Hejmartin 1:53 - Kurmanji Încîl

⁵³ Wê Lêwiyî li dora meskenê ku Sindoqa Şahidiyê tê de ye kon vedin ku xezeb bi ser civaka Îsraêl de neyê. Wê nobedariya meskên bikin.”

Hejmartin 1:53 ပူးပေါင်းရင်းမြစ်များ

Dîrok I, 23:32

Bi vî awayî Lêwiyiyan ji bo xizmeta Mala Xudan, peywira nobedariya Konê Hevdîtinê û Cihê Herî Pîroz û alîkariya birayên xwe Harûniyan pêk anîn.

Yêremya 23:15

Loma Xudanê Karîndar li dijî pêxemberan wiha dibêje: “Ezê giyayê tehl bi wan bidim xwarin Û ava jehrî bi wan bidim vexwarin. Çimkî ji pêxemberên Orşelîmê Xwedênenasî li seranserê welêt belav bû.”

Yêremya 5:31

Pêxember bi derewan pêxemberiyê dikin Û kahin li gorî fikrên xwe serweriyê dikin. Gelê min jî, ji vê yekê hez dike, Lê di dawiyê de hûnê çi bikin?

Lêwiyî 10:6

Mûsa ji Harûn û ji kurên wî Êlezar û Îtamar re got: “Porên xwe neyînin xwarê, kincên xwe jî neçirînin. Yan na hûnê jî bimirin û wê Xudan li tevahiya civakê hêrs bibe. Lê bila mirovên we û tevahiya Mala Îsraêl, ji bo agirê Xudan bigirîn.

Hejmartin 1:50

Tê Lêwiyiyan li ser meskenê ku Sindoqa Şahidiyê tê de ye, hemû taximên wî û her tiştê girêdayî meskên bikî berpirsiyar. Wê meskên û hemû taximên wî hilgirin, jê re xizmetê bikin û li dora meskên kon vedin.

Hejmartin 1:54

Gelê Îsraêl her tiştî bi awayê ku Xudan li Mûsa emir kiriye pêk anî.

Hejmartin 16:46

Mûsa ji Harûn re got: “Bixûrdanka xwe rake û ji ser gorîgehê agir deyne ser û bixûrê jî deyne ser wî. Zûka bibe ba civakê û ji bo wan kefaretê bide. Çimkî xezeb ji ber Xudan derket û kulê destpê kir.”

Hejmartin 16:9

Xwedayê Îsraêl, ji nav civaka Îsraêl ji bo ku we nêzîkî xwe bike, xizmeta Meskenê Xudan bi we bide kirin, ji bo xizmeta civakê û sekna li ber hizûra wan, hûn veqetandin. Ma ev têra we nake?

Hejmartin 17:7

Mûsa gopal li konê ku Sindoqa Şahidiyê lê ye danîn hizûra Xudan.

Hejmartin 2:17

Wê Konê Hevdîtinê û artêşgeha Lêwiyiyan di navenda artêşgehan de bi rê bikin. Wê her kes di bin ala xwe de, li gorî pergala konvedana yekîneyên xwe koç bike.

Hejmartin 3:23

Wê binemalên Gêrşoniyan li pişt meskên, li aliyê rojava kon vedana

Hejmartin 3:29

Wê binemalên Qohatiyan li aliyê başûrê meskên kon vedana

Hejmartin 3:35

Serekê malbatên binemalên Mêrariyiyan, Sûriyêlê kurê Avîhayîl bû. Wê binemalên Mêrariyiyan li aliyê bakurê meskên kon vedana.

Hejmartin 3:38

Wê Mûsa, Harûn û kurên wan, bi aliyê rojhilat ve li pêş meskên, li aliyê ku roj hiltê, li pêş Konê Hevdîtinê kon vedana. Li ser navê gelê Îsraêl wê nobedariya Pîrozgehê bikirana. Kesê din ê ku nêzîkî Pîrozgehê bibûya, wê bihata kuştin.

Hejmartin 31:30

Ji nîvê para din a gelê Îsraêl ji mirov û hemû heywanan –pez, ker an dewar– ji pênciyan yekî bistînî û bidî Lêwiyiyên ku nobedariya Meskenê Xudan dikin.”

Hejmartin 31:47

Çawa ku Xudan lê emir kiriye, Mûsa ji nîvê para ji gelê Îsraêl re ketiye, ji her pêncî kesî yekî û ji her pêncî heywanî yekî hilda û da Lêwiyiyên ku nobedariya Meskenê Xudan dikin.

Hejmartin 8:19

Ji bo gava gelê Îsraêl nêzîkî Pîrozgehê dibe, belayek neyê serê wan û Lêwiyî ji bo gelê Îsraêl xizmeta Konê Hevdîtinê bikin û ji bo wan kefaretê bidin, min ji nav gelê Îsraêl ew wekî diyarî dan Harûn û kurên wî.”

Tîmotʼêyo II 4:2

Peyva Xwedê bide bihîstin, bi dem û bê dem li ser wê bisekine, bi hemû bîhnfirehî û hînkirinê hişyar bike, dengê xwe li wan hilde û cesaretê bide wan.

Samûêl I, 6:19

Ji bo ku li nava Sindoqa Xudan nihêrîbûn, Xudan hin Bêtşemeşiyan ceza kirin û heftê mirovî tune kir. Ji ber cezaya dijwar a Xudan, gel şîn girê da.