Hoşêya 10:8 - Kurmanji Încîl

⁸ Wê bilindciyên perizînê yên Awenê xera bibin, Ew bû gunehê gelê Îsraêl. Wê li ser gorîgehên wan stirî û dirî şîn bibin. Wê ji çiyayan re bêjin: “Me veşêrin!” Wê ji giran re bêjin: “Bi ser me de bikevin!”

Hoşêya 10:8 ပူးပေါင်းရင်းမြစ်များ

Destpêk 3:8

Bihîstin ku dengê Xwedê Xudan, di hênikahiya rojê de, di nav bexçe de digere. Adem û jina xwe, ji hizûra Xwedê Xudan, xwe di nav darên bexçe de veşartin.

Padîşah I, 13:2

Li gorî gotina Xudan ji gorîgehê re deng da û got: “Gorîgeh, ya gorîgeh! Xudan wiha dibêje: ‘Wê ji Mala Dawid re kurek çêbe, wê navê wî Yoşiya be. Kahinên peywirdarên li bilindciyên perizînê ku bixûr pêdixin, wê li ser te qurban pêşkêş bikin. Li ser te hestiyên mirovan bişewitînin!’”

Padîşah I, 13:34

Ev yek bû sedema gunehên Mala Yarovam ku li ser rûyê erdê nemînin û tune bibin.

Padîşah I, 14:16

Ji ber gunehên ku Yarovam kirin û bi gelê Îsraêl dabû kirin, wê Xudan dev ji gelê Îsraêl berde.”

Padîşah II, 23:15

Herwiha gorîgeha li Bêt-Êlê û bilindciyên ji aliyê Yarovamê kurê Nevat ve hatibû çêkirin ku guneh bi gelê Îsraêl dabû kirin, hilweşandin. Wî bilindcî şewitandin û perçiqandin, kirin xwelî. Pûtekî Aşêrayê jî şewitand.

Îşaya 2:19

Çaxê Xudan rabe dinyayê bitirsîne, Wê mirov ji ber tirs û xofa Xudan, Ji ber rewnaqiya wî, Bikevin şikeftên zinaran û qulên axê.

Îşaya 2:21

Çaxê Xudan rabe ku dinyayê bitirsîne, Wê mirov ji ber tirs û xofa Xudan, Ji ber rewnaqiya wî, Bikevin qelîştokên zinaran Û şikeftên zinarên bilindciyan.

Îşaya 32:13

Li ser axa gelê min Ku devî û dirî derkevin, Li ser hemû malên şahiyê Yên li bajarê şên jî.

Îşaya 34:13

Wê li bircên wan dirî, Li kelehên wan devî û giyayê gezgezkê derkevin. Wê bibe warê çeqelan û hewşa kundan.

Hoşêya 10:2

Dilê wan hîlekar e, Divê ew niha cezayê sûcên xwe bikişînin. Wê Xudan gorîgehên wan bişikêne Û kevirbelên wan xera bike.

Hoşêya 10:5

Ji ber pûtê golikî yê li Bêtawenê. Xelkê Sameryayê wê bitirse. Wê gelê wî li pey wî şînê bike, Wê kahinên pûtperest ên wî şîn bikin. Çimkî rûmeta wî çûye.

Hoşêya 10:9

“Ya Îsraêl ji rojên Gîvayê ve te guneh dikirin; Hûn hê jî wisa dikin. Şerê li Gîvayê ya li dijî xeraban, Ma nakeve ser wan?

Hoşêya 2:6

Ji ber vê yekê ezê riya wê bi sincê bigirim, Ezê dîwêr li ber wî rakim Ku riya xwe nebîne.

Hoşêya 4:13

Li serên çiyayan qurban serjê dikin, Li ser giran, Li binê darmazî, spîndar û darberûyan bixûr pêdixin, Çimkî siya wan daran xweş e. Herwiha keçên we li wê derê fahîşetiyê dikin, Bûkên we jî zinayê.

Hoşêya 4:15

“Ya Îsraêl, tu zinayê jî bikî, Qet nebe bila Cihûda sûc neke. “Neçin Gîlgalê û hilnekişin Bêtawenê ‘Bi navê Xudanê Jîndar’ sond nexwin.

Hoşêya 5:8

“Li Gîvayê li boriyê, Li Ramayê li zirneyê bixin! Banga şer li Bêtawenê bikin, Binyamînîno! Dijmin li pey we ye!

Hoşêya 8:5

Ya Samerya, golikê te hate redkirin. Hêrsa min li dijî wan rabû, Ma heta kengê wê negihîjin paqijiyê?

Hoşêya 9:6

Çimkî heke ji ber helakê birevin û xilas jî bibin, Wê Misir wan bide hev, Wê Memfîs wan binax bike. Tiştên wan ên zîv ên binirx, Wê bibin ên giyayê gezgezkê, Wê di konên wan de dirî şîn bibin.

Amos 1:5

Ezê zirzeyên dergehê Şamê bişikênim. Ezê kesê li Geliyê Awenê rûdine Û li Bêtedenê gopal di destan de ye helak bikim. Ezê gelê Aramê sirgûnê Qîrê bikim” dibêje Xudan.

Amos 3:14

“Roja ez gelê Îsraêl ji bo gunehên wan ceza bikim, Ezê gorîgehên Bêt-Êlê jî ceza bikim. Wê qiloçên gorîgehê bên jêkirin û bikevin erdê.

Amos 7:9

Wê bilindciyên ziriyeta Îshaq wêran bibin, Pîrozgehên gelê Îsraêl helak bibin. Ezê bi şûr li dijî Mala Yarovam rabim.

Amos 8:14

Kesên bi navê Aşîmaya îlaha Sameryayê sond dixwin û dibêjin: ‘Ya Dan, bi navê îlaha te’ Û ‘Ya Beêr-Şevayê, bi navê îlaha te,’ Wê bikevin û careke din ranebin.”

Mîxa 1:13

Laxîşîno! Hespên beza bi erebeyên şer ve girê bidin. We cara yekem Siyona keç xist nava gunehan, Hûn bûn sedema serhildana gelê Îsraêl!

Mîxa 1:5

Tevahiya vê yekê ji ber serhildana gelê Aqûb, Ji ber gunehên Mala Îsraêl e. Gelo serhildana gelê Aqûb çi ye? Ma ne Samerya ye?! Ma kî ji bilindciyên perizînê yên Cihûdayê berpirsiyar e? Ma ne Orşelîm e?!

Nahûm 3:11

Tê jî serxweş bibî, Tê xwe veşêrî, Tê ji ber dijminan li sitargehekê bigerî.

Lûqa 23:30

Hingê mirov wê dest pê bikin û ji çiyan re bêjin: ‹Çiyano, bi ser me de bikevin! Û ji giran re bêjin: Girno, me veşêrin!›

Dubarekirina Şerîetê 9:21

Min gunehê we, ew golikê ku we çêkiribû hilda, şewitand û perçe kir. Min heta ku ew bû toz perçiqand û toza wî avêt newala ji çiyê diherike.

Peyxam 6:16

Wan ji çiyan û latan re digot: «Bi ser me de bikevin û me ji ber rûyê yê ku li ser text rûniştiye û ji ber xezeba Berx veşêrin.

Peyxam 9:6

Di wan rojan de mirov wê li mirinê bigerin, lê ew tu caran wê nabînin; ewê bixwazin ku bimirin, lê mirin wê ji wan bireve.