Ester 6:4 - Kurmanji Încîl

⁴ Di vê navberê de padîşah got: “Ka binêrin kî li van dera heye?” Wê gavê Haman ketibû hewşa derve ya qesrê. Wî darekê daçikandibû û hatibû ku ji padîşah bixwaze Mordexay bi darê ve bê daleqandin.

Ester 6:4 ပူးပေါင်းရင်းမြစ်များ

Ester 4:11

“Hemû karmendên padîşah û miletên ku li herêmên wî rûdinin dizanin ku bêyî ku hatibe gazîkirin ji bo her kesê ku dikeve hewşa hundir a qesrê û nêzîkî padîşah dibe tenê rêzikek heye: Heta ku padîşah gopalê xwe yê zêrîn dirêj neke û canên wan nebexişîne, ew kes tên kuştin. Ev sî roj in ku ez jî, ji bo hizûra padîşah nehatime gazîkirin.”

Ester 5:1

Di roja sisêyan de Esterê cil û bergên şahbanûtiyê li xwe kirin û li hewşa hundir a qesra padîşah, li ber odeya text sekinî. Padîşah jî li ser textê xwe yê ku li pêşberî deriyê ketinê rûniştibû.

Ester 5:14

Jina wî Zereş û hemû dostên wî jê re got: “Bila darekî ku pêncî gaz bilind e bê daçikandin û ji padîşah re bêje ku serê sibê Mordexay li wir bê daleqandin. Paşê bi dilekî rihet bi padîşah re here ziyafetê.” Ev pêşniyar bi dilê Haman bû û wî darê daleqandinê daçikand.

Ester 6:3

Padîşah got: “Ji ber vê kiryarê, Mordexay çawa hat rûmetkirin, çi xelat danê?” Xizmetkarên wî jê re got: “Tu tişt ji bo wî nehat kirin.”

Ester 6:5

Xizmetkaran ji padîşah re got: “Haman hatiye û li hewşê ye.” Padîşah got: “Bila were vir.”

Ester 7:9

Harbonayê ku yek ji axayê harema padîşah bû wiha got: “Binêrin, Haman ji bo Mordexayê ku jiyana padîşah rizgar kiriye daleqîne, darê pêncî gazî daçikandiye û dar li ber deriyê wî amade ye.” Padîşah got: “Bila Haman bi wî darî ve bê daleqandin.”

Eyûb 5:13

Ew fenekan di fen û fûtên wan de digire Û şêwra xeraban yekser xera dike.

Zebûr 2:4

Ji textê ezmanan dikene bi wan, Şa dibe Xudan bi kirina wan.

Zebûr 33:19

Heta ku, ew xelas dike canê wan ji mirinê, Wan dide jiyîn dema xela û tunebûnê.

Waiz 9:10

Ji bo xebatê her çi bi destê te bikeve, tu bi hemû hêza xwe wê bike. Çimkî li diyarê miriyan ê ku tu diçî kar û şêwir, zanabûn û şehrezayî tuneye.