Hejmartin 28:2 - Kurmanji Încîl

² “Li gelê Îsraêl emir bike û bêje: ‘Haya we jê hebe ku hûnê di demên kifşkirî de xwarina pêşkêşiyên şewitandinê pêşkêşî min bikin ku bêhna wan bi min xweş tê.’

Hejmartin 28:2 ပူးပေါင်းရင်းမြစ်များ

Destpêk 8:21

Xudan bi bêhna xweş a qurbanên şewitandinê kêfxweş bû û got: “Tevî ku meyla dilê mirov ji zarokatiyê ve bi ser xerabiyê ve ye, êdî ezê careke din ji ber mirovan vê axê nalet nekim. Wekî min niha kir, êdî ezê careke din her jîndarî tune nekim.

Dîrok I, 23:31

Di rojên Septê, cejnên Heyva Nû û cejnên kifşkirî yên din de, gava qurbanên şewitandinê li ber Xudan dihatin pêşkêşkirin, wê li gorî hejmarên di rê û rêbazên wan hatine diyarkirin de, herdem amade bibûna.

Ezra 3:2

Yêşûyê kurê Yosadaq û birayên wî yên kahin, Zerûbbabîlê kurê Şealtiyêl û birayên wî rabûn gorîgeha Xwedayê Îsraêl çêkir. Wan wekî ku di Şerîeta Mûsayê zilamê Xwedê de hatiye nivîsandin, ji bo ku qurbanên şewitandinê li ser pêşkêş bikin, ev gorîgeh çêkir.

Ezra 3:3

Tevî ku li ser wan tirsa gelên welatên derdorê jî hebû, wan gorîgeh li ser hîmê wê çêkir. Wan li ser wê, serê sibê û êvarê ji Xudan re qurbanên şewitandinê pêşkêş kirin.

Nehemya 10:34

“Li ser gorîgeha Xwedayê me Xudan, li gorî ku di Şerîetê de hatiye nivîsandin, ji bo şewatê û li gorî binemalên me ku her sal di demên diyarkirî de, ji bo goriyê daran bînin Mala Xwedayê me, kahin, Lêwiyî û gel bi hev re pişk avêt.

Zebûr 81:3

Di heyva nû de, di heyva çardehşevî de, Li boriyê xin, di roja cejnê de.

Derketin 23:15

Tê Cejna Nanê Şikeva pîroz bikî. Çawa ku min li te emir kiriye, di rojên kifşkirî yên meha Avîvê de heft rojan nanê şikeva bixwe. Çimkî tu di wê mehê de ji Misrê derketî. “Bila tu kes destvala neyê pêşberî min.

Derketin 29:18

Piştre tê tevahiya berên li ser gorîgehê bişewitînî. Ev qurbana şewitandinê ya ji bo Xudan e. Ev bêhna xweş û pêşkêşiya şewitandinê ya ji bo Xudan e.

Lêwiyî 1:13

Lê wê ûr û rovî û pepikên wî bi avê bên şûştin. Paşê wê kahin hemûyan li ser gorîgehê bişewitîne û pêşkêş bike. Ev qurbana şewitandinê ye. Ev pêşkêşiya şewitandinê ye ku bêhna wê bi Xudan xweş tê.

Lêwiyî 1:17

Wê bi baskên çivîkê bigire ji hev cuda bike, lê wê bi tevahî ji hev veneqetîne. Paşê wê kahin li ser êzingên agirê li ser gorîgehê pêxistî ye bişewitîne. Ev qurbana şewitandinê ye. Ev pêşkêşiya şewitandinê ye ku bêhna wê bi Xudan xweş tê.

Lêwiyî 1:9

Lê wê ûr û rovî û pepikên wî bi avê bên şûştin. Paşê wê kahin wan hemûyan wekî qurbana şewitandinê li ser gorîgehê bişewitîne. Ev pêşkêşiya şewitandinê ye ku bêhna wê bi Xudan xweş tê.

