Ester 8:5 - Kurmanji Încîl

⁵ Jê re got: “Heke bi dilê padîşah be, qedrê min li ba wî hebe, ev yek di çavê wî de rast be û dilê wî bi min ve be, bila fermanekê binivîse. Li gorî vê fermanê bila nameyên Hamanê Hammedatayê Agagî ku ji bo helakirina Cihûyên li hemû bajarên padîşah nivîsandibû bên betalkirin.

Ester 8:5 ပူးပေါင်းရင်းမြစ်များ

Ester 2:17

Padîşah ji hemû jinan zêdetir, Esterê eciband. Ji hemû keçikan zêdetir, hezkirin û keremê nîşanî wê da. Wî taca şahbanûtiyê danî serê wê û ew li cihê Waştiyê kir şahbanû.

Ester 2:4

Paşê ew keçika ku bi dilê padîşah e, bila ji dêla Waştiyê bibe şahbanû.” Ev gotin bi dilê padîşah bû û wî wisa kir.

Ester 3:1

Piştî van tiştan Ahaşwêroşê Padîşah, Hamanê kurê Hammedatayê Agagî anî ser karekî bilind û bi vî awayî ew rûmetdar kir. Wî ew ji tevahiya serekan mezintir kir.

Ester 5:8

heke bi dilê padîşah bi min xweş be, bixwaze daxwazên min bi cih bîne, dîsa bila padîşah û Haman sibê keremkin bên ziyafeta ku ezê ji bo wan bidim. Wî çaxî ezê bersiva pirsa padîşah bidim.”

Ester 7:3

Estera Şahbanû wiha bersiv da: “Ya padîşahê min, heke qedrê min li ba te hebe û bi dilê te be, daxwaza min ew e ku tu canê min û gelê min bibexişînî.

Derketin 33:13

Heke tu bi min xweş be, ji kerema xwe riyên xwe nîşanî min bide ku ez te çêtir nas bikim û dilê te bi min xweş be. Herwiha ji bîr neke, ev milet gelê te ye.”

Derketin 33:16

Çimkî, heta tu bi me re neyî wê çawa bê zanîn ku tu ji min û ji gelê xwe razî mayî? Bi vî awayî ez û gelê te, emê ji hemû miletên li ser rûyê erdê cudatir bin.”

Samûêl I, 20:29

Wî got: ‘Ji kerema xwe, bihêle ez herim çimkî li bajêr malbata me qurban serjê dike û birayê min xwest ez jî li wir bim. Bi dilê te be, bihêle ez herim wî bibînim.’ Loma ew li ser sifreya padîşah tunebû.”