Eyûb 8:13 - Kurmanji Încîl

¹³ Riya hemû kesên ku Xwedê ji bîr kirine ev e Û wê hêviya kesê xwedênenas tune bibe.

Eyûb 8:13 ပူးပေါင်းရင်းမြစ်များ

Eyûb 11:20

Lê wê ronahiya çavên xeraban bitefe, Cihê reva wan tunebe Û tekane hêviya wan, hilma dawî be.”

Eyûb 13:16

Wê rizgariya min ev bibe: Mirovekî xwedênenas dernekeve hizûra wî.

Eyûb 15:34

Çimkî civata xwedênenasan sêr e Û agir konên bertîlxûran dadiqurtîne.

Eyûb 18:14

Ew ji konê xwe yê ku pê ewle ne tên anîn Û deranîn pêş padîşahê sawê.

Eyûb 20:5

Şahiya xeraban kurt e, Şabûna xwedênenasan hema gavek e.

Eyûb 36:13

“Kesên ji dil xwedênenas in, hêrsê dicivînin, Xwedê wan girê bide jî, ew nakin hewar.

Eyûb 8:12

Hê gava ter in û nehatine jêkirin, Beriya hemû giyayan diçilmisin.

Zebûr 1:4

Xerab ne weha ne, Wek hûrikê kayê ne ku ba lê dixe û dibe.

Zebûr 10:4

Bi pozbilindiya xwe, yê xerab nagere li Xudan, Hergav dibê «Xwedê tune» ev e ya wî, hemû raman.

Zebûr 112:10

Yê xerab, vê dibîne, aciz dibe, Diranên xwe diqirçîne, dihele, diqede. Daxwaza xeraban tune dibe.

Zebûr 50:22

«Vê fêm bikin, hûn, ey yên Xwedê ji bîr kirine! An ezê we perçe bikim, kesî we rizgar ke nîne.

Zebûr 9:17

Xerab wê herin diyarê miriyan, Miletên Xwedê jibîr kirine her eynî riyan.

Methelokên 10:28

Hêviya rastan şabûn e, Lê bendewariya xeraban vala derdikeve.

Methelokên 11:7

Hêviya mirovê xerab bi mirinê tune dibe, Bendewariya hêzdariyê jî pê re.

Methelokên 12:7

Xerab hildiweşin û tune dibin, Lê mala rastan ava ye.

Îşaya 33:14

Gunehkarên Siyonê tirsiyan, Lerzekê bi xwedênenasan girt. Dibêjin: “Ma kî ji me dikare li ber agirê bimîne Ku dixwe û tune dike? Kî ji me dikare li ber pêtên herheyî rûne?”

Îşaya 51:13

Xudanê Afirînerê te ezmanan tikandiye Û bingeha dinyayê daniye, te ji bîr kir. Her roj, erê hergav Tu ji ber xezeba zordar ditirsî Ku ji bo wêrankirinê xwe amade dike ditirsî. Lê ka xezeba zordar li ku ye?

Lavijên Şînê 3:18

Loma ez dibêjim: “Dermanê min nema, Hêviya min a ji Xudan tuneye.”

Metta 24:51

û wê wî perçe perçe bike û para wî bi durûyan re bide. Li wir wê bibe girîn û qirçîna diranan.

Dubarekirina Şerîetê 6:12

hay ji xwe hebin ku hûn Xudan ji bîr nekin ku wî hûn ji welatê Misrê, ji warê koletiyê deranî.

Dubarekirina Şerîetê 8:11

Hay jê hebin ku hûn Xwedayê xwe Xudan ji bîr nekin û van emir, rêbaz û qanûnên ku ez îro li we dikim pêk bînin.

Dubarekirina Şerîetê 8:14

wê gavê qure nebin. Xwedayê xwe Xudan ê ku hûn ji welatê Misrê, ji warê koletiyê deranîn ji bîr nekin.

Dubarekirina Şerîetê 8:19

“Heke hûn Xwedayê xwe Xudan ji bîr bikin, bidin pey îlahên din, xulamiya wan bikin û biperizin wan, ez îro bi eşkereyî ji we re dibêjim: Hûnê esse tune bibin.