Ester 8:15 - Kurmanji Încîl

¹⁵ Mordexay bi cil û bergê padîşahiyê ku ji rengên spî û şînê tarî pêk hatiye, di serî de taceke mezin a zêrîn, bi xiftaneke tenik ê ji kitanê binevşî ji ba padîşah derket. Dengê şahî û kêfxweşiyê ji bajarê Sûsayê bilind bû.

Ester 8:15 ပူးပေါင်းရင်းမြစ်များ

Destpêk 41:42

Piştre Firewn gustîla morê ji tiliya xwe derxist û xist tiliya Ûsiv. Wî cilên kitan ên hêja lê kirin û zincîreke zêrîn xist stûyê wî.

Ester 1:6

Li hewşê, perdeyên spî û şînê tarî yên ji tayê pembû yê tenik, bi benên kitanê binevşî, bi xelekên zîvîn ên stûnên mermerî ve girêdayî bûn. Zemîna hewşê bi mermerên sor, spî, zer û reş hatibû raxistin, sedrên zêrîn û zîvîn hatibûn danîn.

Ester 10:2

Mezinahiya wî, mêrxasiyên wî, rûmetkirina wî ya Mordexay, di qeydên dîrokê yên padîşahên Pars û Medan de hatine nivîsandin.

Ester 3:15

Qasid bi fermana padîşah re bi lez dan rê. Ferman li qesra Sûsayê hat derxistin. Padîşah û Haman rûniştin, bi hev re vedixwarin, lê bajarê Sûsayê şaş û metel mabû.

Ester 5:1

Di roja sisêyan de Esterê cil û bergên şahbanûtiyê li xwe kirin û li hewşa hundir a qesra padîşah, li ber odeya text sekinî. Padîşah jî li ser textê xwe yê ku li pêşberî deriyê ketinê rûniştibû.

Ester 5:11

Wî ji wan re behsa dewlemendiya xwe ya mezin, pirbûna kurên xwe û ji aliyê padîşah ve rûmetdana xwe kir. Behsa wê yekê kir ku çawa di nav serek û karmendan de, di ser hemûyan re tê dîtin.

Ester 6:11

Haman rabû cil û berg û hesp hilda, cil û berg li Mordexay kir, ew li hêsp siwar kir û li meydana bajêr gerand. Diçû û dihat, dikir gazî: “Padîşah mirovekî wiha rûmetdar dike.”

Ester 6:8

bila cil û bergên wî, hespê wî û taca padîşahiyê bînin.

Ester 8:14

Qasidên li hespên beza yên padîşah siwar bûn, bi fermana wî bi çargavî dane rê. Ev ferman ji qesra Sûsayê hatibû.

Methelokên 11:10

Ji ber serfiraziya rastan, bajar dilgeş dibe, Ji ber tunebûna xeraban, şahî dibe.

Methelokên 28:12

Gava rast bi ser dikevin, berziyeke mezin çêdibe, Lê gava xerab tên ser kar, mirov xwe vedişêrin.

Methelokên 29:2

Gava rast zêde bin, gel şa dibe, Lê gava xerab dibin serwer, gel dike axîn.

Metta 11:8

Nexwe, hûn çûn ku çi bibînin? Ma mirovekî ku cilên nermîn li xwe kirine? Ew ên ku cilên nermîn li xwe dikin di qesrên padîşahan de ne.

Metta 6:29

Lê ez ji we re dibêjim ku Silêman jî di hemû rûmeta xwe de wek yeke ji wan cil li xwe nekirin.

Lûqa 16:19

«Mirovekî dewlemend hebû ku cilên binefşî û ji kitanê tenik li xwe dikir. Wî her roj dixwar, vedixwar û ew bi kêf û şahî dijiya.