Hejmartin 5:18 - Kurmanji Încîl

¹⁸ Piştî ku kahin ew li hizûra Xudan da sekinandin, wê porê wê veke û pêşkêşiya dexlê ya bîranînê bixe destê wê. Ev pêşkêşiya hesûdiyê ya dexlê ye. Wê ava tehl a naletanînê di destê kahin de be.

Hejmartin 5:18 ပူးပေါင်းရင်းမြစ်များ

Methelokên 5:4

Lê di dawiyê de, ew wekî zirîçkê tehl e, Wekî şûrê dudev tûj e.

Waiz 7:26

Tiştên ku min dît ev in: Jina xerab ji mirinê tehltir e. Ew jin ku dilê wê dafik, Destên wê zincîr in. Zilamê ku bi dilê Xwedê ye, Ji wê direve û rizgar dibe, Lê kesê gunehkar dikeve destê wê.

Îşaya 38:17

Va ye, ev dilnexweşiya min a zêde Ji bo aştiya min bû. Te ji canê xwe hez dikir Û te ez ji çala rizîbûnê xilas kirim. Çimkî te hemû gunehên min avêt pişt guhê xwe.

Yêremya 2:19

Wê xerabiya te, te terbiye bike, Wê çivanokiya te erzê te bide şikandin. Bizane û bibîne, Xwedayê xwe Xudan berdan, Tiştekî xerab û tehl e. Tirsa min li ba te tuneye.” Ev e gotina Reb Xudanê Karîndar.

Lêwiyî 13:45

“Kesê bi vê nexweşiyê ketiye, wê herdem bi kincên qetiyayî bigere û porê wî hatibe xwarê. Wê devê xwe binixême û bêje: ‘Qirêj, ez qirêj im!’

Hejmartin 5:15

wê jinikê bibe ba kahin. Wê ji bo wê wekî pêşkêşiya hesûdiyê, dehyeka efaya arvanê ceh bistîne. Wê zeytê nerijîne û guniyê li ser neke. Çimkî ev pêşkêşiya xîretkêşiyê ya dexlê ye. Ev nanê bibîranînê ye ku neheqiyê bi bîr bîne.

Hejmartin 5:17

Paşê wê ava pîroz a di dîzikê de hilde û ji axa ku mesken lê ava ye hinek tozê hilde û têxe nav avê.

Hejmartin 5:19

Wê kahin bi jinikê sond bide xwarin û jê re bibêje: Heke mêrik bi te re ranezabe, heke tu di bin mehra mêrê xwe de ji rê derneketibî, bila ev ava tehl a ku naletê tîne zirarê nede te.

Hejmartin 5:22

Bila ev ava ku naletê tîne zikê te biwerimîne û malzaroka te pûç bike. “‘Wê gavê wê jinik bêje: Amîn, amîn.

Korîntî I, 11:15

lê pordirêjiya jinê ji bo wê rûmet e? Çimkî por ji bo nixamtinê ji wê re hatiye dayîn.

Korîntî I, 11:6

Eger jin xwe nenixême, bila porê xwe jî bibire! Lê madem ji bo jinê porbirrîn an jî serkurkirin şerm e, bila serê xwe binixême.

Dubarekirina Şerîetê 29:18

Hay ji xwe hebin ku îro di nav we de, mêr an jin, eşîr an binemal tunebe ku ji bo xulamiya îlahên van miletan, dilê wî ji Xwedayê we Xudan averê dibe. Bila di nav we de koka jehrî û tehlbûnê tunebe.

Îbranî 13:4

Bila her kes bi hurmet li zewacê binêre û bila nivîna zewacê bêleke be. Çimkî Xwedê wê dîwana fuhûşkar û zînakaran bike.

Samûêl I, 15:32

Samûêl got: “Agagê Padîşahê Emalêqiyan bînin vê derê.” Agag bi kêfxweşî hat û got: “Şikir, ez ji mirinê jî filitîm!”