Hejmartin 18:5 - Kurmanji Încîl

⁵ “Hûnê nobedariya Pîrozgeh û gorîgehê bikin ku êdî xezeba min li dijî gelê Îsraêl ranebe.

Hejmartin 18:5 ပူးပေါင်းရင်းမြစ်များ

Dîrok I, 23:24

Li gorî malbatên wan, Lêwiyî ev bûn. Her serekekî binemalê bi navê xwe hat pejirandin. Her Lêwiyiyê bîst salî û mezintir, di karê xizmeta Mala Xudan de kar dikir.

Dîrok I, 23:32

Bi vî awayî Lêwiyiyan ji bo xizmeta Mala Xudan, peywira nobedariya Konê Hevdîtinê û Cihê Herî Pîroz û alîkariya birayên xwe Harûniyan pêk anîn.

Dîrok I, 24:5

Ji van û ji wan, bi vî awayî bi riya pişkê ji hev veqetiyan. Çimkî hem ji kurên Êlezar, hem jî, ji kurên Îtamar serekên ji deverên pîroz û xizmeta Xwedê berpirsiyar hebûn.

Dîrok I, 9:19

Şallûmê kurê Qorêyê kurê Avyasafê kurê Qorax û binemalên wî ango Qoraxî. Ew berpirsiyarên xizmetê û dergevanên Kon bûn. Bavkalên wan nobedarên ketina artêşgeha Xudan bûn.

Dîrok I, 9:23

Bi vî awayî ew û kurên wan nobedarên li ber dergehên Mala Xudan ango dergehên Kon bûn.

Dîrok I, 9:33

Stranbêj serekên binemalên Lêwiyiyan bûn û li odeyên Perestgehê diman. Ji ber ku şev û roj karê wan hebû, karekî din nedikirin.

Derketin 27:21

Wê Harûn û kurên xwe ji êvarê heta serê sibê, li hizûra Xudan qendîlê pêxistî bihêlin ku li Konê Hevdîtinê, li derveyî perdeya li ber Sindoqa Şahidiyê. Wê ev ji bo hemû nifşên gelê Îsraêl, qanûneke herheyî be.”

Yêremya 23:15

Loma Xudanê Karîndar li dijî pêxemberan wiha dibêje: “Ezê giyayê tehl bi wan bidim xwarin Û ava jehrî bi wan bidim vexwarin. Çimkî ji pêxemberên Orşelîmê Xwedênenasî li seranserê welêt belav bû.”

Lêwiyî 10:6

Mûsa ji Harûn û ji kurên wî Êlezar û Îtamar re got: “Porên xwe neyînin xwarê, kincên xwe jî neçirînin. Yan na hûnê jî bimirin û wê Xudan li tevahiya civakê hêrs bibe. Lê bila mirovên we û tevahiya Mala Îsraêl, ji bo agirê Xudan bigirîn.

Lêwiyî 24:3

Wê Harûn ji êvarê heta serê sibê, li hizûra min qendîlê herdem pêxistî bihêle ku li Konê Hevdîtinê, li derveyî perdeya li ber Sindoqa Şahidiyê ye. Wê ev di nav nifşên we de qanûneke herheyî be.

Zekeriya 10:3

Xudan wiha dibêje: “Hêrsa min li dijî şivanan rabû, Ezê serwerên wan ceza bikim. Çimkî ez Xudanê Karîndar hay ji keriyê xwe, Mala Cihûda heme. Ezê wan bikim mîna hespekî şer ê bi heşmet.

Hejmartin 1:50

Tê Lêwiyiyan li ser meskenê ku Sindoqa Şahidiyê tê de ye, hemû taximên wî û her tiştê girêdayî meskên bikî berpirsiyar. Wê meskên û hemû taximên wî hilgirin, jê re xizmetê bikin û li dora meskên kon vedin.

Hejmartin 1:53

Wê Lêwiyî li dora meskenê ku Sindoqa Şahidiyê tê de ye kon vedin ku xezeb bi ser civaka Îsraêl de neyê. Wê nobedariya meskên bikin.”

Hejmartin 16:46

Mûsa ji Harûn re got: “Bixûrdanka xwe rake û ji ser gorîgehê agir deyne ser û bixûrê jî deyne ser wî. Zûka bibe ba civakê û ji bo wan kefaretê bide. Çimkî xezeb ji ber Xudan derket û kulê destpê kir.”

Hejmartin 18:4

Wê tevli te bin û hemû xizmeta Konê Hevdîtinê bikin. Kesekî ne Lêwiyî wê nêzîkî we nebe.”

Hejmartin 4:18

“Binemalên Qohatiyan ji nav eşîra Lêwî kêm nebin.

Hejmartin 8:19

Ji bo gava gelê Îsraêl nêzîkî Pîrozgehê dibe, belayek neyê serê wan û Lêwiyî ji bo gelê Îsraêl xizmeta Konê Hevdîtinê bikin û ji bo wan kefaretê bidin, min ji nav gelê Îsraêl ew wekî diyarî dan Harûn û kurên wî.”

Hejmartin 8:2

“Bi Harûn re bipeyive û jê re bêje: ‘Gava te qendîl danîn cihê wan, bila heft qendîl ronahî bidin pêş şamdankê.’”

Tîmotʼêyo I 1:18

Ey kurê min Tîmotêyos, ez li gor wan pêxemberîtiyên ku ji pêşî ve li ser te hatibûn kirin, vê tembîhê dispêrim te, da ku tu bi wan tekoşîna qenc bikî

Tîmotʼêyo I 3:15

da ku eger ez bi derengî bikevim jî, tu bizanî, divê çawa di mala Xwedê de bê rabûn û rûniştin. Ew, Civîna Xwedayê jîndar e û stûn û hîmê rastiyê ye.

Tîmotʼêyo I 5:21

Ez li ber Xwedê, li ber Mesîh Îsa û li ber milyaketên bijartî tembîh li te dikim ku tu van tiştan bê alîgirtin biparêzî û tu tiştî ji bo xatir nekî.

Tîmotʼêyo I 6:20

Ey Tîmotêyos! Tiştê ku li te hatiye spartin, biparêze. Xwe ji gotinên pûç û nepak û ji hevnegirtiniyên ku bi derew ji wan re «zanîn» tê gotin, bide paş.