Hejmartin 1:3 - Kurmanji Încîl

³ Tu û Harûn, hûnê her Îsraêliyê bîst salî û mezintir ê ku diçe şer, li gorî yekîneyên wan bijmêrin.

Hejmartin 1:3 ပူးပေါင်းရင်းမြစ်များ

Samûêl II, 24:9

Yoav encama hejmartinê ji padîşah re got: Gelê Îsraêl heşt sed hezar, gelê Cihûda jî pênc sed hezar şûrkêş bûn.

Dîrok I, 5:18

Mêrxasên eşîrên Gad û Rûbên û nîveşîra Minaşşe hebûn ku şûr û mertal bi kar dianîn, tîr davêtin û ji bo şer perwerdekirî bûn. Ew artêş ji çil û çar hezar û heft sed û şêst kesan pêk dihat.

Derketin 12:17

Hûnê Cejna Nanê Şikeva pîroz bikin, çimkî min hûn ref bi ref wê rojê ji welatê Misrê deranî. Hûnê nifş bi nifş vê rojê wekî qanûneke herheyî pîroz bikin.

Derketin 30:14

Her kesê bijartî yê ku bîst salî û mezintir e, wê pêşkêşî bide min.

Derketin 38:26

603 550 kesên ku hatibûn hejmartin û emrê wan bîst salî û mezintir bûn, serê kesê bekayek, ango li gorî nîv şekelê Pîrozgehê diket.

Hejmartin 14:29

Wê cendekên we li vê beriyê bikevin. Her kesê li dijî min gilî û gazinên xwe dike û di hejmartinê de emrê wî bîst û mezintir be, wê li vê beriyê bimire.

Hejmartin 26:2

“Tevahiya civaka Îsraêl, li gorî binemalên wan, her kesê bîst salî û mezintir ê ku dikare şer bike bijmêrin.”

Hejmartin 3:15

“Lêwiyiyan li gorî malbat û binemalên wan bijmêre. Tê her kurê yekmehî û mezintir bijmêrî.”

Hejmartin 32:11

‘Ji kesên bîst salî û mezintir ku ji Misrê derketin, wê welêt nebînin ku min sond xwariye bidim Îbrahîm, Îshaq û Aqûb. Çimkî wan bi tevahî neda pey min.

Hejmartin 33:1

Rêwîtiyên ku gelê Îsraêl li gorî artêşgehên xwe bi rêberiya Mûsa û Harûn ji welatê Misrê derket, ev in.

Hejmartin 4:3

Hemû mêrên ji sî heta pêncî salî ne ku dikarin xizmeta Konê Hevdîtinê bikin, bijmêrin.

Dubarekirina Şerîetê 24:5

“Heke zilamek nû zewicî be wê neçe şer û tu peywir lê neyê barkirin. Wê salekê li malê bimîne û jina xwe şa bike.

Dubarekirina Şerîetê 3:18

“Wê gavê min li we emir kir û got: ‘Xwedayê we Xudan ev welat da we ku hûn ji xwe re bikin milk. Lê bila hemû şervanên we bi çekên xwe bidin pêşiya birayên me yên Îsraêlî.