Dîrok I, 17:2 - Kurmanji Încîl

² Natan ji Dawid re got: “Hemû tiştên tu difikirî pêk bîne. Xwedê bi te re ye.”

Dîrok I, 17:2 ပူးပေါင်းရင်းမြစ်များ

Samûêl II, 7:3

Natan ji padîşah re got: “Here hemû tiştên tu difikirî pêk bîne. Xudan bi te re ye.”

Padîşah I, 8:17

“Di dilê bavê min Dawid de bû ku ji bo navê Xwedayê Îsraêl Xudan malekê ava bike.

Dîrok I, 17:1

Piştî ku li qesra xwe rûnişt, Dawid ji Natanê pêxember re got: “Va ye ez di mala dara sedrê de rûdinim. Lê Sindoqa Peymana Xudan di bin perdeyên konî de ye!”

Dîrok I, 17:3

Wê şevê gotina Xwedê ji Natan re hat û got:

Dîrok I, 22:7

Dawid ji Silêman re got: “Kurê min, di dilê min de hebû ku ji bo navê Xwedayê xwe Xudan min malekê ava bikira.

Dîrok I, 28:2

Dawidê Padîşah rabû ser xwe û got: “Ya bira û gelê min, bibihîzin! Di dilê min de hebû ku ez maleke ji bo Sindoqa Peymana Xudan ava bikim. Bila pêgeha Xwedayê me rihet be. Min amadekariya wê jî kir.

Zebûr 20:4

Bila bi dilê xwe bide te, Hemû şîretên te bi cih bîne!

Zekeriya 8:23

“Xudanê Karîndar wiha dibêje: ‘Di wan rojan de, deh kesên ji her ziman û ji her miletî, wê bi dawa Cihûdayiyekî bigirin û bêjin: Destûrê bidin, ez jî bi we re bêm. Çimkî me bihîst Xwedê bi we re ye.’”

Lûqa 1:28

Cibrayîl hat ba wê û jê re got: «Silav li te, ey keçika ku kerema Xwedê li ser e. Xudan bi te re ye.»

Korîntî I, 13:9

Çimkî zanîna me kêm e û pêxemberîtiya me kêm e.

Yêşû 9:14

Bêyî ku pirsa fermana devê Xudan bikin, Îsraêliyan xureka wan hilda ku pêşkêşî wan kiribûn.

Samûêl I, 10:7

Kengê ev nîşan li te xuya bûn, çi lazim be bike. Çimkî Xwedê bi te re ye.

Samûêl I, 16:7

Lê Xudan ji Samûêl re got: “Li bejn û bala wî nenêre. Ne ew e! Xudan wekî mirov dibînin nabîne. Mirov li rû dinêre, lê belê Xudan li dil dinêre.”