Hoşêya 13:15 - Kurmanji Încîl

¹⁵ “Di nav birayên xwe de mezin jî bibe, Bayê rojhilat, hilma Xudan a ku ji beriyê radibe, Wê kaniya wî hişk bike, Wê çavkaniya wî ziwa bibe. Tiştên hêja yên xezîneya wî wê talan bibin.

Hoşêya 13:15 ပူးပေါင်းရင်းမြစ်များ

Destpêk 41:23

Piştî wan, heft simbilên din ên çilmisî, qels û ji bayê rojhilat kizirî zîl dan.

Destpêk 41:52

Wî navê kurê xwe yê diduyan Efrayîm danî û got: “Xwedê ez li welatê ku min lê tengasî kişand berdar kirim.”

Destpêk 41:6

Piştî wan, heft simbilên din ên qels û ji bayê rojhilat kizirandî zîl dan.

Destpêk 48:19

Lê bavê wî nexwest û got: “Ez dizanim kurê min, ez dizanim. Wê Minaşşe jî bibe miletekî mezin. Lê belê wê birayê wî yê biçûk jê mezintir bibe û wê ji ziriyeta wî komeke miletan rabin.”

Destpêk 49:22

“Ûsiv şaxekî berdar e, Şaxek berdar ê li ber kaniyê. Guliyên wî bi ser dîwaran ve dibezin.

Eyûb 18:16

Koka wan ji binî ve ziwa dibin Û ji jor ve çiqlên wan diçilmisin.

Zebûr 1:4

Xerab ne weha ne, Wek hûrikê kayê ne ku ba lê dixe û dibe.

Zebûr 109:13

Bila dundana wî rabe, Nifşek bi şûn ve, navê wan ji holê rabe!

Îşaya 14:21

Ji ber neheqiya bav û kalên wî, Ji bo serjêkirina kurên Padîşahê Babîlê Cihekê ava bikin ku qet ranebin, Welat ji xwe re nekin milk Û rûyê erdê bi bajaran tije nekin.

Îşaya 17:13

Netewe wekî ava rabûyî bixumin jî, Gava Xwedê erzê wan bişikêne wê dûr birevin. Wekî hûrika kaya çiyan Li ber bayê bikevin, Wekî toza gêrbûyî Li ber babelîskê bipengizin.

Îşaya 27:8

Xudan bi qewitandin û sirgûnê ew dadbar kirin. Wî bi hilma xwe ya dijwar, Di roja bayê rojhilat de berda wan.

Îşaya 41:16

Tê wan bidêrînî, Wê ba wan bi xwe re bibe Û bahoz wan belav bike. Loma tê bi Xudan şa bibî, Tê bi Pîrozê Îsraêl pesnê xwe bidî.

Yêremya 20:5

Ezê hemû dewlemendiya vî bajarî, hemû hatina wî, tiştên wî yên hêja û xezîneyên padîşahên Cihûdayê bidim destê dijminên wan. Wê wan talan bikin û bibin Babîlê.

Yêremya 4:11

Wê gavê wê ji vî gelî û ji Orşelîmê re bêjin: “Ji bilindciyên rût û tazî yên beriyê, bayê min ê şewatê bi ser gelê min ê delal ve were. Lê wê ne ji bo dêrandina bênderê û paqijkirinê were.

Yêremya 4:12

Ev ba, wê ji van tiştan xurtir bê. Niha ez dadbariyên li dijî wan dibêjim.”

Yêremya 51:1

Xudan wiha dibêje: “Va ye, ezê li dijî Babîlê û şêniyên Lêv-Qamayê, Bayekî rakim ku helak dike.

Yêremya 51:36

Loma Xudan wiha dibêje: “Va ye ezê doza te biparêzim û heyfa te bistînim. Ezê deryaya wê biçikînim û kaniya wê ziwa bikim.

Daniyêl 11:8

Wê îlahên wan, ango pûtên wan ên rijandî, bi firaxên zêr û zîvîn re hilde û bibe Misrê. Wê ji bo çend salan Padîşahê Bakur rihet bihêle.

Hoşêya 10:1

Îsraêl mêweke berdar e Ku fêkiyê xwe dide. Li gorî zêdebûna fêkî, Gorîgehên xwe jî zêde dikirin. Li gorî zêdebûna xweşiya welatê xwe, Kevirbel jî xweşik dikirin.

Hoşêya 2:3

An na ezê wê şilfîtazî bikim, Ezê bikim wek roja ku ji diya xwe bûye. Ezê wê bikim çol û berî, Ezê bikim erdê ziwa Û ji bêaviyê bikujim.

Hoşêya 4:19

Bahozê ew li baskên xwe rapêçandin, Wê ji ber qurbanên xwe şermezar bibin.

Hoşêya 9:11

Loma rûmeta Efrayîm wê wek çivîkekê bifire û here, Wê ne zarokanîn, ne bizarobûn, Ne jî bizaromayîn hebe.

Ûnis 4:8

Gava tav derket, Xwedê bayekî rojhilat ê bi şewat rakir. Tavê li serê Ûnis xist û ew sist bû. Wî xwest ku bimire û got: “Ji bo min mirin, ji vî halî çêtir e.”

Nahûm 2:9

Zêr talan bikin! Zîv talan bikin! Dawiya serwetê tuneye, Her cure tiştên hêja zêde ne!

Dubarekirina Şerîetê 33:17

Ew bi qasî gayekî nixurî rewnaq e. Qiloçên wî, wekî qiloçên boxeyekî ne. Wê heta binê dinyayê, Bi wan, gelan birîndar bike. Wisa ne deh hezarên Efrayîm, Wisa ne hezarên Minaşşe.”