Hejmartin 15:3 - Kurmanji Încîl

³ û ji pêz an dewêr pêşkêşiya şewitandinê bikin ku bêhna wê bi Xudan xweş tê –dixwazî qurbana şewitandinê, dixwazî qurbaneke din a ku ji bo sozekê pêk bîne, wekî pêşkêşiya dilxwaziyê, yan jî, ji bo cejneke kifşkirî–

Hejmartin 15:3 ပူးပေါင်းရင်းမြစ်များ

Destpêk 8:21

Xudan bi bêhna xweş a qurbanên şewitandinê kêfxweş bû û got: “Tevî ku meyla dilê mirov ji zarokatiyê ve bi ser xerabiyê ve ye, êdî ezê careke din ji ber mirovan vê axê nalet nekim. Wekî min niha kir, êdî ezê careke din her jîndarî tune nekim.

Ezra 7:17

“Tê niha bi vî pereyî conega, beran, berx û pêşkêşiyên wan ên dexlê û rijandinê bikirî û ew li ser gorîgeha Mala Xwedayê xwe ya li Orşelîmê bi awayekî bêqisûr pêşkêş bikî.

Zebûr 54:6

Ya Xudan, ezê ji dil qurbanekê pêşkişî te bikim, Bi navê te spas bikim, çimkî ew qenc e.

Derketin 29:18

Piştre tê tevahiya berên li ser gorîgehê bişewitînî. Ev qurbana şewitandinê ya ji bo Xudan e. Ev bêhna xweş û pêşkêşiya şewitandinê ya ji bo Xudan e.

Derketin 29:25

Tê wan ji kulmên wan bistînî û li ser gorîgehê, ser qurbana şewitandina bêhna xweşa ku ya li hizûra Xudan e, bişewitînî. Ev pêşkêşiya şewitandinê ya ji bo Xudan e.

Derketin 29:41

Tê berxê din ê ku ber êvarê pêşkêş bikî, tê wekî yê serê sibê, pêşkêşiya dexlê û pêşkêşiya rijandinê pêşkêş bikî ku bêhna xweş bide. Wê pêşkêşiya şewitandinê ya ji bo Xudan e.

Lêwiyî 10:13

Hûnê wî li dereke pîroz bixwin, çimkî ev para te û kurên te ku ji pêşkêşiyên şewitandinê ya ji bo Xudan e. Çimkî wisa li min hatiye emirkirin.

Lêwiyî 27:2

“Bi gelê Îsraêl re bipeyive û ji wan re bêje: ‘Heke kesek soz bide ku kesekî din ji Xudan re kifş bike, wê li gorî berdêla te bê kifşkirin.

Lêwiyî 7:16

“‘Heke qurbana tê pêşkêşkirin nedreke sozdanê yan pêşkêşiya dilxwaziyê be, wê goştê wê roja ku hatiye pêşkêşkirin bê xwarin, yê mayî jî dotira rojê bê xwarin.

Hejmartin 28:27

Lê hûnê wekî qurbana şewitandinê du conega, beranek, heft berxên nêr ên yeksalî pêşkêş bikin ku bêhna wê bi Xudan xweş bê.

Hejmartin 29:8

Hûnê qurbana şewitandinê ya ku bêhna wê bi Xudan xweş tê pêşkêş bikin; conegayek, beranek, heft berxên nêr ên yeksalî. Wê bêqisûr bin.

Hejmartin 6:15

selikeke nanê şikeva, ji arvanê hûr kilorên bi zeytê hatine hevîrkirin, nanê sêlê yê şikeva yê ku zeyt li ser hatiye kirin, bi pêşkêşiya dexlê û pêşkêşiya rijandinê re bîne û pêşkêşî Xudan bike.

Metta 3:17

Û dengekî ji ezmanan weha got: «Ev e Kurê min ê delal. Dilê min bi wî xweş e.»

Korîntî II, 2:15

Çimkî em, hem di nav yên ku xilas dibin û hem jî di nav yên ku helak dibin de, ji Xwedê re bîhna Mesîh a xweş in.

Korîntî II, 2:16

Ji bo yên helakbûyî em bîhna ku ji mirinê dibe mirinê ne, ji bo yên xilasbûyî jî em bîhna ku ji jiyanê dibe jiyanê ne. Ma kî têra van tiştan dike?

Efesî 5:2

Çawa ku Mesîh ji me hez kir û ji bo me xwe feda kir û xwe wek pêşkêş û goriyeke bîhnxweş pêşkêşî Xwedê kir, hûn jî wisa di hezkirinê de rêve herin.

Dubarekirina Şerîetê 12:11

wê gavê hûnê her tiştên ez li we emir dikim bînin dera wê Xwedayê we Xudan ji bo navê wî tê de be hilbijêre. Hûnê qurbanên şewitandinê, qurbanên xwe yên din, dehyekên xwe, bexişandinên xwe û hemû nedrên xwe yên bijare yên sozdanê bînin wê derê.

Dubarekirina Şerîetê 12:17

Hûnê dehyeka dexlê xwe, şeraba xwe ya nû, rûnê xwe yê zeytê, pez û dewarên xwe yên pêşî, hemû nedrên sozdanê, pêşkêşiyên dilxwaziyê, bexişandinên xwe, li bajarên xwe nexwin.

Dubarekirina Şerîetê 12:6

Hûnê qurbanên xwe yên şewitandinê, qurbanên xwe yên din, dehyekên xwe, bexişandinên xwe, nedrên xwe yên sozdanê, pêşkêşiyên xwe yên dilxwaziyê û pez û dewarên xwe yên pêşî bînin wê derê.

Filîpî 4:18

Min her tişt stand û ez di firehiyê de me. Min ew diyariyên ku we bi destê Êpafrodîtos şandibûn, girtin û tu kêmahiya min nema. Ew diyariya we pêşkêşiyeke bîhnxweş û goriyeke ku ji aliyê Xwedê ve hatiye qebûlkirin e û li wî xweş tê.