Hoşêya 12:8 - Kurmanji Încîl

⁸ Ew bi xwe dibêje: “Ez gelek dewlemend bûm. Ez bûm xweyî mal, Wê di tevahiya kedên min de Neheqî û gunehê min nebînin.”

Hoşêya 12:8 ပူးပေါင်းရင်းမြစ်များ

Zebûr 49:6

Yên ku ewle ne bi dewlemendiya xwe, Yên ku pesindar in bi pirbûna serweta xwe.

Zebûr 52:7

«Vî zilamê ha, xwe nespart Xwedê, Bi pirrbûna serweta xwe ewle bû, Û xwe spart dewlemendiyê!»

Zebûr 62:10

Pişta xwe nedin zordariyê, pesnê xwe nedin bi talanê, Serwet zêde bibe jî, dilê xwe pê ve girê nedin.

Methelokên 11:1

Mêzîna bihîle li ber Xudan kirêt e, Kevirê rast ê giraniyê pê xweş e.

Methelokên 30:12

Nifş hene di çavê xwe de paqij in, Lê ji qirêjiya xwe nehatine şûştin.

Methelokên 30:20

Riya jina zinakar jî wiha ye: Ew dixwe, devê xwe paqij dike Û dibêje: “Min tu xerabî nekiriye.”

Yêremya 2:23

“Tu çawa dikarî bêjî: ‘Ez qirêj nebûm, Ez li pey Baalan neketim?’ Tu li riya xwe a li newal binêre, Bizanibe ka te çi kir. Tu deveya ciwan a eware û lingsivik î.

Yêremya 2:35

Tu dibêjî: ‘Ez bêsûc im, Bêguman hêrsa wî ya li dijî min daket.’ Va ye, ji ber ku te got: ‘Min guneh nekir.’ Ezê dadbariya te bikim.

Yêremya 5:27

Qefeseke bi çivîkan tije çawa be, Malên wan bi hîleyê wisa tije ne. Loma ew mezin û dewlemend bûn,

Hoşêya 13:6

Gava bûn xweyî mêrg, têr bûn. Lê gava têr bûn, dilê wan qure bû. Loma jî wan ez ji bîr kirim.

Hoşêya 14:1

Ya Îsraêl, vegere Xwedayê xwe Xudan, Çimkî tu li sûcê xwe terpilî.

Hoşêya 4:8

Bi gunehên gelê min xwe têr dikin, Ji sûckirina wan pir kêfxweş in.

Amos 8:5

Hûn dibêjin: “Wê kengê Heyva Nû biqede Ku em dexlê xwe bifiroşin? Wê kengê Roja Septê biqede Ku em devê genimê xwe vekin? Em efayê biçûk bikin û şekelê mezin bikin. Em mêzînên bi hîle bixebitînin

Habaqûq 1:16

Loma ji bo torên xwe qurbanan serjê dikin, Ji torên xwe yên mezin bixûrê pêdixin. Çimkî bi wan para wan gelek e, Xwarina wan zêde ye.

Zekeriya 11:5

Kesên pez kirîne serjê dikin lê cezayê xwe nakişînin. Kesên pez firotine jî dibêjin: ‘Şikir ji Xwedê re, va ye ez dewlemend bûm!’ Şivanên wan li ber wan nakevin.

Melaxî 2:17

We bi gotinên xwe Xudan aciz kir. Lê hûn dibêjin: “Me çawa ew aciz kir?” We bi van gotinan aciz kir: “Her kesê xerabiyê dike di çavê Xudan de qenc e. Dilê wî bi wî kesî xweş e.” Bi ser de we ev jî got: “Ka Xwedayê edaletê?”

Melaxî 3:13

Xudan dibêje: “We li dijî min gotinên hişk gotin. Lê hûn dibêjin: ‘Me li dijî te çi got?’

Lûqa 10:29

Lê wî xwest xwe rûspî derxe û ji Îsa re got: «Ma cîranê min kî ye?»

Lûqa 12:19

Êdî ezê ji xwe re bêjim: Ya canê min, te ji xwe re têra gelek salan mal hilaniye. De rûne, bixwe, vexwe û kêfê bike.›

Lûqa 16:13

Xulamek nikare ji du axayan re xulamtiyê bike; çimkî an ewê ji yekî nefret bike û ji yê din hez bike, an jî ewê qedrê yekî bigire û yê din biçûk bibîne. Hûn nikarin xulamtiyê hem ji Xwedê re û hem jî ji dewlemendiyê re bikin.»

Lûqa 16:15

Hingê Îsa ji wan re got: «Hûn ew in ku xwe li ber mirovan rûspî derdixin, lê Xwedê bi dilê we dizane; çimkî tiştê ku di nav mirovan de bi qedir e, li ba Xwedê mekruh e.

Dubarekirina Şerîetê 8:17

Di dilê xwe de nebêjin: ‘Hêz û qeweta destê min ev mal û milk da hev.’

Tîmotʼêyo I 6:17

Tembîhê li dewlemendên vê dinyayê bike, ku bilind nefirin û hêviya xwe bi dewlemendiya bê ewlehî ve girênedin, lê bila hêviya xwe bi Xwedê ve girêdin, ku her tiştî bi zêdehî dide me, ku em pê şa bibin.

Tîmotʼêyo I 6:5

û devjeniyên bêrawestin ên wan mirovên ku hişê wan xera bûye û ji rastiyê bêpar bûne, ji van tiştan derdikevin. Ew guman dikin ku jiyana xwedayî riya qezencê ye.

Peyxam 3:17

Tu dibêjî: «Ez dewlemend im, ez gelek dewlemend bûme û qet hewcedariya min tune». Lê tu nizanî ku tu reben, jar, belengaz, kor û tazî yî.