Ezra 3:13 - Kurmanji Încîl

¹³ Dengê qîrînên şahiyê û dengê girînê tevlihev bûbû û gel ev deng ji hev cuda nedikir. Gel ewqas zêde diqîriya û şa dibû ku dengên wan ji cihên dûr jî dihat bihîstin.

Ezra 3:13 ပူးပေါင်းရင်းမြစ်များ

Padîşah I, 1:40

Tevahiya gel da pey wî, li bilûran xistin û şabûneke mezin kirin. Ji dengê wan, erd dihejiya.

Padîşah I, 1:45

Sadoqê Kahin û Natanê Pêxember, li Gîhonê ew rûn kirin û kirin padîşah. Bi şahî ji wir derketin, çingînî bi bajêr ket! Dengê tê bihîstin ev deng e.

Ezra 3:12

Lê gelek kesên ji kahinan, Lêwiyiyan, serekên binemalan û rîspiyên ku Mala berê di hîmê wê de dîtibûn, bi dengekî bilind giriyan. Gelek kes jî, ji kêfê qîriyan û şa bûn.

Ezra 4:1

Gava dijminên Cihûdayî û Binyamîniyan bihîst ku kesên ji sirgûnê vegeriyan Perestgeha Xwedayê Îsraêl Xudan çêdikin,

Nehemya 12:43

Ji ber ku Xwedê ew bi şabûneke mezin şa kiribû, wan wê rojê bi şahiyeke mezin gelek qurban serjê kirin. Jin û zarok jî gelek şa bûn û şahiya Orşelîmê ji dûr ve hat bihîstin.

Zebûr 5:11

Her kesê ku xwe davêje te bila şa be, Bila herdem şa û dilgeş be. Çimkî tu diparêzî wan. Hezkiriyên navê te, bila têr şabin bi te.

Yêremya 33:11

wê dengê kêf û şahiyê, dengê bûk û zavê were. “‘Ji Xudanê Karîndar re şikir bikin, Çimkî Xudan qenc e. Dilovaniya wî her û her e. Çimkî ezê welêt vegerînim firehiya berê’” dibêje Xudan.

Yêremya 50:4

Gotina Xudan ev e: “Di wan rojan de, di wê demê de, Wê gelê Îsraêl û gelê Cihûda bi hev re werin. Wê bi girî werin û li Xwedayê xwe Xudan bigerin.

Zekeriya 4:7

‘Ma tu kî yî, ya çiyayê mezin? Tê li ber Zerûbbabîl bibî deştek! Gava ew kevirê dawî yê banê Perestgehê bîne, wê jê re biqîrin û bibêjin: Nûwaze! Nûwaze!’”

Dadger 2:5

Loma wan navê wê derê Boxîm danî û li wir ji Xudan re qurban serjê kirin.

Samûêl I, 4:5

Gava Sindoqa Peymana Xudan gihîşt nava artêşgehê, tevahiya gelê Îsraêl bi dengekî wisa bilind qîriyan ku erd û ezman lerizî.