Ester 6:11 - Kurmanji Încîl

¹¹ Haman rabû cil û berg û hesp hilda, cil û berg li Mordexay kir, ew li hêsp siwar kir û li meydana bajêr gerand. Diçû û dihat, dikir gazî: “Padîşah mirovekî wiha rûmetdar dike.”

Ester 6:11 ပူးပေါင်းရင်းမြစ်များ

Ezra 6:13

Wê gavê Tattenayê Waliyê herêma rojavayê Feratê, Şêtar-Bozenay û hevalbendên wan, fermana Daryûs bi awayekî bêqisûr pêk anî.

Ester 6:10

Padîşah ji Haman re got: “De ka rabe, li gorî gotina xwe cil û bergan û hêsp bîne, tiştên ku te gotin yek bi yek ji bo Mordexayê Cihû bike. Ew niha li ber dergehê padîşah e. Tu kêmahiyan di van gotinên xwe de nehêle.”

Ester 6:12

Mordexay vegeriya dergehê qesrê. Haman serê xwe nixamt û bi şermî ber bi malê ve lezand.

Ester 8:15

Mordexay bi cil û bergê padîşahiyê ku ji rengên spî û şînê tarî pêk hatiye, di serî de taceke mezin a zêrîn, bi xiftaneke tenik ê ji kitanê binevşî ji ba padîşah derket. Dengê şahî û kêfxweşiyê ji bajarê Sûsayê bilind bû.

Ester 9:3

Tevahiya serekên herêman, setrabên padîşah, walî û karmendên padîşah, ji ber ku ji Mordexay ditirsiyan, piştevaniya Cihûyan kirin.

Methelokên 27:18

Kesê darhejîrê xweyî dike, ji berê wê dixwe, Kesê li xweyê xwe xweyî dike, birûmet dibe.

Îşaya 60:14

Wê kurên zordarên te Werin û serê xwe li ber te bitewînin. Hemû kesên ku tu kêm dîtî, Wê xwe bavêjin ber lingên te Û wê ji te re bêjin: ‘Bajarê Xudan, Siyona ku ya Pîrozê Îsraêl e.’

Lûqa 1:52

Wî, yên mezin ji textên wan anîn xwarê, Û yên nizim bilind kirin.

Peyxam 3:9

Va ye, hinek ji kinîşta Îblîs hene. Ew ne Cihû ne, lê bi derew ji xwe re dibêjin Cihû. Ezê wisa bi wan bikim, ku ewê bên û li ber lingên te herin ser çokan û wê bizanin ku ez ji te hez dikim.