Lêwiyî 21:6

Wê ji bo Xwedayê xwe pîroz bin û navê Xwedayê xwe xerab nekin. Çimkî pêşkêşiyên şewitandinê wekî xwarin pêşkêşî Xwedayê xwe Xudan dikin. Loma wê pîroz bin.

Lêwiyî 21:8

Hûnê wan pîroz bihesibînin, çimkî wekî xwarin pêşkêşiyan ji Xwedayê we re pêşkêş dikin. Loma wê ji bo we pîroz bin. Çimkî ez pîroz im, Xudanê ku we pîroz dike ez im.

Lêwiyî 3:11

Paşê wê kahin wan li ser gorîgehê bişewitîne. Ev pêşkêşiya şewitandina xwarinê ya ji bo Xudan e.

Melaxî 1:12

“Bi gotina hûn dibêjin: ‘Sifreya Reb mirdar e û xwarina tê ser bêqedir e,’ hûn navê min xera dikin.

Melaxî 1:7

“Hûn hem xwarina mirdar tînin ser gorîgeha min, hem jî dibêjin: ‘Me çawa ew mirdar kir?’ “We sifreya Xudan nizim kiriye.

Hejmartin 15:24

heke bi şaşî, bêyî ku civak pê bizane gunehek hebe, wê tevahiya civakê, wekî qurbana şewitandina ku bêhna wê bi Xudan xweş tê, conegayek, li gorî rê û rêbazan bi pêşkêşiya dexlê û pêşkêşiya rijandinê re, wekî pêşkêşiya paqijiyê nêriyek bê pêşkêşkirin.

Hejmartin 15:3

û ji pêz an dewêr pêşkêşiya şewitandinê bikin ku bêhna wê bi Xudan xweş tê –dixwazî qurbana şewitandinê, dixwazî qurbaneke din a ku ji bo sozekê pêk bîne, wekî pêşkêşiya dilxwaziyê, yan jî, ji bo cejneke kifşkirî–

Hejmartin 15:7

Tê wekî pêşkêşiya rijandinê, ji sisêyan yekê hîneke şerabê pêşkêş bikî ku bêhna wê bi Xudan xweş tê.

Hejmartin 28:1

Xudan ji Mûsa re got:

Hejmartin 29:39

“‘Di cejnên xwe de, ji xeynî pêşkêşiyên we yên sozdanê û dilxwaziyê, hûnê wan wekî qurbanên şewitandinê û pêşkêşiyên dexlê, rijandinê û aştiyê pêşkêşî Xudan bikin.’”

Hejmartin 9:13

Lê yekî ku paqij e û ne li rêwîtiyê ye û Cejna Derbasbûnê pîroz neke, wê ji nav gelê xwe bê avêtin. Madem wî di dema kifşkirî de pêşkêşî Xudan nekiriye, wê cezayê gunehê xwe bikişîne.

Hejmartin 9:7

Wan ji Mûsa re got: “Ji ber ku me dest daye miriyan, em qirêj bûne. Lê çima destûr tuneye ku em di dema kifşkirî de bi Îsraêliyên din re ji Xudan re pêşkêş bikin?”

Korîntî II, 2:15

Çimkî em, hem di nav yên ku xilas dibin û hem jî di nav yên ku helak dibin de, ji Xwedê re bîhna Mesîh a xweş in.

Efesî 5:2

Çawa ku Mesîh ji me hez kir û ji bo me xwe feda kir û xwe wek pêşkêş û goriyeke bîhnxweş pêşkêşî Xwedê kir, hûn jî wisa di hezkirinê de rêve herin.

Filîpî 4:18

Min her tişt stand û ez di firehiyê de me. Min ew diyariyên ku we bi destê Êpafrodîtos şandibûn, girtin û tu kêmahiya min nema. Ew diyariya we pêşkêşiyeke bîhnxweş û goriyeke ku ji aliyê Xwedê ve hatiye qebûlkirin e û li wî xweş tê.