Eyûb 18:7 - Kurmanji Încîl

⁷ Hêza gavên wan kêm dibe, Pîlanên wan, wan li erdê dixe.

Eyûb 18:7 ပူးပေါင်းရင်းမြစ်များ

Samûêl II, 15:31

Di wê navberê de yekî ji Dawid re got: “Ahîtofêl di nav fesadên alîgirên Avşalom de ye.” Li ser vê yekê Dawid wiha dua kir: “Ya Xudan şêwra Ahîtofêl vala derxe.”

Samûêl II, 17:14

Avşalom û Îsraêliyan got: “Şîreta Huşayê Arkî, ji şîreta Ahîtofêl çêtir e.” Çimkî Xudan, ji bo Avşalom têk bibe, pîlan kiribû ku şîreta Ahîtofêl vala derxe.

Padîşah II, 6:11

Ji ber vê yekê, Padîşahê Aramê gelekî hêrs bû. Wî gazî peywirdarên xwe kir û ji wan re got: “Ji nav me kesên pişta Padîşahê Îsraêlê digirin kî ne, ma hûnê ji min re nebêjin?”

Eyûb 15:6

Devê te, te sûcdar dertîne, ne ku ez, Lêvên te şahidiyê li dijî te dike.

Eyûb 20:22

Di nav firehiyê de jî wê tengasiyê bibînin, Wê her cure dijwarî bi ser wan de were.

Eyûb 36:16

“Bi rastî wî bala te kişand Ku te ji devê tengasiyê derîne Û te bibe dereke fireh û bêasteng. Sifreya te bi rûn û aramiyê tije bû.

Zebûr 18:36

Te fireh kir ciyê lingê min, Loma neşemitî piyê min.

Zebûr 33:10

Xudan xera dike şêwra miletan, Vala dertîne fikrên gelan.

Methelokên 11:5

Rastiya mirovê kamil riya wî rast dike, Lê kesê xerab bi xerabiya xwe dikeve.

Methelokên 29:6

Di neheqiya xeraban de dafik heye, Lê kesên rast stranan dibêjin û şa dibin.

Methelokên 4:12

Gava tu bimeşî, wê gavên te asteng nebin, Çaxê tu dibezî, tê neterpilî.

Hoşêya 10:6

Herwiha wê ew pût, Ji padîşahê mezin re wekî diyarî, Ji Aşûrê re bê şandin. Wê bibe şerma Efrayîm, Îsraêl ji ber şîreta xwe, wê şerm bike.

Korîntî I, 3:19

Çimkî şehrezayiya vê dinyayê li ba Xwedê bêaqilî ye. Wek ku hatiye nivîsîn: «Ew şehrezayan di hîleyên wan de digire».