devê min şîrîn bû.

Helbesta Helbestan 4:11

Hingiv diherike ji lêvên te, bûka delal. Şîr û hingiv di bin zimanê te de ye. Bêhna Lubnanê tê ji kincên te.

Helbesta Helbestan 6:11

Ez çûm bexçeyê gûzan Ku bibînim şaxên şîn ên newalan. Ka bibînim mêw gupik dane? Ka bibînim kulîlkên hinaran pişkivîne?

Îşaya 61:11

Çawa ax şaxên xwe dide Û bexçe tovê lê hatiye reşandin dertîne, Wê Reb Xudan jî li ber hemû miletan, Rastî û pesindanê wisa derîne.

Hoşêya 14:5

Ezê ji gelê Îsraêl re bibim wekî xunav. Wê wekî sosinan kulîlk veke, Mîna sedra Lubnanê kok vede.

Hoşêya 2:21

Gotina Xudan ev e: “Wê rojê ezê bersivê bidim Ezê bersiva ezmanan bidim, Ewê jî bersiva erdê bidin.

Hoşêya 2:22

Erd wê bersiva dexil, Şeraba nû û rûnê zeytê bide. Ewê jî bersiva Yîzreyêl bidin.

Hoşêya 6:2

Piştî du rojan wê me vejîne, Di roja sisêyan de wê me rake ser piyan Ku em li pêş wî bijîn.

Zekeriya 8:12

‘Tovê hatiye çandin, wê berdar be. Wê mêw tiriyê xwe, ax berê xwe, ezman xunava xwe bide. Ezê tevahiya van tiştan, wekî milk bidim bermayiyê vî gelî.

Yûhenna 11:25

Îsa ji wê re got: «Vejîn û jiyan ez im, yê ku bawerî bi min anîbe, miribe jî ewê bijî.

Yûhenna 12:24

Bi rastî, bi rastî ez ji we re dibêjim, heta ku liba genim nekeve erdê û nemire, bi tenê dimîne, lê eger ew bimire, gelek ber dide.