Ezra 3:5 - Kurmanji Încîl

⁵ Herwiha wan qurbanên şewitandinê yên hergavî, qurbanên Heyva Nû, tevahiya qurbanên cejnên Xudan û pêşkêşiyên dilxwaziyê yên Xudan, pêşkêş kirin.

Ezra 3:5 ပူးပေါင်းရင်းမြစ်များ

Ezra 3:6

Wan ji roja pêşî ya meha heftan dest bi pêşkêşkirina qurbanên şewitandinê kir, lê hîmê Mala Xudan hê jî nehatibû danîn.

Nehemya 10:34

“Li ser gorîgeha Xwedayê me Xudan, li gorî ku di Şerîetê de hatiye nivîsandin, ji bo şewatê û li gorî binemalên me ku her sal di demên diyarkirî de, ji bo goriyê daran bînin Mala Xwedayê me, kahin, Lêwiyî û gel bi hev re pişk avêt.

Yêremya 33:18

Wê kahinên Lêwiyî yên li pêş min qurbanên şewitandinê, pêşkêşiyên dexlê û pêşkêşiyên din pêşkêş bikin û heta hetayê kêm nebin.’”

Lêwiyî 1:2

“Bi gelê Îsraêl re bipeyive û ji wan re bêje: ‘Gava kesekî ji we pêşkêşiyeke heywanî pêşkêşî Xudan kir, divê hûn pez an dewarekî bînin.

Lêwiyî 1:3

“‘Heke pêşkêşî qurbana şewitandinê ya dewêr be, divê nêr û bêqisûr be. Wê ew kes bîne ber deriyê Konê Hevdîtinê ku ew li hizûra Xwedê bê qebûlkirin.

Lêwiyî 23:2

“Bi gelê Îsraêl re bipeyive û ji wan re bêje: ‘Cejnên min, cejnên Xudan ên ku hûnê wekî civînên pîroz diyar bikin, ev in.

Hejmartin 28:14

Hûnê wekî pêşkêşiya rijandinê bi her conegayekî re nîv hîn, bi berên re sêyeka hînekê û bi her berxî re çarîka hîneke şerabê pêşkêş bikin. Ji bo tevahiya salekê qurbana şewitandinê ya her mehê ev e.

Hejmartin 28:19

Hûnê ji Xudan re wekî qurbana şewitandinê du conega, beranek û heft berxên nêr ên yeksalî pêşkêş bikin. Divê ew bêqisûr bin.

Hejmartin 28:27

Lê hûnê wekî qurbana şewitandinê du conega, beranek, heft berxên nêr ên yeksalî pêşkêş bikin ku bêhna wê bi Xudan xweş bê.

Hejmartin 29:13

Hûnê wekî qurbana şewitandinê ya ku bêhna wê bi Xudan xweş tê, sêzdeh conega, du beran, çardeh berxên nêr ên yeksalî pêşkêş bikin. Divê ew bêqisûr bin.

Hejmartin 29:2

Hûnê wekî qurbana şewitandinê ya ku bêhna wê bi Xudan xweş tê, conegayek, beranek û heft berxên nêr ên yeksalî pêşkêş bikin.

Hejmartin 29:39

“‘Di cejnên xwe de, ji xeynî pêşkêşiyên we yên sozdanê û dilxwaziyê, hûnê wan wekî qurbanên şewitandinê û pêşkêşiyên dexlê, rijandinê û aştiyê pêşkêşî Xudan bikin.’”

Hejmartin 29:8

Hûnê qurbana şewitandinê ya ku bêhna wê bi Xudan xweş tê pêşkêş bikin; conegayek, beranek, heft berxên nêr ên yeksalî. Wê bêqisûr bin.

Dubarekirina Şerîetê 12:17

Hûnê dehyeka dexlê xwe, şeraba xwe ya nû, rûnê xwe yê zeytê, pez û dewarên xwe yên pêşî, hemû nedrên sozdanê, pêşkêşiyên dilxwaziyê, bexişandinên xwe, li bajarên xwe nexwin.

Dubarekirina Şerîetê 12:6

Hûnê qurbanên xwe yên şewitandinê, qurbanên xwe yên din, dehyekên xwe, bexişandinên xwe, nedrên xwe yên sozdanê, pêşkêşiyên xwe yên dilxwaziyê û pez û dewarên xwe yên pêşî bînin wê derê.