Hoşêya 12:11 - Kurmanji Încîl

¹¹ Li Gîladê xerabî heye. Bi rastî ew qelp in, Li Gîlgalê gayan qurban dikin. Loma jî gorîgehên wan Wekî şikêrên kevirên zeviyên ajotî ne.

Hoşêya 12:11 ပူးပေါင်းရင်းမြစ်များ

Padîşah I, 17:1

Êlyasê ji Tîşbeya Gîladê ji Ahav re wiha got: “Bi navê Xudanê Jîndar ê Xwedayê Îsraêl ku ez li ber sekinî me, bêyî ku ez bêjim, wê di salên bê de, ne xunav hebe, ne jî baran.”

Padîşah II, 17:13

Xudan bi riya hemû zanyar û pêxemberên xwe, Îsraêl û Cihûdayê hişyar kir û got: “Li gorî tevahiya Şerîeta ku min li bav û kalên we emir kiriye û bi riya xulamên xwe pêxemberan ji we re şandiye, ji riyên xwe yên xerab vegerin û emir û qanûnên min pêk bînin.”

Yêremya 10:15

Ew pûç û vala ne, karên hîleyê ne. Di dema cezakirina wan de wê tune bibin.

Yêremya 10:8

Hemû bi hev re bûn ehmeq û bêaqil, Şîreta pûtan ji darê ne çêtir e!

Yêremya 2:20

“Çimkî dema berê te nîrê xwe şikand Û benên xwe qetandin. Te got: ‘Ez xulamiyê nakim.’ Tu li ser her girê bilind Û li bin her dara şîn, Razayî û fahîşetî kir.

Yêremya 2:28

Ka ew îlahên ku te ji xwe re çêkirin? Gava bela hat serê te ku bikaribin te rizgar bikin, Bila rabin û werin! Çimkî gelê Cihûda, Îlahên te li gorî hejmara bajarên te ye.

Hoşêya 10:1

Îsraêl mêweke berdar e Ku fêkiyê xwe dide. Li gorî zêdebûna fêkî, Gorîgehên xwe jî zêde dikirin. Li gorî zêdebûna xweşiya welatê xwe, Kevirbel jî xweşik dikirin.

Hoşêya 10:2

Dilê wan hîlekar e, Divê ew niha cezayê sûcên xwe bikişînin. Wê Xudan gorîgehên wan bişikêne Û kevirbelên wan xera bike.

Hoşêya 4:15

“Ya Îsraêl, tu zinayê jî bikî, Qet nebe bila Cihûda sûc neke. “Neçin Gîlgalê û hilnekişin Bêtawenê ‘Bi navê Xudanê Jîndar’ sond nexwin.

Hoşêya 6:8

Gîlad bajarê xerabkaran e, Bi şopên xwînê tije ye.

Hoşêya 8:11

“Efrayîm ji bo pêşkêşiyên gunehan gorîgeh zêde kirin, Lê ev bûn gorîgehên gunehkirinê.

Hoşêya 9:15

“Tevahiya xerabiyên wan li Gîlgalê destpê kir. Loma min li wê derê ji wan nefret kir. Ji ber xerabiya karên wan Ezê wan ji mala xwe bavêjim. Êdî ezê ji wan hez nekim, Tevahiya serekên wan serhildêr in.

Amos 4:4

“Herin Bêt-Êlê û gunehan bikin, Werin Gîlgalê û gunehên xwe zêde bikin! Her sibe qurbanên xwe, Ji sê rojan carekê dehyekên xwe bînin.

Amos 5:5

Lê li Bêt-Êlê negerin û neçin Gîlgalê. Derbasî Beêr-Şevayê nebin. Wê Gîlgal esse here sirgûnê û Bêt-Êl nemîne.”

Ûnis 2:8

Yên ku xwe dispêrin pûtên derewîn, Ji te re dilsoz namînin.

Hejmartin 12:6

Xudan got: “Guh bidin gotina min: “Heke di nav we de pêxemberek hebe, Ez Xudan, ezê di dîtiniyekê de xwe pê bidim zanîn. Ezê di xewnê de pê re bipeyivim.