Eyûb 10:9 - Kurmanji Încîl

⁹ Ji kerema xwe bi bîr bîne, Te wekî gilê şikil da min. Gelo tê careke din min bişînî axê?

Eyûb 10:9 ပူးပေါင်းရင်းမြစ်များ

Destpêk 2:7

Xwedê Xudan Adem ji axa erdê çêkir û hilma jiyanê pif kir pozê wî. Bi vî awayî Adem bû canekî jîndar.

Destpêk 3:19

Tê nanê xwe, bi xwêdana eniya xwe bixwî. Heta ku tu bizivirî axa tu jê hatî çêkirin. Çimkî tu ax î û tê vegerî axê.”

Eyûb 10:10

Gelo te ez wekî şîr nerijandim, Te wekî penîr ez ziwa nekirim?

Eyûb 17:14

Heke ji çalê re bêjim: ‘Tu bavê min î’ Û ji kurmekî re: ‘Diya min’ an ‘Xwişka min,’

Eyûb 33:6

Va ye, li ber Xwedê, ez jî wekî te me. Ez jî, ji heriyê hatim afirandin.

Eyûb 34:15

Wê hemû beşer bi hev re bimire, Wê mirov vegere axê.

Eyûb 4:19

Gelo ew ji wan kesan ewle ye Ku bedena wan wekî xaniyên heriyê ye, Bingeha bedena wan ji tozê ye Û ji bizûzê zûtir diperçiqin?

Eyûb 7:21

Ji bo çi tu gunehên min nabexişînî Û sûcê min efû nakî? Çimkî di nêz de ezê bikevim binê axê. Tê pir li min bigerî lê ezê tunebim.”

Eyûb 7:7

Ya Xwedê, bi bîr bîne ku jiyana min hilmek e, Wê çavê min careke din qenciyê nebîne.

Zebûr 103:14

Çimkî ew bi afirandina me dizane, Ew bibîr tîne ku em ax in.

Zebûr 104:29

Tu rûyê xwe vedişêrî, ew ditirsin, Tu hilma wan dibirrî, ew dimirin û dibin ax.

Zebûr 106:4

Çaxê te qencî bi gelê xwe kir, min bibîr bîne ya Xudan, Gava ku tu wan rizgar dikî, min jî têxe nav wan.

Zebûr 22:15

Wek perçê qafikê, ziwa bû hêza min, Zeliqî ziman, bi ezmanê devê min; Te ez danîm ser axa mirinê.

Zebûr 25:18

Binêre li ketin û êşên min, Bibexşîne hemû gunehan li min!

Zebûr 78:39

Bibîr dîanî ku ew mirov in, Wek bayê derbas dibin û nazivirin.

Zebûr 89:47

Jiyê min çiqas kurt e, bibîr bîne. Te ji bo çi tiştên vala, mirov afirandine!

Zebûr 90:3

Tu mirov dizivirînî axê, Tu dibêjî, «Ey kurê mirov, bizivirin axê!»

Waiz 12:7

Hê ku ax neziviriye erdê Û ruh neziviriye ba Xwedayê ku ew daye, Tu Afirîner bi bîr bîne.

Îşaya 45:9

Wey li wî ku devjeniya Afirînerê xwe dike. Di nav perçeyên dîzika axê de, Tu yek ji wan bi tenê yî. Ma gil dikare ji kesê şikil didê re bêje: “Tu çi çêdikî?” An “Çima çembilên min tuneye?”

Îşaya 64:7

Kesê gazî navê te dike, Kesê hişyar ku xwe li te digire, tuneye. Çimkî te rûyê xwe ji me veşart Û ji ber neheqiyên me, te em helandin.

Îşaya 64:8

Lê ya Xudan, tu bavê me yî. Em gil in, tu cerçêkerê me yî, Em hemû karê destê te ne.

Yêremya 18:6

“Ya Mala Îsraêl! Tişta ku vî cerçêkerî kir, qey ez nikarim bi we bikim?” Ev e gotina Xudan. “Gil di destê cerçêker de çawa be, hûn jî di destê min de wiha ne, ya Mala Îsraêl.

Romayî 9:21

Ma desthilatiya cerçêker li ser herriyê tune ku ji eynî loda herriyê firaxekê ji bo karên bi rûmet û yeke din jî ji bo karên bêrûmet çêke?

Korîntî II, 4:7

Em di firaxên herrî de xwediyê vê xezînê ne; da ku bê zanîn, mezinahiya zêde ya hêzê ne ji me ye, lê ji Xwedê ye.